Ubwandilo 25:21 - IBAYIBOLO 2024

²¹ Pachifukwa ichakuti u Labeka umuchi uwa Yisaki akaba mughumba, u Yisaki akamwiputila kwa Mwene. U Mwene akivwa inyiputo zyache, po u Labeka akamela ulwanda.

Ubwandilo 25:21 Iomraidhean Croise

Ubwandilo 11:30

U Salayi atakaba na bana pachifukwa ichakuti akaba mughumba.

Ubwandilo 16:2

Po u Salayi akamubuzya u Abulamu akati, “U Mwene atampiye nu mwana nayumoyumo. Buli nanti ungaghona nu wambombo wane uyu ukuti pamo angampapila abana?” U Abulamu akitinkana nazyo zizyo u Salayi akamubuzya.

Ubwandilo 30:22

U Chala akamukumbuka u Lakelo, akivwa inyiputo zyache nukumwighula impapo yache.

1 Imbili 5:20

U Chala akabavwa pakulwa ubwite naba Hagili, poka na balwani babo pachifukwa ichakuti bakamulaba ukuti abavwe. Po u Chala akabamula ulwiputo lwabo pakuti bakamusubila.

2 Imbili 33:13

Bo iputa, u Mwene akivwa ulwiputo lwache nukulambilizya kwache. Po akamunyosekezya ku Yelusalemu ku bumwene bwache. U Manase akazimanya ukuti u Mwene we Chala.

Ezila 8:23

Tukatuzya pakulya nukumulambilizya u Chala witu ukuti atuvighilile, po akivwa ulwiputo lwitu.

Masalimo 127:3

Abana mpyana iyakufuma kwa Mwene, sona abizukulu gho muvwalo uwakufuma kukwache.

Masalimo 145:19

Akubapa vivyo bakulonda babo bakumuchindika akwivwa ukulila kwabo nukubapoka.

Masalimo 50:15

Munyitizyanje pakabalilo akantamyo, nkwiza pakubapoka po mukwiza pakunchindika.”

Masalimo 65:2

Awe we ukwivwa inyiputo, abantu bosi bizaghe kukwako.

Masalimo 91:15

Bo akunyitizya, ane nkwiza pakumwamula. Nkwiza pakuba nawe muntamyo zyache zyosi, nkwiza pakumupoka nukumuchindika.

Ivyili 10:24

Chicho umuntu umubibi akuchinyilagha cho chicho chikumuwila, loli chicho umuntu umugholosu akuchinyonywanga, cho chicho akuchipokela.

Yesaya 45:11

U Mwene Umuzelu uwa Izilayeli, numupeli wache akuti, “Ukuyana nivintu vivyo vikwiza, Nkimba ukundalusya ane nizya bana bane, pamo pakundamula ni mbombo izya nyobe zyane?

Yesaya 58:9

Po ukwiza pakwitizya, sona u Mwene akwiza pakwamula, nanti ukulila, akwiza pakwamula ukuti, ‘Ane indipano.’ “Nanti mukuleka pakubakanyilila abantu ni koli, nukuleka ukusontana ninyobe nukunenana ububibi,

Yesaya 65:24

Bo bachili pakunyitizya nkwiza pakubamula, bo bachili pakunena ikwiza pakubivwa.

Luka 1:13

Loli uwantumi yula akamubuzya akati, “Zekaliya, utakanyilaye! U Chala ivwa ulwiputo lwako. Umuchi wako u Elizabeti akwiza pakupapa umwana umulumendo, po ukwiza pakumwita ukuti we Yohani.

Luka 1:7

Batakaba na bana pachifukwa ichakuti u Elizabeti akaba mughumba, sona yuyo nu Zekaliya bakaba baghosi.

1 Samuweli 1:11

Po akalapa ichilapo akati, “Wee Mwene Uwamaka Ghosi, nanti wennya bulo intamyo zyane nukunkumbuka, sona nanti utakunduvya ane ne wambombo wako pakumpa umwana umulumendo, umwana yula nkwiza pakumupa u Mwene amasiku ghosi agha bumi bwache, sona atakwiza pakumwapo nalumo isisi zyache.”

1 Samuweli 1:17

U Eli akamula akati, “Wende akiza, sona u Chala uwa Izilayeli akupe vyosi vivyo wamulaba.”

1 Samuweli 1:2

U Elikana akaba na bachi babili, umuchi usongo akaba we Hana, sona umunandi akaba we Penina. U Penina akaba na bana, loli u Hana atakaba na bana nabamobamo.

1 Samuweli 1:27

Umwana yunuyu nkamulaba kwa Mwene, po u Mwene ampiye chicho nkamulaba.