Ubwandilo 24:7 - IBAYIBOLO 2024

⁷ U Mwene u Chala uwakumwanya, yuyo akanyefya kunyumba iya bapapi bane, sona ni chisu chicho nkapapiliwako, akandapizya ukuti akwiza pakubapa abaluko lwane ichisu chinichi. Akwiza pakumutuma uwantumi wache kuntazi kukwako, kulakula ko kuko umusendele umukolo umwana wane.

Ubwandilo 24:7 Iomraidhean Croise

Ubwandilo 13:15

Nkwiza pakukupa awe na baluko lwako ichisu chosi chicho ukuchennya, po chikwiza pakuba chako ni chako bwila na bwila.

Ubwandilo 15:18

Pisiku lilalila, u Mwene akafinga ulufingo nu Abulamu akati, “Nkwiza pakubapa abaluko lwako ichisu chinichi, ukwandila ko kumpaka iya chisu icha Ijiputi mupaka kulusoko ulukulu nkani ulwa Yufuleti.

Ubwandilo 16:7

Uwantumi uwa Mwene akakomana nu Hagala pachiziba munkolongo pazila iyakubukila kukaya aka Shuli,

Ubwandilo 17:8

Nkwiza pakukupa awe poka na baluko lwako ichisu ichi awe we muyeni. Ichisu chosi icha Kenani chikwiza pakuba cha baluko lwako bwila na bwila, sona nkwiza pakuba ne Chala wabo.”

Ubwandilo 21:17

U Chala akamwivwa umwana yula akulila, po uwantumi uwa Chala akamubuzya u Hagala akati, “Wee Hagala, nkimba choni chatamya? Utakanyilaye, u Chala ivwa ukulila ukwa mwana.

Ubwandilo 22:11

Loli uwantumi uwa Mwene akamwitizya akati, “Wee Abulahamu, Abulahamu!” U Abulahamu akamula akati, “Indi pano.”

Ubwandilo 24:3

Lapa pamaso pa Mwene, u Chala uwakumwanya ni chisu chosi ichapasi ukuti utakwiza pakumusendela umwana wane umulindu uwa muchisu icha Kenani, mumo ane nkwikala.

Ubwandilo 24:40

“Akamula akati, ‘U Mwene yuyo namubombela mubusubiliwa akabalilo kosi akwiza pakumutuma uwantumi wache poka nawe nukuti vyosi vikwendele akiza, umwakuti ungamusendela umukolo umwana wane kubaluko lwane, sona ku bamunyumba iya tata wane.

Ubwandilo 26:24

Ubusiku bulabula u Mwene akamubonekela nukuti, “Ane ne Chala uwa ghuso u Abulahamu. Utakanyilaye pakuti indi nawe. Nkwiza pakukusaya, sona abaluko lwako bakwiza pakuba binji nkani pachifukwa icha layizyo lilyo nkamulayizya uwambombo wane u Abulahamu.”

Ezila 1:2

“U mwene u Sayilasi uwamu Peleziya ati, “ ‘U Mwene u Chala uwakumwanya anyimika ukuti imbanje ne mulaghili uwa chisu chosi ichapasi sona ansalite ukuti imuzengele Inyumba mu Yelusalemu muchisu icha Yuda.

Masalimo 103:20

Mwee bantumi bache, mupalaye u Mwene, kokuti mwe bamaka mwe mukuzikonka indaghilo zyache mupalaye u Mwene.

Masalimo 136:26

Mumupalizyanje u Chala uwakumwanya. Ulughano lwache lwa bwila na bwila.

Masalimo 32:8

Nkwiza pakukulanjizya nukukumanyisya izila izyakuti wendayemo, sona nkwiza pakukulongozya nukukwenelezya.

Masalimo 34:7

Uwantumi uwa Mwene akubavighililagha babo bakumuchindika, sona akubapoka bosi.

Masalimo 73:24

Ukundongozya na mahala ghako, sona pabumalilo ukumpokela mu buchindamu bwako.

Ukufuma 13:5

U Mwene akalapa ku banyenya binyu ukuti akwiza pakubapa ichisu icha ba Kenani nicha ba Hiti nicha ba Amoli nicha ba Hivi nicha ba Yebusi. Ichisu chinichi cho chisu icha mboto. Bo abinjizya muchisu chinichi, mubanje nulusekelo mumwezi uwakwanda umwaka nu mwaka.

Ukufuma 32:13

Kumbuka ukuti ukalapa ku mubombi wako u Abulahamu nu Yisaki nu Izilayeli ukuti, ‘Nkwiza pakubalizya abaluko lwinyu ngati zyo ntondwa, sona nkwiza pakubapa abaluko lwabo ichisu chosi chinichi ukuti chibanje chabo ni chabo bwila na bwila.’ ”

Ukufuma 33:2

Nkwiza pakumutuma uwantumi wane pantazi papinyu pakubachimbizyamo aba Kenani naba Amoli naba Hiti naba Pelezi naba Hivi sona naba Yebusi.

Yesaya 63:9

Mumayimba ghabo ghosi wepe bulo akayimba, po uwantumi yuyo akaba palapala akabapoka, akabapoka mulughano lwache na muchisa chache. Akabanyamula nukubasenda mumasiku aghakale.

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Yona 1:9

U Yona akamula akati, “Ane ne mu Hebeli sona nkumwiputa u Mwene u Chala uwakumwanya, yuyo akapela inyanja ni chisu ichapasi.”

Ukubelengiwa 11:12

Nkimba nene nkamela ulwanda abantu bosi banaba? Nkimba nene nkabapapa umwakuti umbuzye ukuti imbafukatile ngati muleli, yuyo akumufukatila umwana mupaka kuchisu chicho ukabalayizya abanyenya babo?

Ukubelengiwa 14:16

‘U Mwene akabaghoghela munkolongo pachifukwa ichakuti akapotwa pakubinjizya muchisu chicho akabalayizya pakubapa pakuba chabo ni chabo.’

Ukubelengiwa 14:30

atakwiza pakwinjilamo muchisu chicho nkalapa pakubapa pakuba chinyu ni chinyu, loli u Kalebu mwene umwana uwa Yefune nu Yoshwa umwana uwa Nuni.

Ukubelengiwa 32:11

‘Pachifukwa ichakuti atalipo nayumo umuntu uwakwepamo mu Ijiputi, ukufuma abamaka 20 pamo ukuchilapo, babo bakwiza pakuchennya ichisu chicho nkafinga ukumupa u Abulahamu nu Yisaki, sona nu Yakobo, pakuti batankonkite nu moyo ghosi.

Imbombo 7:5

U Chala atakamupako u Abulahamu na kabuzilo nakamokamo ukuti kabanje kache na kache, napapo imita lyoka, loli u Chala akamulayizya pakumupako ichisu ichi, sona ukuti kabanje kache na kache nuluko lwache. Pakabalilo kako u Chala akamulayizyanga, u Abulahamu atakaba na bana.

Ukukumbusya Amalamulo 1:8

Nkubapa ichisu chosi chinichi. Bukagha pakuchifyula ichisu nukwikalamo muchisu chicho u Mwene akamulayizya umunyenya winyu u Abulahamu nu Yisaki nu Yakobo sona na baluko lwabo.’ ”

Ukukumbusya Amalamulo 34:4

Po u Mwene akamubuzya u Mozesi akati, “Ichi cho chisu chicho nkamulayizya u Abulahamu nu Yisaki, sona nu Yakobo ukuti nkwiza pakubapa abaluko lwako. Nakwitikizya ukuti uchennye bulo na maso ghako, loli utakwiza pakwinjilamo.”

Aba Hebeli 1:14

Loli abantumi aba kumwanya babombi bulo. Abene yo mizimu yiyo yikumubombela u Chala, sona yiyo yitumiwe pakubabombela abantu, babo bakwiza pakupokiwa.

Aba Hebeli 11:9

Lukaba lwitiko lulo lukamupela ukwikala ngati muyeni muchisu chicho u Chala akamulayizya. Akikalagha muchisakasa. Wepe u Yisaki nu Yakobo bakikalagha muvisakasa ukuyana namumo u Abulahamu akabombelagha, napapo ichilingo chicho u Chala akabalayizya chikaba chabo.

Yoshwa 1:6

“Ubanje nu lweke, sona ujimbaye, pakuti wewe ukwiza pakubalongolela abantu banaba pakuchifyula ichisu chicho nkabalayizya abanyenya babo.

Yoshwa 24:3

Loli nkamusenda u Abulahamu umunyenya winyu nukumwefyamo muchisu chicho chikaba kwisila ilya lusoko ulwa Yufuleti. Nkamulongolela ukudumusannya muchisu chosi icha Kenani, sona nkamupa abaluko abinji nkani. Nkamupa u Yisaki,

Ubuvumbuli 11:13

Pakabalilo kalakala kukaba akasenyenta akakulu nkani, umwakuti ichigaba choka pa vigaba 10 ivya kaya akakulu nkani vikananganika, sona abantu 7,000 bakaghoghiwa. Abantu bosi abanji bakatetema nukumuchindika u Chala uwakumwanya.

Abalongi 2:1

Uwantumi uwa Mwene akafuma ku Giligali nukubuka ku Bokimu pakubabuzya aba Izilayeli ukuti, “Ane ne nkabefyamo mu Ijiputi nukubinjizya muchisu chicho nkabalayizya abanyenya binyu. Nkanena sona nkati, ‘Ntakwiza pakulunangannya nalumo ulufingo lulo nkafingana namwe.