Ubwandilo 24:49 - IBAYIBOLO 2024

⁴⁹ Ilelo mbuzya nanti mukwiza pakuba mwe bololo sona na basubiliwa kwa mwene wane, pamo awe. Nanti awe, pope bulo mbuzya, umwakuti imanye ichakubomba.”

Ubwandilo 24:49 Iomraidhean Croise

Ubwandilo 32:10

Ane ntabaghiye napo panandi ukuti undanjizye ichisa nu busubiliwa bwako kune mubombi wako. Bo nkuloboka ulusoko ulwa Yolodani, ntakaba nako nakamokamo, loli indisa yene. Ilelo nanyokela nu tubukatila tubili utu.

Ubwandilo 47:29

Bo akabalilo akakufwila ukwa Yakobo kakwana, akamwitizya umwana wache u Yosefu nukumubuzya ukuti, “Nanti naloli wiyipiye wemwene, lapa pakubika inyobe yako muntapatapa zyane ukuti ukwiza pakumbombela akiza sona na mubwanaloli. Utakansyile muchisu icha Ijiputi ichi,

Ivyili 3:3

Ulughano nu busubiliwa vitakakuchimbilaye, uvipinyilile musingo yako, sona uvisimbaye pamabwe amapapate agha moyo wako.

Ukubelengiwa 20:17

Twalamba, twitikizye ukuti tudumusannye muchisu chako. Tutakwiza pakudumusannya mumaghunda ghinyu, pamo mumaghunda ghinyu agha mampesya pamo pakung'welamo muviziba vyinyu, awe. Tukwiza pakwenda bulo mumusebo umukulu, sona tutakwiza pakupaghukila kundilo pamo kumongo mupaka tudumusannye muchisu chako.”

Ukukumbusya Amalamulo 2:27

“Utwitikizye ukuti tudumusannyemo muchisu chako. Tukwiza pakwenda bulo mumusebo umukulu.

Yoshwa 2:14

Po abanavuli bala bakamusimikizizya u Lahabu bakati, “Aswe twiyannya na pakufwa bulo ukuti tukupoke. Nanti utakuvumbula zizyo tukubomba kuno, po naswe bulo tukwiza pakukupelela ichisa mubwanaloli, bo u Mwene akutupa ichisu chinichi.”