Ubwandilo 24:48 - IBAYIBOLO 2024

⁴⁸ Po nkafughama nukumwiputa u Mwene. Nkamupalizya u Mwene, u Chala uwa mwene wane u Abulahamu, yuyo akandongozya akiza nkani ku bakamu abamwene wane, kuko nkamusendela umulasagha u mwene wane.

Ubwandilo 24:48 Iomraidhean Croise

Ubwandilo 22:23

U Betuweli akaba we wise uwa Labeka. U Milika akamupapila abana bosi eyiti banaba u Naholi, umuzuna uwa Abulahamu.

Ubwandilo 24:52

Bo uwambombo uwa Abulahamu ivwa zinizi akafughama nukumwiputa u Mwene.

Ezila 8:21

Palapala pampindulila iya Ahava nkafumusya ukuti abantu batuzye pakulya, umwakuti twiyisye pamaso pa Chala witu nukumulaba ukuti aswe na bana bitu poka nu katundu wesi ukuti tubanje nu bulendo ubwiza.

Masalimo 107:7

Akabalongozya muzila iyakugholoka bulo mupaka bakafika mukaya akakulu nkani, ukuti bikalayemo.

Masalimo 32:8

Nkwiza pakukulanjizya nukukumanyisya izila izyakuti wendayemo, sona nkwiza pakukulongozya nukukwenelezya.

Masalimo 48:14

Pakuti u Chala yunuyu we Chala witu bwila na bwila, sona akwiza pakutulongozya mupaka tufwe.

Ukufuma 18:20

Ubamanyisye amalamulo ni ndaghilo izya Chala nukubalingannya namumo babaghiye pakwikalilagha nukubalanjizya imbombo zizyo babaghiye pakubombagha.

Ivyili 4:11

Nkukumanyisya amahala, nkukulongozezya muzila ingolosu.

Yesaya 48:17

U Mwene Umutabuli, Umuzelu uwa Izilayeli akuti, “Ane ne Mwene u Chala winyu, yuyo akubamanyisya ukuti mwennye ubwiza, sona akubalongozya izila iya kwendamo.