Ubwandilo 24:3 - IBAYIBOLO 2024

³ Lapa pamaso pa Mwene, u Chala uwakumwanya ni chisu chosi ichapasi ukuti utakwiza pakumusendela umwana wane umulindu uwa muchisu icha Kenani, mumo ane nkwikala.

Ubwandilo 24:3 Iomraidhean Croise

Ubwandilo 14:19

Akamusaya u Abulamu akati, “U Chala Uwakumwanya Nkani, yuyo akapela kumwanya ni chisu ichapasi, amusaye u Abulamu.

Ubwandilo 14:22

U Abulamu akamwamula akati, “Nkulapa pamaso pa Mwene u Chala Uwakumwanya Nkani, Umupeli uwakumwanya ni chisu ichapasi,

Ubwandilo 21:23

Polelo lapa pano pamaso pa Chala ukuti utakwiza pakunzimbula ane, pamo abana bane, pamo abaluko lwane. Ane nkaba ne muntu umusubiliwa pamaso papako, po nawe lapa ukuti ukwiza pakuba we muntu umusubiliwa pamaso papane muchisu chicho mukwikalamo.”

Ubwandilo 24:7

U Mwene u Chala uwakumwanya, yuyo akanyefya kunyumba iya bapapi bane, sona ni chisu chicho nkapapiliwako, akandapizya ukuti akwiza pakubapa abaluko lwane ichisu chinichi. Akwiza pakumutuma uwantumi wache kuntazi kukwako, kulakula ko kuko umusendele umukolo umwana wane.

Ubwandilo 27:46

U Labeka akamubuzya u Yisaki akati, “Nalita pakwikala na bachi abayeni aba Esabu, nanti u Yakobo akusenda yumo uwa bakolo banaba, chingaba chizapo ukuti nane infwe?”

Ubwandilo 28:1

Po u Yisaki akamwitizya u Yakobo nukumusaya, po akamulamula akati, “Utakasende nalumo umukolo umu Kenani.

Ubwandilo 28:8

Po u Esabu akazyaghannya ukuti abakolo aba mu Kenani batakamuhobosya uwise u Yisaki.

Ubwandilo 34:9

Zagha twivwane namwe ukuti pakwiza pakuba ukusendelana pakasi papinyu na papitu.

Ubwandilo 38:2

Kulakula u Yuda akakomana nu mulindu yumo, umwana uwa Shuwa umu Kenani. Akamusenda pakuba muchi wache.

Ubwandilo 47:31

U Yakobo akamubuzya Yosefu ukuti, “Lapa pamaso pa Chala ukuti ukwiza pakubomba.” Po u Yakobo akalapa nukumwiputa u Chala.

Ubwandilo 50:25

Po u Yosefu akabalapizya abana aba Izilayeli pakulapa ichilapo ukuti, “Bo u Chala akubalongozezya kuchisu chila, mukwiza pakunyamula amafupa ghane pakufuma nagho kuno.”

Ubwandilo 6:2

Abana abalumendo aba Chala bakennya ukuti abana abalindu aba bantu bakabonekagha akiza, po bakanda pakubasenda babo bakabaghana.

Ubwandilo 6:4

Mumasiku ghalaghala na pisinda bulo kukabako abantu abatalitali abamaka nkani pachisu ichapasi, babo bakapapiwa mubakolo babo bakasendwa na bana aba Chala bala. Banaba bakaba bantu abamaka abakali, sona bamanyikwe.

2 Abamwene 19:15

U Hezekiya akiputa kwa Mwene akati, “Wee Mwene u Chala uwa Izilayeli wewe ukwikala pabakelubi, wewe Chala wemwene mpela pabumwene bosi ubwa pachisu ichapasi. Ukapela ichisu ichakumwanya ni chapasi.

2 Imbili 2:12

U Hilamu akati sona, “Apaliwanje u Mwene u Chala uwa Izilayeli, yuyo akapela kumwanya ni chisu ichapasi! Amupiye u mwene u Devedi umwana umulumendo uwamahala nu wakwivwisya, sona amenye nkani ubwafundi, yuyo akwiza pakumuzengela Inyumba u Mwene, sona nukwizengela mwene inyumba iya bumwene.

Ezila 5:11

Bakatwamula bakati, “Aswe twe babombi aba Chala uwakumwanya ni chisu ichapasi. Po tukuzenga sona Inyumba iya Chala, yiyo u mwene usongo uwa Izilayeli akayizenga amaka aminji nkani ghagho ghachila.

Nehemiya 13:25

Nkabachemela nukubaghuna. Nkabakoma bamo abanavuli nukunyunkula isisi zyabo. Po nkabalapizya ichilapo pamaso pa Chala nukuti, “Mutakabitikizyanje abana binyu abalindu ukuti babanje balasagha babo, pamo ukubitikizya abana babo abalindu ukuti babanje balasagha binyu.

Nehemiya 9:6

Awe we Mwene mpela. Ukapela kumwanya sona na kumwanya nkani ni ntondwa zyosi ni chisu ichapasi poka na vyosi vivyo vili mulamula ni nyanja poka na vyosi vivyo vili mulamula. Awe ukavipa ubumi ivintu vyosi, sona vyosi ivya kumwanya vikukwiputa.

Masalimo 115:15

U Mwene abasaye, yuyo we Mupeli uwakumwanya ni chisu ichapasi.

Masalimo 136:26

Mumupalizyanje u Chala uwakumwanya. Ulughano lwache lwa bwila na bwila.

Ukufuma 20:7

“Utakalitambulaye pabulo itabwa ilya Mwene u Chala wako, pakuti ane ne Mwene nkwiza pakumufunda umuntu wesi yuyo akulitambula pabulo itabwa lyane.

Ukufuma 22:11

umupalamani yula abaghiye alape pamaso pa Mwene ukuti atibitepo icha muntu yula. Umwenecho abaghiye atonte bulo ukusita ukupokelapo ichilipo.

Ukufuma 23:13

“Teghelezya zyosi zizyo Ane ne Mwene nanena. Utakabiputaye abachala abanji, sona utakaghatambulaye amatabwa ghabo napo panandi.

Ukufuma 34:16

Lumo abana binyu abalumendo bangasenda abana babo abalindu nukubapela pakuba basita basubiliwa kukwane, po bope bakwiza pakubiputa abachala abanji.

Yesaya 45:23

Ulufingo lwane lwanaloli, sona lutakwiza pakwanduliwamo. Umuntu wesi akwiza pakumfughamilila, nukufingila mwitabwa lyane.

Yesaya 48:1

“Wee nyumba iya Yakobo, teghelezya ichi, wewe ukwitiziwa ni tabwa ilya Izilayeli, wafuma muluko ulwa Yuda, amwe mukulapa ichilapo mwitabwa ilya Mwene, sona mutakumwiputa u Chala uwa Izilayeli, mubwanaloli na mubugholosu,

Yesaya 65:16

Wesi yuyo akulaba ulusayo muchisu, akwiza pakulwaghila mwa Chala uwa bwanaloli, wesi yuyo akulapa ichilapo muchisu, akwiza pakulapila mwa Chala uwa bwanaloli. Pakuti intamyo izyakale zikwiza pakuluviwa, nukufisiwa pamaso papane.

Yelemiya 10:11

Mubabuzye ukuti, “Abachala aba batakapela ichisu icha kumwanya ni ichapasi, bakwiza pakuzimila pachisu chosi sona na kusi kuchisu.”

Yelemiya 12:16

Loli pisinda pache nanti nu moyo ghosi bangamanyila pakwenda muzila izya bantu bane, nukulapila mwitabwa lyane bo bakunena ukuti, ‘Nkulapila mwitabwa ilya Mwene Umumi,’ ukuyana namumo bakabamanyisikizya abantu bane pakulapila mwitabwa ilya Baala, po bakwiza pakwikala poka na bantu bane, sona bakwiza pakwikala mukasi mubantu bane.

Yelemiya 29:6

Musendaye nukupapa abana abalumendo na balindu, abana binyu abalumendo mubasendelaye abakolo pakuba bachi babo, sona abana abalindu basendiwanje, umwakuti bope bapapaye abana abalumendo na balindu. Mupapanaye nukubala, mutakabanje banandi bulo.

Yelemiya 4:2

nanti mukulapa nu bwanaloli na mubugholosu, naloli nu Mwene umumi inko zikwiza pakusayiwa na yuyo, sona mumwache mukwiza pakuba ubuchindamu.”

Aba Levi 19:12

“ ‘Utakalapilaye mwitabwa lyane umwabumyasi, nukulisamula itabwa ilya Chala wako. Ane ne Mwene.

Zefaniya 1:5

Nkwiza pakubanangannya babo bakukwela pavisonje ivya nyumba pakwiputa izuba nu mwezi sona ni ntondwa. Nkwiza pakubazimizya babo bakufughama pasi, nukulapila mwitabwa ilya Mwene sona pakabalilo kanako bakulapila mwitabwa ilya chala u Moleki.

Ukubelengiwa 5:21

umuputi yula amulapizye umukolo yula na mazyu agha nguno aghakuti, ‘U Mwene akupele awe pakuba we mughuniwa pakasi pabantu abaluko lwako, sona izuzye ulwanda lwako nukwighalila impapo yako.

1 Aba Kolinti 7:39

Umukolo apinyiwe akabalilo kosi kako umulume mumi, loli nanti umulume wache afwa, po musatuke pakusendiwa nu mwanavuli wesi yuyo akumulonda, loli pene papo nanti umwanavuli mukilisitu.

Ukukumbusya Amalamulo 10:20

Mumunyilaye u Mwene u Chala winyu nukumwiputa yuyo mwene. Mubanje mwe basubiliwa kukwache. Mulapilaye mwitabwa lyache lyene.

Ukukumbusya Amalamulo 6:13

Mumuchindikaye u Mwene u Chala winyu, mumubombelaye yuyo mwene. Bo mukulapa ichilapo mulapilaye mwitabwa lyache lyene.

Aba Hebeli 6:16

Bo abantu bakulapa, bakulapa mwitabwa ilya muntu uyunji yuyo mukulupo ukuchila abene, po ichilapo chila chikumazya ukudalinkana kosi.

Yoshwa 2:12

Losi ulu lapa pamaso pa Mwene ukuti mukwiza pakubapelela ichisa abamunyumba yane, ukuyana namumo nabapeleye ichisa. Mumpe ichimanyilo icha naloli

Abalongi 14:3

Loli uwise nu nyina bakamwamula bakati, “Nkimba atalipo nayumo umulindu pakasi pa bakamu bako, pamo pakasi pabantu bitu yuyo angaba muchi wako? Nkimba choni chicho ukulonda pakubuka kuba Filisiti babo batasilimuliwe pakumusenda umulindu ukuti abanje muchi wako?” Loli u Samusoni akamwamula uwise akati, “Buka unsendele umulindu yulayula, pakuti weyuyo namughana.”

1 Samuweli 20:17

U Yonatani akamulapizya u Devedi ukuti atakaleke pakumughana, pachifukwa ichakuti u Yonatani akamughana nkani u Devedi ngati mumo akiyighanila mwene.

1 Samuweli 30:15

U Devedi akamulalusya akati, “Nkimba ungandangizyako kuko kuli akabukatila aka mavyondongo ghanagha?” Umuntu yula akamwamula akati, “Lapa pamaso pa Chala ukuti utakwiza pakungogha pamo ukumbika munyobe izya mwene wane, po nkwiza pakukulanjizya kuko kuli abantu banaba.”