Ubwandilo 24:27 - IBAYIBOLO 2024

²⁷ Akati, “Apaliwanje u Mwene, u Chala uwa mwene wane u Abulahamu, yuyo akusunga umwakusubiliwa zizyo akamulayizya u mwene wane. U Mwene andongolela ane kunyumba iya bakamu abamwene wane.”

Ubwandilo 24:27 Iomraidhean Croise

Ubwandilo 13:8

Po u Abulamu akamubuzya u Loti akati, “Awe nane twe banamuntu, polelo patakabe ivyongo pakasi papako nane, sona na pakasi pa badimi bako na badimi bane.

Ubwandilo 14:20

U Chala Uwakumwanya Nkani, yuyo akakupa amaka aghakubapotela abalwani bako, apaliwanje.” Po u Abulamu akabika kwa Melekizediki ichigaba choka pavigaba 10 ivya katundu wesi yuyo akafyula.

Ubwandilo 24:12

Po akiputa akati, “Wee Mwene, u Chala uwa mwene wane u Abulahamu, nkukulaba ukuti ivintu vinyendele akiza ilelo, nukubomba zizyo ukamulayizya u mwene wane.

Ubwandilo 24:21

Uwambombo yula akaba bulo myee ukwenelezya zizyo umulindu yula akabombagha ukuti amanye nanti u Mwene abusayite naloli ubulendo bwache pamo awe.

Ubwandilo 24:4

Bukagha kuchisu chane na ku bakamu bane nukumusendela umwana wane u Yisaki umukolo.”

Ubwandilo 24:42

“Bo nafika pachiziba nkiputa nkati, ‘Wee Mwene u Chala uwa mwene wane u Abulahamu, nalamba ubusaye ubulendo ubu.

Ubwandilo 24:48

Po nkafughama nukumwiputa u Mwene. Nkamupalizya u Mwene, u Chala uwa mwene wane u Abulahamu, yuyo akandongozya akiza nkani ku bakamu abamwene wane, kuko nkamusendela umulasagha u mwene wane.

Ubwandilo 32:10

Ane ntabaghiye napo panandi ukuti undanjizye ichisa nu busubiliwa bwako kune mubombi wako. Bo nkuloboka ulusoko ulwa Yolodani, ntakaba nako nakamokamo, loli indisa yene. Ilelo nanyokela nu tubukatila tubili utu.

Ubwandilo 32:11

Nalamba, mpoka munyobe izya mukulu wane u Esabu pakuti nkunyila ukuti lumo akwiza pakulwa nane, sona na bachi bane poka na bana.

Ubwandilo 9:26

Apaliwanje u Mwene, u Chala uwa Shemu! U Kenani akwiza pakuba muzya uwa Shemu.

2 Samuweli 18:28

Po u Ahimazi akakolomoka nukumubuzya u mwene ukuti, “Kwiza bulo!” Akafughama pamaso pa mwene, bo icheni chache chikotamiye pasi nukuti, “U Mwene u Chala wako apaliwanje, yuyo ababika munyobe zyako abantu babo bakakusambukila awe we mwene wane.”

Masalimo 100:5

Pakuti u Mwene mwiza, sona ulughano lwache lwa bwila na bwila. Akubanga musubiliwa mupaka inkulilo zyosi.

Masalimo 68:19

U Mwene u Chala Umupoki witu apaliwanje, yuyo akunyamula intamyo isiku ni siku.

Masalimo 98:3

Alukumbuka ulughano lwache, sona abalanjizya aba Izilayeli ubusubiliwa bwache. Po abantu bosi aba kubumalilo ubwa chisu ichapasi babwennya ubupoki ubwa Chala witu.

Ukufuma 18:10

Akati, “U Mwene apaliwanje, yuyo akabapoka munyobe izya ba Ijiputi nizya Falabo, sona yuyo akabapoka abantu bache munyobe izya Ijiputi.

Ukufuma 2:11

Isiku limo bo u Mozesi akula, akabuka pakubendela abantu abaluko lwache, aba Hebeli nukubennya namumo bakayimbilagha ni mbombo inkafu. Akamwennya umu Ijiputi yumo akumukoma umu Hebeli, umuntu uwaluko lwache.

Ukufuma 2:13

Ilya ndabi akabendela sona nukubennya aba Hebeli babili bakulwa. U Mozesi akamulalusya yuyo akananga akati, “Nkimba choni chicho ukumukoma umu Hebeli uwamwinyu?”

Ukufuma 34:6

Po u Mwene akadumusannya kuntazi kwa Mozesi nukunena nizyu ilyapamwanya ukuti, “Mwene, Mwene u Chala uwachisa nu wachililizi, yuyo atakukalala lubilolubilo, walughano lulo lutakumala nu busubiliwa bwache.

Ivyili 3:6

Pavyosi vivyo ukubomba witikaye ukuti u Mwene aliko, sona akwiza pakuzipela izila zyako pakuba ngolosu.

Ivyili 8:20

Ane nkwenda muzila iya bugholosu, sona muzila iya bwanaloli.

Mika 7:20

Ukwiza pakuba musubiliwa kwa Yakobo, nukuba wachisa kwa Abulahamu, ngati mumo ukalapila ichilapo na banyenya bitu mumasiku aghakale.

Luka 1:68

“Amapalo ghabanje kwa Mwene, u Chala uwa ba Izilayeli, pakuti iza pakubavwa abantu bache nukubasatula.

Yohani 1:17

U Chala akatupa Indaghilo ukwendela mwa Mozesi, loli akatupa ichisa nu bwanaloli ukwendela mwa Yesu Kilisitu.

Aba Efeso 1:3

Amapalo ghabanje kwa Chala, Uwise uwa Mwene witu u Yesu Kilisitu, yuyo atusayite aswe mwa Kilisitu pakutupa ulusayo ulwakulekanalekana ulwa buzimu kumwanya.

1 Timoti 1:17

Ubuchindamu nu muchizi vipeghiwanje kwa Chala bwila na bwila. We Mwene uwa bwila na bwila, umusita kufwa, sona nu musita kuboneka, yuyo mwene we Chala. Ameni.

Luti 4:14

Abakolo bakamubuzya u Nabomi bakati, “U Mwene apaliwanje, yuyo atakulekite wemwene umusita mukamu. Umwana uyu abanje mumanyikwe nkani mu Izilayeli.

1 Samuweli 25:32

U Devedi akamubuzya u Abigelo akati, “Apaliwanje u Mwene, u Chala uwa Izilayeli, yuyo akutuma ukuti ukomane nane ilelo!

1 Samuweli 25:39

Bo u Devedi ivwa ukuti u Nabali afwa akati, “U Mwene apaliwanje yuyo antanizikizya ububibi bubo u Nabali akambombelagha, sona ankanizya ne mubombi wache ukuti ntakamubombele u Nabali ichintu ichibibi, loli ukuti imbibi yache yibanje pamutu wache.” Po u Devedi akatuma intumi kwa Abigelo ukuti bamusipe pakuba muchi wache.