Ubwandilo 23:4 - IBAYIBOLO 2024

⁴ “Mwebaya mwee, ane ne muyeni muchisu chinyu ichi. Mungulizikizye ubuzilo ukuti bubanje lipumpa umwakuti insyilepo umuchi wane.”

Ubwandilo 23:4 Iomraidhean Croise

Ubwandilo 17:8

Nkwiza pakukupa awe poka na baluko lwako ichisu ichi awe we muyeni. Ichisu chosi icha Kenani chikwiza pakuba cha baluko lwako bwila na bwila, sona nkwiza pakuba ne Chala wabo.”

Ubwandilo 23:5

Aba Hiti bakamwamula bakati,

Ubwandilo 3:19

Ukwiza pakutwinkagha nkani mubumi bwako bosi ukuti uchaghe ichakulya, mupaka unyokele sona kwitope. Pakuti ukafumila kwitope, po ukwiza pakunyokela kwitope.”

Ubwandilo 47:9

Po u Yakobo akamwamula u Falabo akati, “Indi na maka 130, sona nendanendagha bulo. Amaka ghane manandi bulo, sona mapalapala, ghatayanite na maka agha banyenya bane babo bakikalagha nubumi ubutali nkani.”

Ubwandilo 49:30

mwipumpa lilyo lili mumughunda uwa Makipela, kubufumilo bwizuba ubwa Mamule, muchisu icha Kenani, chicho u Abulahamu akaghulila poka nu mughunda kwa Efuloni ukuti ko kubanje ko kumapumpa.

Ubwandilo 50:13

Bakaghunyamula umuvimba wache mupaka kuchisu icha Kenani nukumusyila mwipumpa lilyo likaba mumughunda uwa Makipela, kubufumilo bwizuba ubwa Mamule, mumughunda ghugho u Abulahamu akaghula kwa Efuloni umu Hiti ukuti ghubanje wa mapumpa.

1 Imbili 29:15

Wee Mwene uzimenye ukuti aswe twe bayeni bulo pachisu ichapasi ngati banyenya bitu. Amasiku ghitu pachisu ichapasi ghali ngati chizyezye chicho chikuzyebeluka bulo.

Yobu 30:23

Inzimenye ukuti ukwiza pakunfisya kubufwe, kuko kwa muntu wesi.

Masalimo 119:19

Ne mwendazila bulo muchisu ichi, po utakanvindaye amalamulo ghako.

Masalimo 39:12

“Wee Mwene, ivwa inyiputo zyane. Teghelezya ukulila kwane ukuti unyavwe, sona utakabanje ngati we mapuli bo nkulila. Pakuti nkwikala nawe ngati ne mwendazila, sona ngati ne muyeni ukuyana namumo abanyenya bitu bakabela.

Ukufuma 2:22

U Zipola akapapa umwana umulumendo, po u Mozesi akati, “Ane ne muyeni bulo muchisu ichi, po nkumwita umwana uyu ukuti we Gelishomu.”

Umulumbilili 12:5

Ukwiza pakunyila pakukwela pighamba, pamo pakwenda pamusebo, sona bo ikwi ilya muposya lyanda pakubazya. Zikwiza pakubombiwa bo impazi yikwenda mulamula, sona bo umuntu ate sona ni vinyonywa. Bo umuntu abuka kukaya kache aka bwila na bwila, sona bo abantu abakulila bakwenda mumisebo.

Umulumbilili 12:7

Bo ulufumbi lukunyokela kwitope, sona umuzimu ghukunyokela kwa Chala yuyo akapela.

Umulumbilili 6:3

Umuntu angaba na bana 100 nukwikala nubumi amaka aminji nkani, pope bulo chite ni mbombo nanti akwikala nubumi ubutali, nanti atakwilagha ubukabi bwache, sona nanti atakusyiliwa akiza. Po nkuti umwana yuyo atapapiwe mwizapo ukumuchila umuntu yulayula.

Aba Levi 25:23

“Mutakaghulizizye zila ichisu, pakuti ichisu chane. Amwe mwe bayeni bulo, sona mwe bendazila.

Imbombo 7:16

Imivimba yabo bakayinyamulila mu Shekemu, mumo bakayisyila mwipumpa, lilyo u Abulahamu akaghula ku bana aba Hamoli ni ndalama.

Imbombo 7:5

U Chala atakamupako u Abulahamu na kabuzilo nakamokamo ukuti kabanje kache na kache, napapo imita lyoka, loli u Chala akamulayizya pakumupako ichisu ichi, sona ukuti kabanje kache na kache nuluko lwache. Pakabalilo kako u Chala akamulayizyanga, u Abulahamu atakaba na bana.

Aba Hebeli 11:9

Lukaba lwitiko lulo lukamupela ukwikala ngati muyeni muchisu chicho u Chala akamulayizya. Akikalagha muchisakasa. Wepe u Yisaki nu Yakobo bakikalagha muvisakasa ukuyana namumo u Abulahamu akabombelagha, napapo ichilingo chicho u Chala akabalayizya chikaba chabo.

1 Pitala 2:11

Mwee bamanyani bane abaghaniwa, nkubalaba amwe pakuti mwe bayeni, sona na bendazila muchisu ichapasi ukuti muvileghuke ivinyonywa ivya mubili, vivyo akabalilo kosi vili pabwite nu muzimu winyu.