Ubwandilo 22:4 - IBAYIBOLO 2024

⁴ Pisiku ilyabutatu, bo u Abulahamu ali pabutalipo akatalankannya nukubwennya ubuzilo bubo akabukaghako.

Ubwandilo 22:4 Iomraidhean Croise

Ubwandilo 22:3

Pandabindabi nkani u Abulahamu, akayannya apakwikalapo pampunda yache nukudumulannya inkwi izyakochela ichakwiyipa. Akanyamuka ubulendo bwache ubwakubuka kuko u Chala akamubuzya. Pabulendo bwache akabuka nu mwana wache u Yisaki poka na bambombo bache babili.

Ubwandilo 22:5

Akababuzya abambombo bache babili bala akati, “Amwe ikala pano ni mpunda iyi, bo ane nu mulumendo tukubuka kula pakumwiputa u Chala, po tukwiza pakubagha.”

2 Abamwene 20:5

“Nyokela umubuzye u Hezekiya, umulongozi uwa bantu bane uti: U Mwene, u Chala uwa munyenya wako u Devedi akuti, ‘Ane nivwa ulwiputo lwako, sona naghennya amasozi ghako, nkwiza pakukupozya umwakuti pisiku ilyabutatu ukwanda ilelo, ukwiza pakubuka ku Nyumba iya Mwene.

Esitele 5:1

Pisiku ilyabutatu u Esitele akavwala inkazo yache iya bumwene nukwimilila mukasi muntanda iya nyumba iya mwene, kuntazi ukwa chipinda ichikulu icha mwene. Pakabalilo kalakala u mwene akikalagha pachitengo chache icha bumwene muchipinda ichikulu umwakwenannya nu mulyango.

Ukufuma 15:22

Po u Mozesi akabalongolela aba Izilayeli ukwepapo pa Nyanja Inchesamu nukwinjila munkolongo iya Shuli. Bakenda amasiku matatu ukusita ukughagha amizi.

Ukufuma 19:11

Pisiku ilyabutatu biyannye pakuti pisiku lilalila ane ne Mwene nkwiza pakwikila pighamba ilya Sinayi, bo abantu bosi bakunyennya.

Ukufuma 19:15

U Mozesi akabalamula abantu bala akati, “Pisiku ilyabutatu mwiyannye mwebene. Mukabalilo kanaka atakabepo nayumo umuntu uwakughona nu mukolo.”

Ukufuma 5:3

U Mozesi nu Aloni bakamwamula bakati, “U Chala uwa ba Hebeli ivumbula mwene kukwitu. Utwitikizye ukuti tubukaye munkolongo amasiku matatu pakubika ivyakwiyipa kwa Mwene u Chala witu. Nanti tutakubukako kokuti akwiza pakutughogha nu bubine pamo nu bwite.”

Hoseya 6:2

Bo ghachilapo amasiku mabili akwiza pakutunyosezyamo nubumi, sona pisiku ilyabutatu akwiza pakutuzusya sona, ukuti tubanje nubumi pamaso papache.

Aba Levi 7:17

Inyama yosi iyakusyala pa chakwiyipa chinichi mupaka pisiku ilyabutatu, yilunguziwanje pamoto.

Ukubelengiwa 10:33

Po bakanyamuka ubulendo bwabo pighamba ilya Mwene nukwenda amasiku matatu. Ibokosi ilya Lufingo ilya Mwene likalongolela muntazi amasiku matatu ghalaghala pakubalondela ubuzilo ubwakutuzyapo.

Ukubelengiwa 19:12

Pisiku ilyabutatu ni siku ilyaseveni, iswefye mwene na mizi aghakuswefesezya, po akwiza pakuba muntu muswepu. Loli nanti atakwiswefya mwene pisiku ilyabutatu nilyaseveni, umuntu yula akuba munyazu.

Ukubelengiwa 19:19

Po umuntu yuyo te munyazu amunyafile umuntu yuyo munyazu pisiku ilyabutatu nilyaseveni, sona amuswefye umuntu yula pisiku ilyaseveni. Umuntu yulayula achape amenda ghache nukogha, po pachamabwila akuba muntu muswepu.

Ukubelengiwa 31:19

“Po umuntu wesi yuyo aghogha umuntu pamo uwakupalamasya umuvimba pakasi papinyu, ikale kuzi ukwa visakasa amasiku seveni. Pisiku ilyabutatu nilyaseveni, amwe na bazya binyu mwiswefye mwebene.

Matayi 17:23

babo bakwiza pakumughogha. Loli bo ghachilapo amasiku matatu akwiza pakuzyuka kubufwe.” Abamanyili bache bakaba ni chitima nkani.

Luka 13:32

U Yesu akabamula akati, “Kamubuzye ukambwe yula ukuti, ‘Nkwefya imizimu imibibi nukupozya ababine ilelo ni ndabi bulo, sona pisiku ilyabutatu nkwiza pakumalizya imbombo yane.’

1 Aba Kolinti 15:4

Akasyiliwa nukuzyuka kubufwe, bo ghachilapo amasiku matatu, ukuyana na Masimbo.

Yoshwa 1:11

“Bukagha muvisakasa nukubalamula abantu ukuti, ‘Yannya ukatundu ni mpayo! Bo ghachila amasiku matatu mukwiza pakuloboka ulusoko ulwa Yolodani pakwikala muchisu, chicho u Mwene u Chala winyu akubapa ukuti chibanje chinyu ni chinyu.’ ”

1 Samuweli 26:13

Po u Devedi akalobokela kulubazu ulunji ulwa ighamba nukwimilila pabutalipo pamwanya pighamba.