Ubwandilo 22:2 - IBAYIBOLO 2024

² Po u Chala akumubuzya akati, “Senda u Yisaki umwana wako, mwene na mwene, sona yuyo umughanite nkani, ubuke kuchisu icha Moliya. Kulakula umubike ukuti abanje chakwiyipa ichakocha pighamba lilyo nkwiza pakukubuzya.”

Ubwandilo 22:2 Iomraidhean Croise

Ubwandilo 17:19

Loli u Chala akamwamula akati, “Awe, umuchi wako u Sala weyuyo akwiza pakukupapila umwana umulumendo, po ukwiza pakumwita ukuti we Yisaki. Nkwiza pakusunga ulufingo lwane nawe, sona na baluko lwache. Ulufingo lunulu ulwa bwila na bwila.

Ubwandilo 21:12

Loli u Chala akamubuzya u Abulahamu akati, “Ifundo yiyo u Sala anena nizya mwana wako poka nu muchi wako umuzya u Hagala, yitakakuvulazye mumoyo. Bombagha bulo chosi chicho u Sala akukubuzya, pakuti awe ukwiza pakuba na baluko babo nkakulayizya ukwendela mwa Yisaki.

Ubwandilo 21:3

U Abulahamu akamwita umwana yula ukuti we Yisaki.

Ubwandilo 22:12

Uwantumi yula akamubuzya akati, “Utakamughoghe pamo ukumuvulazya napo panandi. Ilelo nazimanya ukuti naloli we muntu uwakumunyila u Chala, pachifukwa ichakuti utakanyima umwana wako, mwene na mwene.”

Ubwandilo 22:16

nukuti, “U Mwene akuti, ‘Nkulapa ukuti nkwiza pakukusaya nkani pachifukwa ichakuti utakanyima umwana wako, mwene na mwene.

Ubwandilo 22:3

Pandabindabi nkani u Abulahamu, akayannya apakwikalapo pampunda yache nukudumulannya inkwi izyakochela ichakwiyipa. Akanyamuka ubulendo bwache ubwakubuka kuko u Chala akamubuzya. Pabulendo bwache akabuka nu mwana wache u Yisaki poka na bambombo bache babili.

Ubwandilo 22:9

Bo bafika pabuzilo bubo u Chala akamubuzya, u Abulahamu akazenga ichighemo nukuzilambalika inkwi pachighemo pala. Akamupinya umwana wache yula nukumughoneka pamwanya pankwi zila.

Ubwandilo 8:20

Po u Nowa akamuzengela ichighemo u Mwene. Akasendapo ichinyamana choka pa vinyamana vyosi, sona ichiyuni choka pa viyuni vyosi vivyo vikitikiziwa nu Chala ukuti vibanje vyakwiyipa ivyakocha pachighemo palapala.

2 Abamwene 3:27

Po akamusenda ukatote wache yuyo akaba wakumupyana pakuba we mwene, nukumubika pakuba chakwiyipa pilinga ilya kaya akakulu nkani kala. Zinizi zikabakalalizya nkani aba Izilayeli, umwakuti bakamutoloka u mwene wabo, nukunyokela kuchisu chabo.

2 Imbili 3:1

Po u Solomoni akanda pakuzenga Inyumba iya Mwene mu Yelusalemu pighamba ilya Moliya, papo u Mwene akamubonekela uwise u Devedi, pabuzilo ubwakukomelapo inyinulo ubwa Alawuna umu Yebusi.

Mika 6:7

Nkimba u Mwene akwiza pakuhoboka na badubi amasabuzani, sona nisoko izya mafuta 10,000? Nkimba nkwiza pakwiyipa umwana wane ukatote pachifukwa icha mbibi zyane? Pamo ivikomwa ivya mubili wane pachifukwa icha kunanga ukwa mumuzimu wane?

Yohani 3:16

Pakuti u Chala akabaghana nkani abantu aba muchisu ichapasi, umwakuti akabapa u Mwana wache mwene na mwene, kokuti umuntu wesi yuyo akumusubila atakafwanje, loli abanje nubumi ubwa bwila na bwila.

Aba Loma 5:8

Loli u Chala atulanjizya namumo atughaniye aswe pakuti u Kilisitu akatufwila bo tuchili twe bambibi.

Aba Loma 8:32

Ate we Chala, awe, yuyo atakatwima u Mwana wache, loli akamubika ukuti chibanje chakwiyipa pachifukwa icha twebosi! Akatupa u Mwana wache, nkimba atangatupa sona pabulo ivintu vyosi?

Aba Hebeli 11:17

Lukaba lwitiko lulo lukamupela u Abulahamu pakumubika u Yisaki ukuti chibanje chakwiyipa, bo u Chala akumuyela. U Abulahamu akaba muntu yuyo u Chala akamulayizya, loli akiyannya pakumubika umwana uwache nu wache ukuti chibanje chakwiyipa.

Abalongi 11:31

umuntu wesi yuyo akufumila pamulyango uwa nyumba yane pakukomana nane, bo nabwelako pakubapota aba Amoni, nkwiza pakumubika ukuti chibanje chakwiyipa ichakocha kwa Mwene.”

Abalongi 11:39

Bo ghachilapo amezi mabili, umulindu yula akanyokela kwa wise, po uwise akabomba nawe vivyo akalapa kwa Mwene, umulindu yula atakasendwapo nalumolumo. Po ichi chikanduka pakuba lwiho pakasi paba Izilayeli