Ubwandilo 22:12 - IBAYIBOLO 2024

¹² Uwantumi yula akamubuzya akati, “Utakamughoghe pamo ukumuvulazya napo panandi. Ilelo nazimanya ukuti naloli we muntu uwakumunyila u Chala, pachifukwa ichakuti utakanyima umwana wako, mwene na mwene.”

Ubwandilo 22:12 Iomraidhean Croise

Ubwandilo 20:11

U Abulahamu akamula akati, “Nkinong'onagha ukuti ataliko nayumoyumo umuntu kuno uwakumunyila u Chala, sona nukuti bakwiza pakungogha pachifukwa icha muchi wane.

Ubwandilo 22:13

U Abulahamu akatalankannya nukumwennya udubi impembe zyache zibadiye mumpanya. Akamusenda udubi yula nukubika ukuti abanje chakwiyipa ichakocha mubuzilo ubwa mwana wache.

Ubwandilo 22:16

nukuti, “U Mwene akuti, ‘Nkulapa ukuti nkwiza pakukusaya nkani pachifukwa ichakuti utakanyima umwana wako, mwene na mwene.

Ubwandilo 22:2

Po u Chala akumubuzya akati, “Senda u Yisaki umwana wako, mwene na mwene, sona yuyo umughanite nkani, ubuke kuchisu icha Moliya. Kulakula umubike ukuti abanje chakwiyipa ichakocha pighamba lilyo nkwiza pakukubuzya.”

Ubwandilo 26:5

Nkwiza pakukusaya pachifukwa ichakuti u Abulahamu akanyivwila, sona akakonka indaghilo na malamulo ghane ghosi.”

Ubwandilo 42:18

Bo ghachilapo amasiku matatu u Yosefu akababuzya akati, “Ane ne muntu uwakumunyila u Chala, po mukwiza pakupona nanti mwabomba bulo ichintu ichi.

Nehemiya 5:15

Loli abalaghili babo nkabapyana bakabanyamulizyanga abantu ukatundu umung'wamu nkani sona bakabafyenga abantu pakubika isalabazya 40 izya siliva pamwanya pa chakulya nu vinyo. Bope abambombo babo bakabanyamulizyanga abantu ukatundu umung'wamu, loli ane intakazibombapo nalumo, pachifukwa ichakuti nkamunyilagha u Chala.

Yobu 1:1

Muchisu icha Uzi mukabamo umuntu yumo yuyo akaba we Yobu. Umuntu yunuyu atakaba nakalema nakamokamo sona akaba mugholosu, umwakuti akamwiputagha u Chala nukuzinyila imbibi.

Yobu 28:28

Po akamubuzya umuntu akati, “Ukumunyila u Mwene gho mahala sona ukuzichimbila imbibi ko kwivwisya.”

Yobu 5:19

Akabalilo na kabalilo, akwiza pakukupokagha kumayimba, nazimozimo intamyo zikwiza pakukuwila.

Masalimo 1:6

Pakuti u Mwene akuyennya inkalo iya bantu abagholosu, loli abantu ababibi bakwiza pakuzimila.

Masalimo 111:10

Ukumunyila u Mwene bo bwandilo ubwa mahala, bosi babo bakughakonka amalamulo ghache bakuba nubumanyi ubwakufikapo. U Mwene apaliwanje bwila na bwila.

Masalimo 147:11

U Mwene akuhoboka na bantu babo bakumuchindika, sona abantu babo balusubiye, ulughano lwache, lulo lutakupotwa nalumolumo.

Masalimo 2:11

Mumubombelaye u Mwene nubogha sona muhobokaye nukutetema.

Masalimo 25:12

Nkimba pali umuntu yumo uwakumunyila u Mwene? Po u Mwene akwiza pakumumanyisya izila izyakuti asale.

Masalimo 25:14

U Mwene akuba mumanyani uwa bantu babo bakumwivwila, po akubavumbulila ulufingo lwache.

Ukufuma 20:20

U Mozesi akabamula abantu bala akati, “Mutakanyilaye, u Chala iza pakubayela bulo, umwakuti mumunyilaye, sona nukuti muleke pakunanga.”

Ivyili 1:7

Ukumunyila u Mwene bo bwandilo ubwa mahala, loli abapunganu bakughasulannya amahala na mafundwe.

Umulumbilili 12:13

Losi ulu vyosi vyivwika. Po ifundo iyenecho yo iyi: Umuchindikaye u Chala nukughakonka amalamulo ghache pakuti iyi yo mbombo inkulu iya muntu.

Yelemiya 19:5

Bamuzengela ivighemo u chala u Baala umwakuti bochelayepo abana babo pakuba vyakwiyipa ivyakocha. Intakabalamulapo napo panandi ukuti babombe zinizi sona ichi chitakanyendamo munyinong'ono zyane.

Yelemiya 32:40

Nkwiza pakufingana nabo ulufingo ulwa bwila na bwila, ntakwiza pakuleka pakubabombela inyiza. Nkwiza pakubapa u moyo uwakunnyila umwakuti batakansambukile sona.

Malaki 4:2

Loli amwe mwe mukunchindika ane, izuba ilya bugholosu likwiza pakubafumila nukubapozya ukwa kulama kwache. Mukwiza pakunyelanyela umwakuhoboka ngati tungwata tuto batwabula muchibagha.

Matayi 16:24

Po u Yesu akababuzya abamanyili bache akati, “Nanti umuntu yumo akulonda pakunkonka, ikane mwene, sona iyannye pakuyimba mupaka nukufwa bulo, po ankonkaye.

Matayi 19:29

Sona umuntu wesi yuyo ayilekite inyumba pamo abawamwabo, pamo abayemba, pamo uwise pamo unyina, pamo abana, pamo amaghunda, pachifukwa icha nene, akwiza pakupokela ivintu ivyinji ukuchilapo 100, sona akwiza pakupokela ubumi ubwa bwila na bwila.

Matayi 5:16

Momumo namwe ulukozyo lwinyu lulamaye pabantu, ukuti bennyanje imbombo zyinyu inyiza nukumupala Utata winyu uwakumwanya.

Yohani 3:16

Pakuti u Chala akabaghana nkani abantu aba muchisu ichapasi, umwakuti akabapa u Mwana wache mwene na mwene, kokuti umuntu wesi yuyo akumusubila atakafwanje, loli abanje nubumi ubwa bwila na bwila.

Imbombo 9:31

Po ichipanga icha mu Yudeya, mu Galileya, na mu Samaliya chikaba na kabalilo akamutende nukwendelela pakumwiputa u Mwene. U Muzimu Umuzelu akachikazya nukuchavwa pakukula, po chikaba ichakumunyila u Mwene.

Aba Loma 5:8

Loli u Chala atulanjizya namumo atughaniye aswe pakuti u Kilisitu akatufwila bo tuchili twe bambibi.

Aba Loma 8:32

Ate we Chala, awe, yuyo atakatwima u Mwana wache, loli akamubika ukuti chibanje chakwiyipa pachifukwa icha twebosi! Akatupa u Mwana wache, nkimba atangatupa sona pabulo ivintu vyosi?

1 Aba Kolinti 10:13

Injelo zizyo amwe mwakomana nazyo zyo zizyo abantu abanji bosi bakukomana nazyo. U Chala musubiliwa, umwakuti atakwiza pakwitikizya ukuti muyeliwe ukuchila amaka ghinyu, awe. Loli bo mukuyeliwa, umwenecho akwiza pakubayanizya izila iyakuponelamo, umwakuti mungajimba.

2 Aba Kolinti 8:12

Pakuti nanti umuntu akulonda pakupa chimo, u Chala akupokela ichabupi chilachila ukuyana na vivyo umuntu ali navyo, sona atakumubuzya pakupa ichintu chicho ate nacho, awe.

Aba Hebeli 11:19

U Abulahamu akamusubila u Chala ukuti nanti u Yisaki afwa, akwiza pakumuzyusya sona kubufwe. Po tunganena ukuti chikaba ngati po u Abulahamu amupokela sona u Yisaki kubufwe.

Aba Hebeli 12:28

Pakuti twapokela ubumwene bubo butanganeng'ena, po zagha tumupalizye u Chala nukumwiputa pakulanjizya umuchizi nubogha.

Yakobo 2:18

Loli umuntu yumo akwiza pakunena ukuti, “Awe uli nu lwitiko, loli ane indi ni mbombo.” Po ilyamulo lyane lyo ili, “Undanjizye ulwitiko lwako ulusita imbombo, po nane nkwiza pakukulanjizya ulwitiko lwane ukwendela mu mbombo zyane.”

Ubuvumbuli 19:5

Pisinda pache nkivwa izyu ku chitengo icha bumwene likuti, “Mumupalaye u Chala witu, amwe mwe babombi bache mwebosi, amwe mwe mukumuchindika, amwe mwe basongosongo namwe bana abanandi!”

1 Samuweli 15:22

Loli u Samuweli akati, “Nkimba u Mwene akuhoboka ni vyakwiyipa ivyakocha, sona ni vyabupi pamo ukughivwila amazyu ghache? Ukwivwila chintu chizapo ukuchila ichakwiyipa, ukughakonka amalamulo ghache chizapo, ukuchila ichakwiyipa icha mafuta agha dubi.