Ubwandilo 22:11 - IBAYIBOLO 2024

¹¹ Loli uwantumi uwa Mwene akamwitizya akati, “Wee Abulahamu, Abulahamu!” U Abulahamu akamula akati, “Indi pano.”

Ubwandilo 22:11 Iomraidhean Croise

Ubwandilo 16:7

Uwantumi uwa Mwene akakomana nu Hagala pachiziba munkolongo pazila iyakubukila kukaya aka Shuli,

Ubwandilo 21:17

U Chala akamwivwa umwana yula akulila, po uwantumi uwa Chala akamubuzya u Hagala akati, “Wee Hagala, nkimba choni chatamya? Utakanyilaye, u Chala ivwa ukulila ukwa mwana.

Ubwandilo 21:18

Nyamuka, kamuleme panyobe nukumunyamula. Pakuti abaluko lwache bakwiza pakuba luko ulukulu nkani.”

Ubwandilo 22:1

Bo pachilapo akabalilo, u Chala akamuyela u Abulahamu. Akamwitizya akati, “Wee Abulahamu!” U Abulahamu akamula akati, “Indi pano.”

Ubwandilo 22:10

Po u Abulahamu akawesa ichipeni ukuti amughoghe umwana wache.

Ubwandilo 22:12

Uwantumi yula akamubuzya akati, “Utakamughoghe pamo ukumuvulazya napo panandi. Ilelo nazimanya ukuti naloli we muntu uwakumunyila u Chala, pachifukwa ichakuti utakanyima umwana wako, mwene na mwene.”

Ubwandilo 22:16

nukuti, “U Mwene akuti, ‘Nkulapa ukuti nkwiza pakukusaya nkani pachifukwa ichakuti utakanyima umwana wako, mwene na mwene.

Ubwandilo 24:7

U Mwene u Chala uwakumwanya, yuyo akanyefya kunyumba iya bapapi bane, sona ni chisu chicho nkapapiliwako, akandapizya ukuti akwiza pakubapa abaluko lwane ichisu chinichi. Akwiza pakumutuma uwantumi wache kuntazi kukwako, kulakula ko kuko umusendele umukolo umwana wane.

Ubwandilo 31:11

Po uwantumi uwa Chala akanyitizya muchilota chilachila akati, ‘Wee Yakobo.’ Po nkamula nkati, ‘Ane indi pano.’

Ubwandilo 37:13

u Yakobo akamubuzya u Yosefu akati, “abawamwinyu babuka pakudima ing'ozi ku Shekemu. Nkulonda pakukutuma ku Shekemu kuko abawamwinyu bali pakudima ing'ozi.” U Yosefu akamula akati, “Ane indi pano, tata.”

Ubwandilo 46:2

Pabusiku, u Chala akanena nawe muchisetuka akati, “Yakobo! Yakobo!” Po akamwamula akati, “Ane indi pano.”

Ubwandilo 48:16

Uwantumi yuyo akampoka ane kububibi bosi, abasaye abana babili banaba. Itabwa lyane ni tabwa ilya batata bane u Abulahamu nu Yisaki lyendelele pakubapo ukwendela mubana banaba. Bapapaye nkani, nukuba baluko ulukulu nkani.”

Ukufuma 3:2

Kulakula uwantumi uwa Mwene akamubonekela muchivwati ichakwaka umoto. U Mozesi akachennya ichivwati chila chikwaka, loli chitakalungulilagha.

Ukufuma 3:4

Bo u Mwene amwennya u Mozesi ukuti akupalamila, akamwitizya muchivwati chila akati, “Wee Mozesi! Mozesi!” U Mozesi akamula akati, “Indi pano.”

Yesaya 6:8

Po nkivwa u Mwene akuti, “Nkimba wenu yuyo nkwiza pakumutuma? Nkimba wenu yuyo akwiza pakubuka mubuzilo bwitu?” Nkamula nkati, “Indi pano! Ntuma nene!”

Imbombo 26:14

Twebosi tukawa pasi nukwivwa izyu likunena nane mu Chihebeli likuti, ‘Wee Sabuli, wee Sabuli! Choni chicho ukunvwima? Ukwivulazya wemwene ngati nkambaku yiyo yikubaya indisa iya mwenecho.’

Imbombo 9:4

Po akawa pasi nukwivwa izyu likunena likuti, “Sabuli, Sabuli! Choni chicho ukunvwima?”

Abalongi 2:1

Uwantumi uwa Mwene akafuma ku Giligali nukubuka ku Bokimu pakubabuzya aba Izilayeli ukuti, “Ane ne nkabefyamo mu Ijiputi nukubinjizya muchisu chicho nkabalayizya abanyenya binyu. Nkanena sona nkati, ‘Ntakwiza pakulunangannya nalumo ulufingo lulo nkafingana namwe.

1 Samuweli 3:10

U Mwene akiza nukwimilila palapala. Po akitizya sona ngati mumo akitizizyanga pakwanda ukuti, “Samuweli! Samuweli!” U Samuweli akamula akati, “Nena pakuti ne mubombi wako nkwivwa.”

1 Samuweli 3:4

Po u Mwene akamwitizya u Samuweli akati, “Samuweli! Samuweli!” U Samuweli akamula akati, “Nafika.”