Ubwandilo 22:1 - IBAYIBOLO 2024

¹ Bo pachilapo akabalilo, u Chala akamuyela u Abulahamu. Akamwitizya akati, “Wee Abulahamu!” U Abulahamu akamula akati, “Indi pano.”

Ubwandilo 22:1 Iomraidhean Croise

Ubwandilo 15:1

Pisinda pa zinizi, u Mwene akamubonekela Abulamu muchisetuka. Akamubuzya akati, “Wee Abulamu utakanyilaye, ane ne ngulu yako. Umuvwalo wako ghukwiza pakuba mukulu nkani.”

Ubwandilo 21:11

Ifundo iyi yikamuvulazya nkani u Abulahamu mumoyo pachifukwa ichakuti wepe nu Ishimayeli akaba mwana wache.

Ubwandilo 22:11

Loli uwantumi uwa Mwene akamwitizya akati, “Wee Abulahamu, Abulahamu!” U Abulahamu akamula akati, “Indi pano.”

Ubwandilo 22:7

u Yisaki akamwitizya uwise akati, “Wee tata!” U Abulahamu akamula akati, “Choni, mwana wane.” U Yisaki akamulalusya akati, “Umoto ninkwi vilipo, nkimba umwana uwa ng'ozi yuyo akwiza pakuba chakwiyipa ichakocha ali ko kwiyi?”

Ubwandilo 37:13

u Yakobo akamubuzya u Yosefu akati, “abawamwinyu babuka pakudima ing'ozi ku Shekemu. Nkulonda pakukutuma ku Shekemu kuko abawamwinyu bali pakudima ing'ozi.” U Yosefu akamula akati, “Ane indi pano, tata.”

Ubwandilo 46:2

Pabusiku, u Chala akanena nawe muchisetuka akati, “Yakobo! Yakobo!” Po akamwamula akati, “Ane indi pano.”

2 Samuweli 24:1

U Mwene akabakalalila nkani aba Izilayeli, umwakuti akamudeba u Devedi ukuti abatamye aba Izilayeli. U Mwene akamubuzya u Devedi akati, “Buka pakubabelenga aba Izilayeli naba luko ulwa Yuda.”

2 Imbili 32:31

Abalongozi aba mu Babiloni bakazituma intumi pakumulalusya nizya chimanyilo ichakuswighisya chicho chikabombiwa muchisu chache. Po u Chala akamuleka ukuti amuyele umwakuti amanye zizyo akinong'onagha.

Masalimo 11:5

U Mwene akubapima abagholosu, loli ababengite abantu ababibi, na babo bavighanite ivyongo.

Ukufuma 16:4

Po u Mwene akamubuzya u Mozesi akati, “Nkwiza pakubawisizya ichakulya ichakufuma kumwanya. Abantu babaghiye pakufuma kuzi isiku ni siku nukuseba ivyakulya ivyakubayana isiku lilalila lyene, umwakuti imbayele nanti bakwiza pakukonka amalamulo ghane.

Ukufuma 3:4

Bo u Mwene amwennya u Mozesi ukuti akupalamila, akamwitizya muchivwati chila akati, “Wee Mozesi! Mozesi!” U Mozesi akamula akati, “Indi pano.”

Ivyili 17:3

Umoto gho ghugho ghukusunguluzya usiliva nu golide, loli u Mwene weyuyo akughupima umoyo uwa muntu.

Yesaya 6:8

Po nkivwa u Mwene akuti, “Nkimba wenu yuyo nkwiza pakumutuma? Nkimba wenu yuyo akwiza pakubuka mubuzilo bwitu?” Nkamula nkati, “Indi pano! Ntuma nene!”

1 Aba Kolinti 10:13

Injelo zizyo amwe mwakomana nazyo zyo zizyo abantu abanji bosi bakukomana nazyo. U Chala musubiliwa, umwakuti atakwiza pakwitikizya ukuti muyeliwe ukuchila amaka ghinyu, awe. Loli bo mukuyeliwa, umwenecho akwiza pakubayanizya izila iyakuponelamo, umwakuti mungajimba.

Ukukumbusya Amalamulo 13:3

amwe mutakabateghelezyanje. U Mwene u Chala winyu akubayela ukuti ennye nanti naloli mumughanite nu moyo winyu ghosi, sona nu muzimu winyu ghosi.

Ukukumbusya Amalamulo 8:16

Akabapa umana ukuti mulyanje, ichakulya chicho bope na banyenya binyu batakachighonjapo nalumolumo. Akabatumila intamyo pakubayela amwe, umwakuti pabumalilo bwache abasaye nukubabombela ivintu ivyiza.

Ukukumbusya Amalamulo 8:2

Mukumbukaye namumo u Mwene u Chala winyu akabalongolela munkolongo amaka 40 pakubawisizya amayimba ukuti abayelaye umwakuti aghamanye amoyo ghinyu nanti mungaghakonka amalamulo ghache.

Aba Hebeli 11:17

Lukaba lwitiko lulo lukamupela u Abulahamu pakumubika u Yisaki ukuti chibanje chakwiyipa, bo u Chala akumuyela. U Abulahamu akaba muntu yuyo u Chala akamulayizya, loli akiyannya pakumubika umwana uwache nu wache ukuti chibanje chakwiyipa.

Yakobo 2:21

Nkimba umunyenya witu u Abulahamu atakaneniwa pakuba mugholosu pamaso pa Chala pachifukwa icha zizyo akabomba, bo amubika umwana wache u Yisaki pachighemo?

1 Pitala 1:7

Injelo zinizi zyizite, umwakuti zisimikizye nanti ulwitiko lwinyu lwenecho. Ngati we golide yuyo angananganika, akuswefyiwa numoto, umwakuyana bulo, ulwitiko lwinyu lulo lwapamwanya ukuchila ugolide, lubaghiye luswefyiwe. Po mukwiza pakupokela amapalo nu buchindamu nu muchizi, pisiku lilyo u Yesu Kilisitu akwiza pakuvumbuliwa.

Abalongi 2:22

Nkwiza pakuzibombezya inko zinizi pakubayela aba Izilayeli ukuti nennye nanti bakuzikonka izila izya Mwene ukuyana namumo abanyenya babo bakabombelagha.”

1 Samuweli 3:4

Po u Mwene akamwitizya u Samuweli akati, “Samuweli! Samuweli!” U Samuweli akamula akati, “Nafika.”