Ubwandilo 21:7 - IBAYIBOLO 2024

⁷ Akanena sona akati, “Nkimba wewenu akamanyagha ukuti u Sala akwiza pakonkezya umwana? Loli namupapila u Abulahamu umwana umulumendo, bo aghosipa.”

Ubwandilo 21:7 Iomraidhean Croise

Ubwandilo 17:17

Po u Abulahamu akafughama, akaseka nukuti, “Mwebaya mwee, nkimba chingabombiwa ukuti umwanavuli yuyo ali na maka 100, apape umwana? Nkimba u Sala yuyo ali na maka 90 angapapa umwana?”

Ubwandilo 18:13

U Mwene akamulalusya u Abulahamu akati, “Nkimba choni chicho u Sala akasekagha ukuti, ‘Nkimba naloli ningapapa umwana, bo naghosipa nkani?’

Ubwandilo 21:8

Umwana yula akakula, po isiku ilyakuti u Sala amulesya pakonka ibele, u Abulahamu akayannya ulusekelo ulukulu nkani.

1 Abamwene 11:20

Po u mwene umukolo yula akamupapila u Hadadi umwana umulumendo, itabwa lyache akaba we Genubati, yuyo u Tapenesi akamulelela munyumba iya bumwene. Kulakula u Genubati akikalagha poka na bana aba Falabo.

1 Abamwene 3:21

Nkalamusya pandabindabi ukuti imonkezye umwana wane, loli nkamwagha ukuti afuye! Bo namwenelezya akiza nkani umwana yula, nkagha ukuti atakaba wane.”

Masalimo 86:10

Pakuti we mukulu nkani sona imbombo zyako zyakuswighisya. Awe wemwene mpela we Chala.

Masalimo 86:8

Wee Mwene pakasi paba chala atalipo nayumoyumo yuyo ayanite nawe. Zitalipo nazimozimo imbombo zizyo ziyanite ni zyako.

Yesaya 49:21

Po ukwiza pakunena mumoyo wako ukuti, ‘Nkimba wewenu yuyo akampapila abana banaba? Nkafwilwa sona nkaba ne mughumba, nkaba mubuzya sona nkakaniwa. Nkimba wewenu yuyo akabalelagha abana banaba? Po nkasyala nemwene bulo, fwandi banaba bafuma kwiyi?’ ”

Yesaya 66:8

Nkimba wenu yuyo ivuyepo ngati zinizi? Nkimba wenu yuyo enizyepo ngati zinizi? Nkimba ichisu chingapeliwa mwisiku lyoka pamo inko ukusayiwa pakabalilo bulo akanandi? Pakuti akaya aka Ziyoni, bo kivwa ivyakubaba kapapa abana.

Yelemiya 20:15

Aghuniwanje umuntu yuyo akiza na mazyu amiza kwa tata, nukumupela pakuba walusekelo bo akumubuzya ukuti, “Kunyumba yako kwapapiwa umwana umulumendo!”

Ukubelengiwa 23:23

Ghatalipo amayele naghamoghamo aghakumunanga u Yakobo, sona ivipandwa ivyakumuvulazya u Izilayeli. Nizya Yakobo nu Izilayeli abantu bakuti, ‘Ennya zizyo u Chala abomba!’

Aba Efeso 3:10

umwakuti ukwendela muchipanga abamwene na balaghili bosi aba kumwanya baghamanye amahala aghakulekanalekana agha Chala.

2 Aba Tesalonika 1:10

Pisiku lilalila akwiza pakupeghiwa umuchizi na bantu bache bosi abazelu, sona akwiza pakuchindikiwa na bantu bache bosi babo bakusubila. Namwe bulo mukwiza pakuba nabo, pakuti mukaghasubila amazyu ghagho tukababuzya.