Ubwandilo 21:34 - IBAYIBOLO 2024

³⁴ U Abulahamu akikala muchisu icha ba Filisiti amaka aminji nkani.

Ubwandilo 21:34 Iomraidhean Croise

Ubwandilo 20:1

U Abulahamu akasamila ku Negebu chicho chikaba chigaba icha kuntende. Akikalagha pakasi pa kaya akakulu nkani aka Kadeshi naka Shuli muchisu icha Gelala.

Ubwandilo 22:19

Po u Abulahamu akanyokela ku bambombo bache, po bosi poka bakanyamuka nukubwela ku Belisheba, kuko u Abulahamu akikalagha.

1 Imbili 29:15

Wee Mwene uzimenye ukuti aswe twe bayeni bulo pachisu ichapasi ngati banyenya bitu. Amasiku ghitu pachisu ichapasi ghali ngati chizyezye chicho chikuzyebeluka bulo.

Masalimo 39:12

“Wee Mwene, ivwa inyiputo zyane. Teghelezya ukulila kwane ukuti unyavwe, sona utakabanje ngati we mapuli bo nkulila. Pakuti nkwikala nawe ngati ne mwendazila, sona ngati ne muyeni ukuyana namumo abanyenya bitu bakabela.

Aba Hebeli 11:13

Abantu bosi banaba bakendelela pakuba nu lwitiko mupaka nukufwa kwabo. Abene batakapokela zizyo u Chala akabalayizya, loli bakazyenezya pabutali bulo nukuhoboka. Bakitika pabuzelu ukuti bakaba bayeni na bendazila pachisu ichapasi.

Aba Hebeli 11:9

Lukaba lwitiko lulo lukamupela ukwikala ngati muyeni muchisu chicho u Chala akamulayizya. Akikalagha muchisakasa. Wepe u Yisaki nu Yakobo bakikalagha muvisakasa ukuyana namumo u Abulahamu akabombelagha, napapo ichilingo chicho u Chala akabalayizya chikaba chabo.

1 Pitala 2:11

Mwee bamanyani bane abaghaniwa, nkubalaba amwe pakuti mwe bayeni, sona na bendazila muchisu ichapasi ukuti muvileghuke ivinyonywa ivya mubili, vivyo akabalilo kosi vili pabwite nu muzimu winyu.