Ubwandilo 21:23 - IBAYIBOLO 2024

²³ Polelo lapa pano pamaso pa Chala ukuti utakwiza pakunzimbula ane, pamo abana bane, pamo abaluko lwane. Ane nkaba ne muntu umusubiliwa pamaso papako, po nawe lapa ukuti ukwiza pakuba we muntu umusubiliwa pamaso papane muchisu chicho mukwikalamo.”

Ubwandilo 21:23 Iomraidhean Croise

Ubwandilo 20:14

Po u Abimeleki akumunyosekezya u Abulahamu u Sala poka ni ng'ozi ni ng'ombe sona na bazya.

Ubwandilo 21:24

U Abulahamu akati, “Nkulapa.”

Ubwandilo 24:3

Lapa pamaso pa Mwene, u Chala uwakumwanya ni chisu chosi ichapasi ukuti utakwiza pakumusendela umwana wane umulindu uwa muchisu icha Kenani, mumo ane nkwikala.

Ubwandilo 26:28

Bakamula bakati, “Losi ulu twazyaghannya ukuti u Mwene ali nawe, po twadumula ukuti pakasi papitu nawe pabanje ulufingo.

Ubwandilo 31:44

Po zagha ilelo tufinge ulufingo awe nane, sona chibanje ngati chikumbusyo pakasi papitu.”

Ubwandilo 31:53

U Chala uwa Abulahamu nu Chala uwa Naholi, alonge pakasi papitu.” Po u Yakobo akalapa mwitabwa ilya Chala, yuyo uwise u Yisaki akamunyilagha.

Ubwandilo 39:3

yuyo akennya ukuti u Mwene akaba nawe u Yosefu, sona akamusaya muvintu vyosi vivyo akabombagha.

Ubwandilo 47:31

U Yakobo akamubuzya Yosefu ukuti, “Lapa pamaso pa Chala ukuti ukwiza pakubomba.” Po u Yakobo akalapa nukumwiputa u Chala.

Yelemiya 4:2

nanti mukulapa nu bwanaloli na mubugholosu, naloli nu Mwene umumi inko zikwiza pakusayiwa na yuyo, sona mumwache mukwiza pakuba ubuchindamu.”

2 Aba Kolinti 1:23

U Chala abanje we kaboni wane pakuti ichifukwa chicho intakizila mu Kolinti chikaba chakuti intakalondagha pakubapela ukuti mubanje ni chitima.

Ukukumbusya Amalamulo 6:13

Mumuchindikaye u Mwene u Chala winyu, mumubombelaye yuyo mwene. Bo mukulapa ichilapo mulapilaye mwitabwa lyache lyene.

Aba Hebeli 6:16

Bo abantu bakulapa, bakulapa mwitabwa ilya muntu uyunji yuyo mukulupo ukuchila abene, po ichilapo chila chikumazya ukudalinkana kosi.

Yoshwa 2:12

Losi ulu lapa pamaso pa Mwene ukuti mukwiza pakubapelela ichisa abamunyumba yane, ukuyana namumo nabapeleye ichisa. Mumpe ichimanyilo icha naloli

1 Samuweli 20:13

Loli nanti utata wane akulonda pakukubombela ichintu chimo ichibibi, u Mwene anfunde nkani nanti intakukubuzya nukukwavwa ukuti upone. U Mwene abanje nawe ngati mumo akabela nu tata wane.

1 Samuweli 20:17

U Yonatani akamulapizya u Devedi ukuti atakaleke pakumughana, pachifukwa ichakuti u Yonatani akamughana nkani u Devedi ngati mumo akiyighanila mwene.

1 Samuweli 20:42

U Yonatani akamubuzya u Devedi akati, “Wende akiza pakuti twalapa ichilapo mwitabwa ilya Mwene pakunena ukuti, ‘U Mwene we kaboni pakasi papako nane, sona napa baluko lwako na baluko lwane bwila na bwila’ ” U Devedi akanyamuka nukubuka, po wepe u Yonatani akabwela kukaya akakulu nkani.

1 Samuweli 30:15

U Devedi akamulalusya akati, “Nkimba ungandangizyako kuko kuli akabukatila aka mavyondongo ghanagha?” Umuntu yula akamwamula akati, “Lapa pamaso pa Chala ukuti utakwiza pakungogha pamo ukumbika munyobe izya mwene wane, po nkwiza pakukulanjizya kuko kuli abantu banaba.”