Ubwandilo 21:17 - IBAYIBOLO 2024

¹⁷ U Chala akamwivwa umwana yula akulila, po uwantumi uwa Chala akamubuzya u Hagala akati, “Wee Hagala, nkimba choni chatamya? Utakanyilaye, u Chala ivwa ukulila ukwa mwana.

Ubwandilo 21:17 Iomraidhean Croise

Ubwandilo 15:1

Pisinda pa zinizi, u Mwene akamubonekela Abulamu muchisetuka. Akamubuzya akati, “Wee Abulamu utakanyilaye, ane ne ngulu yako. Umuvwalo wako ghukwiza pakuba mukulu nkani.”

Ubwandilo 16:11

Uwantumi uwa Mwene akamubuzya sona akati, “Ukwiza pakupapa umwana yuyo ukwiza pakumwita ukuti we Ishimayeli, pachifukwa ichakuti u Mwene ivwa ukulila kwako.

Ubwandilo 16:7

Uwantumi uwa Mwene akakomana nu Hagala pachiziba munkolongo pazila iyakubukila kukaya aka Shuli,

Ubwandilo 16:8

nukumulalusya u Hagala ukuti, “Wee Hagala, uwambombo uwa Salayi, nkimba wafuma kwiyi sona ukubuka kwiyi?” U Hagala akamula akati, “Nkumuchimbila u mwene wane u Salayi.”

Ubwandilo 16:9

Uwantumi uwa Mwene yula akamubuzya akati, “Nyokela kwa Salayi, ubanje pasi pabulaghili bwache.

Ubwandilo 22:11

Loli uwantumi uwa Mwene akamwitizya akati, “Wee Abulahamu, Abulahamu!” U Abulahamu akamula akati, “Indi pano.”

Ubwandilo 24:7

U Mwene u Chala uwakumwanya, yuyo akanyefya kunyumba iya bapapi bane, sona ni chisu chicho nkapapiliwako, akandapizya ukuti akwiza pakubapa abaluko lwane ichisu chinichi. Akwiza pakumutuma uwantumi wache kuntazi kukwako, kulakula ko kuko umusendele umukolo umwana wane.

Ubwandilo 26:24

Ubusiku bulabula u Mwene akamubonekela nukuti, “Ane ne Chala uwa ghuso u Abulahamu. Utakanyilaye pakuti indi nawe. Nkwiza pakukusaya, sona abaluko lwako bakwiza pakuba binji nkani pachifukwa icha layizyo lilyo nkamulayizya uwambombo wane u Abulahamu.”

Ubwandilo 46:3

Po akati, “Ane ne Chala, u Chala uwa ghuso, utakanyilaye pakubuka ku Ijiputi, pakuti kulakula nkwiza pakukupela pakuba we luko ulukulu nkani.

2 Abamwene 13:23

Loli u Mwene akabapelela ichisa aba Izilayeli, sona akabapasikizyanga nkani pachifukwa icha lufingo lulo akafingana nu Abulahamu nu Yisaki, sona nu Yakobo. Ichi cho chifukwa mupaka nilelo bulo atakulonda ukuti abanangannye pamo ukubefya pamaso papache.

2 Abamwene 13:4

U Yehowahazi akamulaba u Mwene ukuti amupelele ichisa pachifukwa ichakuti aba Siliya bakabayivya nkani aba Izilayeli, po u Mwene akivwa ulwiputo lwache.

Masalimo 10:14

Wee Chala, loli ukuzyennya intamyo na mayimba, sona wiyanizye pakubombapo zimo. Abapotwe bala bakwibika bene munyobe zyako, we mwavwilizi uwa balanda.

Masalimo 50:15

Munyitizyanje pakabalilo akantamyo, nkwiza pakubapoka po mukwiza pakunchindika.”

Masalimo 6:8

Epako kukwane mwebosi mwe babomba imbibi, pakuti u Mwene ivwa ukulila kwane.

Masalimo 65:2

Awe we ukwivwa inyiputo, abantu bosi bizaghe kukwako.

Masalimo 91:15

Bo akunyitizya, ane nkwiza pakumwamula. Nkwiza pakuba nawe muntamyo zyache zyosi, nkwiza pakumupoka nukumuchindika.

Ukufuma 14:13

U Mozesi akabamula abantu bala akati, “Mutakanyilaye! Mwimaye bulo, ukuti ilelo mubwennye ubupoki ubwa Mwene. Aba Ijiputi babo mukubennya mutakwiza pakubennya sona.

Ukufuma 22:23

Nanti mukubomba bunubu, ane ne Mwene nkwiza pakubamula nanti bakundilila ukuti imbavwe.

Ukufuma 22:27

pachifukwa ichakuti umwenda ghunugho gho mwenda wene uwakuvwinka. Nkimba akwiza pakuvwinka ichoni? Nanti akundilila, nkwiza pakumwivwa, pakuti ne wachisa.

Ukufuma 3:2

Kulakula uwantumi uwa Mwene akamubonekela muchivwati ichakwaka umoto. U Mozesi akachennya ichivwati chila chikwaka, loli chitakalungulilagha.

Ukufuma 3:7

Po u Mwene akati, “Naghennya amayimba agha bantu bane babo bali mu Ijiputi. Nivwa amilumbusyo ghabo nizya bantu babo bakubayivya. Napalamasiwa nkani mumoyo namumo bakuyimbila.

Yesaya 22:1

Agha gho mazyu aghabulaghuzi ghagho ghakunena nizya ikombe ilya chisetuka: Nkimba choni chicho chikubombiwa ilelo, ukuti mwebosi mukwele patusonje?

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Matayi 15:32

U Yesu akabitizya abamanyili bache nukubabuzya ukuti, “Indi ni chitima na bantu banaba pakuti babanga nane amasiku matatu, po ilelo bate ni chakulya. Intakulonda pakubabwezya nizala, pakuti bangazilika muzila.”

Maliko 5:36

U Yesu akazisulannya zizyo bakanenagha, loli akamubuzya u Yayili akati, “Utakanyilaye, unsubile bulo.”

Ukukumbusya Amalamulo 26:7

Po tukamulilila u Mwene, u Chala uwa banyenya bitu. U Mwene akatwivwa, nukwennya amayimba ghitu, nintamyo zyitu, ni mbombo inkafu zizyo tukabombagha, sona namumo bakatukanyililagha.

Abalongi 18:23

Bo bakukolomoka pakubimika, aba Dani bakaghalabuka nukulalusya ukuti, “Nkimba choni chatamya ukuti ubabungannye poka abantu bako pakulwa ubwite?”

1 Samuweli 11:5

Pakabalilo kalakala u Sabuli akafumagha bulo kumughunda, bo ali kwisinda ukwa nkambaku zyache. Po akalalusya akati, “Nkimba choni chicho chabatamya abantu banaba? Choni chicho bali pakulila?” Palapala bakamubuzya amazyu ghagho abantu aba mu Yabeshi bakanena.