Ubwandilo 21:14 - IBAYIBOLO 2024

¹⁴ Pandabindabi nkani u Abulahamu akasenda ichakulya ni nyambi iyikwela iya mizi nukumupa u Hagala. Akamubaghalizya ivyakulya pavipunko nukumubuzya ukuti abukaye poka numwana wache. U Hagala akanyamuka, akendakendagha bulo munkolongo iya Belisheba.

Ubwandilo 21:14 Iomraidhean Croise

Ubwandilo 16:7

Uwantumi uwa Mwene akakomana nu Hagala pachiziba munkolongo pazila iyakubukila kukaya aka Shuli,

Ubwandilo 19:27

Pandabindabi nkani, u Abulahamu akachimbilila kubuzilo bubo akimilila nu Mwene.

Ubwandilo 21:13

Nkwiza pakumupa sona abana abinji nkani umwana uwa muchi wako umuzya yula, umwakuti bakwiza pakuba luko. Pakuti wepe u Ishimayeli mwana wako.”

Ubwandilo 21:15

Bo amizi ghamala munyambi mula, akamubika bulo umwana wache yula mukazundila aka mpanya.

Ubwandilo 21:31

Po ubuzilo bula bakabwita ukuti we Belisheba, pachifukwa ichakuti abantu babili bala bakalapa ichilapo palapala.

Ubwandilo 21:33

Po mu Belisheba mulamula u Abulahamu akabyalamo ikwi ilya mupandapanda nukumwiputa u Mwene, u Chala uwa bwila na bwila.

Ubwandilo 22:19

Po u Abulahamu akanyokela ku bambombo bache, po bosi poka bakanyamuka nukubwela ku Belisheba, kuko u Abulahamu akikalagha.

Ubwandilo 22:3

Pandabindabi nkani u Abulahamu, akayannya apakwikalapo pampunda yache nukudumulannya inkwi izyakochela ichakwiyipa. Akanyamuka ubulendo bwache ubwakubuka kuko u Chala akamubuzya. Pabulendo bwache akabuka nu mwana wache u Yisaki poka na bambombo bache babili.

Ubwandilo 24:54

Uwambombo yula poka na bantu babo akaba nabo bakalya nukung'wela nukughona kulakula ubusiku bula. Bo balamusya pandabindabi akati, “Munyitikizye ukuti inyokele kwa mwene wane.”

Ubwandilo 25:6

Loli bo u Abulahamu achili mumi, akabapa ivyabupi abana bache babo akapapa na bachi bache abazya abanji bala. Akabefyapo bosi pamaso pa Yisaki nukubatuma pakwikala kuchisu icha kubufumilo bwizuba.

Ubwandilo 26:31

Pandabindabi nkani bosi bala bakalapilana ichilapo. U Yisaki akalaghana nabo, po bakalekana mumutende.

Ubwandilo 26:33

U Yisaki akachita itabwa ilyakuti, “Chilapo.” Ichi cho chifukwa akaya akakulu nkani kala kakwitiziwa ukuti Belisheba mupaka nilelo bulo.

Ubwandilo 28:18

Pandabindabi nkani u Yakobo akasenda ibwe lilyo akinulila kumutu wache. Akalyimika pakuba chikumbusyo nukulipungulila amafuta gha syunguti, po akalipaghulila kwa Chala.

Ubwandilo 37:15

umuntu yumo akamwagha akwendakwenda bulo mumaghunda kulakula, po umuntu yula akamulalusya akati, “Nkimba ukulonda ichoni?”

Ubwandilo 46:1

Po u Yakobo akabunganika utwache tosi nukubuka ku Belisheba kuko akabika ivyakwiyipa kwa Chala uwa wise wache u Yisaki.

1 Abamwene 19:3

U Eliya akanyila nkani, po akachimbila ukuti abupoke ubumi bwache. Bo afika ku Belisheba mu Yuda, akamuleka uwambombo wache kulakula.

2 Imbili 29:20

Pandabindabi u mwene u Hezekiya akaghabungannya amakambala agha mukaya akakulu nkani kala, po bakabuka ku Nyumba iya Mwene.

Masalimo 107:4

Abantu bamo bakembelagha bulo munkolongo, sona batakayagha izila iyakubukila mukaya akakulu nkani, ukuti bikalayemo.

Masalimo 119:60

Ne mwengo nkani, sona intakuzyela pakughakonka amalamulo ghako.

Ivyili 27:14

Umuntu yuyo akumulamuka umupalamani wache umwakukolomoka pandabindabi nkani, chikwiza pakuboneka ngati akumughuna.

Ivyili 27:8

Umuntu yuyo akwendakwenda ukuyileka inyumba yache, ayanite bulo ni chiyuni chicho chikuchileka ichivulumbo chache.

Umulumbilili 9:10

Chosi chicho winong'ona pakuchibomba wiyulaye nkani pakuchibomba, pakuti nanti wasyiliwa mwipumpa kutaliko ukubomba imbombo pamo ukubatika, pamo ubumanyi pamo amahala.

Yesaya 16:8

Amaghunda agha mu Heshiboni ghafoka, sona ghope na mampesya agha mu Sibima ghafoka. Abalaghili aba inko bakanyankila amampesya amiza nkani, ghagho ghakafika ku Yazeli mupaka ku nkolongo. Isamba zyache zikafika mupaka kwisila ilya nyanja.

Yohani 8:35

Umuzya atakubapo nalumolumo uwa bwila na bwila munyumba, loli umwana uwa munyumba yila we wabwila na bwila.

Yoshwa 3:1

Pandabindabi nkani u Yoshwa, poka naba Izilayeli bosi bakavisamya ivisakasa vyabo pa Shitimu nukubuka ku Yolodani, nukuzenga ivisakasa vyabo kulakula.

1 Samuweli 15:12

Pandabindabi nkani, u Samuweli akabuka pakukomana nu Sabuli, loli akabuziwa ukuti, “U Sabuli abukite ku Kalimeli, kuko akiyimikila mwene ichikumbusyo, sona akabuka ku Giligali.”