Ubwandilo 20:9 - IBAYIBOLO 2024

⁹ U Abimeleki akamwitizya u Abulahamu nukumulalusya ukuti, “Nkimba watubombela choni? Nkimba nakunangila choni ukuti wize nu lufundo ulukulu ulu papane, sona na pabumwene bwane? Wabomba ivintu vivyo vitambaghiye pakumbonekele.

Ubwandilo 20:9 Iomraidhean Croise

Ubwandilo 12:18

Po u Falabo akamwitizya u Abulamu nukumulalusya ukuti, “Nkimba cho choni chicho wambombela? Nkimba choni chicho utakambuzya ukuti muchi wako?

Ubwandilo 20:10

Nkimba choni chicho wabomba zinizi?”

Ubwandilo 20:8

Pandabindabi nkani u Abimeleki akaghitizya amakambala ghache nukughabuzya ivintu vyosi, po bakanyila nkani.

Ubwandilo 26:10

U Abimeleki akamulalusya akati, “Nkimba choni chicho watubombela zinizi? Buli nanti weka uwa bantu bane akaghonagha nu muchi wako, nkimba ngali utatupiye inongwa?”

Ubwandilo 29:25

Pandabindabi, u Yakobo akazyaghannya ukuti umuchi wache yula akaba we Leya. Po u Yakobo akamulalusya u Labani akati, “Nkimba choni chicho wambombela zinizi? Nkachesya pachifukwa icha Lakelo. Nkimba choni chicho wanzimbula?”

Ubwandilo 34:7

Pakabalilo kalakala abana aba Yakobo bakabwelako kuludimo kula. Bo abana bala bivwa zizyo zikabombiwa bakakalala nkani pachifukwa ichakuti u Shekemu akabomba ichintu ichamusamu nkani mu Izilayeli pakumulema pamaka umwana uwa Yakobo.

Ubwandilo 38:24

Bo pachilapo amezi matatu u Yuda akivwa ukuti, “Umulasagha wako u Tamala we malaya, ali nu lwanda.” Panapo na panapo, u Yuda akamulamula ukuti, “Bukagha pakumusenda nukumocha ukuti afwe.”

Ubwandilo 39:9

Indi nu bulaghili ubukulu nkani munyumba iyi ukumuchila yuyo, sona atanyimitepo nakamo akantu, loli wewe wemwene. Po zingaba bulibuli ukuti indowe ngati bunubu, sona nukunanga kwa Chala?”

2 Samuweli 12:5

U Devedi akamukalalila nkani umukabi yula nukumubuzya u Natani ukuti, “Nkulapa pamaso pa Mwene ukuti umuntu yuyo akabomba bunubu afwanje.

2 Samuweli 13:12

U Tamala akamula akati, “Awe, muyemba wane, utakanfyenge. Ichintu ichamusamu ichi chitabaghiye pakubombiwa mu Izilayeli muno. Utakabombaye ichintu ichabupunganu chinichi.

Ukufuma 32:21

Pisinda pache u Mozesi akamulalusya u Aloni akati, “Nkimba abantu banaba bakakubombela choni ukuti ubapele pakunanga bunubu?”

Ukufuma 32:35

Po u Mwene akabafunda ni chiwaya abantu bala, pachifukwa ichakuti bakamufyenga bulo u Aloni ukuti abapangile ichifwani icha ngwata icha golide.

Ivyili 28:10

Umuntu yuyo akumulongozezya umuntu umugholosu muzila imbibi akwiza pakuwila muchipingo chache, loli umuntu yuyo ate ni chilema nachimochimo akwiza pakupyana ichilingo.

Aba Levi 20:10

“ ‘Nanti umuntu akulowa nu muchi uwa mupalamani wache, bosi babili umwanavuli nu mukolo baghoghiwanje.

Aba Loma 2:11

Pakuti u Chala atakwennya icheni icha muntu pakulonga inongwa.

Titi 1:11

Ubaghiye ubakanizyanje pakunenanena, pachifukwa ichakuti bakuvulungannya imitu iya bantu munyumba zyosi pakubamanyisya vivyo vitabaghiye pakumanyisiwa. Pakubomba bunubu yikuba ngati yo zila iyakukabilamo indalama.

Aba Hebeli 13:4

Isendwa yichindikiwanje na bantu bosi, umuchi nu mulume basubilanaye. Pakuti u Chala akwiza pakubalonga abamalaya na balowe.

Yoshwa 7:25

U Yoshwa akamulalusya akati, “Nkimba choni chicho watupelela intamyo bunubu? Ilelo u Mwene akwiza pakukupelela intamyo!” Panapo na panapo abantu bosi bakamughogha na mabwe u Akani. Bakabaghogha bope na bamunyumba yache bosi pakubasumba na mabwe nukubasyila.