Ubwandilo 20:7 - IBAYIBOLO 2024

⁷ Loli ilelo kamunyosekezye umwanavuli yula umuchi wache. Umulume wache we mulaghuzi, po akwiza pakukwiputila, umwakuti utakafwe. Loli nanti utakumunyosekezya umwanavuli yula umuchi, nkukusoka ukuti awe poka na bantu bako bosi mukwiza pakufwa.”

Ubwandilo 20:7 Iomraidhean Croise

Ubwandilo 12:15

Bo amakambala agha Falabo ghamwennya, ghakamubuzya u Falabo ukuti umukolo yula akabonekagha akiza nkani. Po ghakamusendela kunyumba iya bumwene.

Ubwandilo 12:17

Pachifukwa icha Salayi, umuchi uwa Abulamu, u Mwene akamutumila u Falabo poka na bamunyumba yache ububine ubupalapala.

Ubwandilo 2:17

Loli utakalyanje ivikomwa ivya mwikwi ilyakumanyila ubwiza nu bubibi. Pakuti nanti walyamo bulo, naloli ukwiza pakufwa.”

Ubwandilo 20:18

pakuti u Mwene akighalila impapo izya bakolo bosi abamunyumba iya Abimeleki pachifukwa icha Sala umuchi uwa Abulahamu.

Ubwandilo 20:3

Ubusiku bumo u Chala akamubonekela u Abimeleki muchilota nukuti, “Awe ukwiza pakufwa pachifukwa ichakuti wasenda umuchi uwa muntu.”

Ubwandilo 20:8

Pandabindabi nkani u Abimeleki akaghitizya amakambala ghache nukughabuzya ivintu vyosi, po bakanyila nkani.

Ubwandilo 23:6

“Wee mwene, ivwa kuno awe we mwene uwamaka nkani pakasi papitu. Kamusyile mwipumpa ilyiza nkani mumapumpa ghitu ghagho wasala wemwenecho. Nayumo umuntu pakasi papitu yuyo angakwima ipumpa ilyakuti umusyile umuchi wako.”

2 Samuweli 24:17

Bo u Devedi amwennya uwantumi yuyo akabakoma abantu bala, akamubuzya u Mwene akati, “Nene nananga, sona nabomba imbibi. Nkimba abantu banaba babomba choni? Unfunde ane na bamunyumba yane.”

1 Abamwene 13:6

U mwene akamubuzya umulaghuzi yula akati, “Wee undambilizizyeko kwa Mwene u Chala wako, sona unyiputile ukuti inyobe yane yipole.” Umulaghuzi yula akamulambilizizya kwa Mwene, po inyobe yache yikapola.

2 Abamwene 5:11

Loli u Naamani akepapo bo akalaye nkani nukuti, “Ane ninong'onagha ukuti akwiza pakufuma kuzi pakukomana nane nukwiputa kwa Mwene u Chala wache, umwakuti azunguzye inyobe yache pamambombo ghane nukumpozya.

1 Imbili 16:22

“Mutakabapalamasyanje abapakiwa bane. Sona mutakababombelaye chimo ichibibi abalaghuzi bane.”

2 Imbili 30:18

Napapo abantu abinji babo bakafumagha kuchisu icha Efulayimu nicha Manase nicha Isakala sona nicha Zebuloni batakiswefya, loli bakalyanga Ulusekelo ulwa Pasa ukususannya namumo zisimbiliwe. Loli u Hezekiya akabiputila akati, “Wee Mwene we mwiza, umuhobokelaye umuntu wesi

Yobu 34:19

Atakwennya icheni nanti akubalonga abana aba bamwene sona atakulanjizya ulusalo pakasi pa bakabi na bapina, pakuti bosi akabapela ni nyobe zyache?

Yobu 42:8

Polelo senda inkambaku seveni na bana abang'ozi, mubuke ku mubombi wane u Yobu nukubika ichakwiyipa ichakocha pachifukwa ichamwemwe. U Yobu umubombi wane akwiza pakubiputila, po ane nkwiza pakwivwa ulwiputo lwache sona ntakwiza pakubomba ukuyana nubupunganu bwinyu. Pachifukwa ichakuti mutanenite ubwanaloli pamaso papane ngati mumo akabombela umubombi wane u Yobu.”

Masalimo 25:14

U Mwene akuba mumanyani uwa bantu babo bakumwivwila, po akubavumbulila ulufingo lwache.

Ukufuma 18:17

Po uwisevyala, u Yetulo akamula akati, “Chicho ukubomba te chiza.

Ukufuma 4:16

U Aloni akwiza pakuba muneni wako, sona akwiza pakunena na bantu mubuzilo bwako. Po bunubu ukwiza pakuba ngati po we Chala, ukumubuzya amazyu aghakuti anene.

Ukufuma 7:1

Po u Mwene akamubuzya u Mozesi akati, “Ivwa kuno, nakupela pakuba ngati we Chala pamaso pa Falabo, sona uwamwinyu u Aloni akwiza pakuba mulaghuzi wako.

Yelemiya 14:11

Po u Mwene akambuzya akati, “Utakabiputilaye nukubalondela ubwiza abantu banaba.

Yelemiya 15:1

Po u Mwene akambuzya akati, “Napapo u Mozesi nu Samuweli bangimilila pamaso papane nukubiputila abantu banaba, pope bulo ngali intakabapelela ichisa abantu banaba. Befyepo pamaso papane! Babuzye babukaye!

Yelemiya 27:18

“Nanti abalaghuzi banaloli sona izyu ilya Mwene lili mumwabo, leka bipute kwa Mwene Uwamaka Ghosi ukuti ivibombelo vivyo vikalekiwa mu Nyumba iya Mwene sona na munyumba iya bumwene ubwa mu Yuda nubwa mu Yelusalemu vitakabukaye ku Babiloni.

Ezekiyeli 3:18

Nanti nkumubuzya umuntu umubibi ukuti, ‘Naloli ukwiza pakufwa,’ po waleka pakumusoka pamo ukumubuzya ukuti aleke izila zyache imbibi umwakuti abupoke ubumi bwache, umubibi yula akwiza pakufwila mumbibi zyache, po ukwiza pakuba ninongwa pachifukwa icha bufwe bwache.

Ezekiyeli 33:8

Nanti nkumubuzya umuntu umubibi ukuti, ‘We muntu umubibi naloli ukwiza pakufwa,’ po waleka pakumusoka umubibi yula ukuti anyokeko kububibi bwache, umubibi yula akwiza pakufwila mumbibi zyache, po ukwiza pakuba ninongwa pachifukwa icha bufwe bwache.

Aba Levi 6:4

nanti umuntu ananga bunubu, kokuti naloli apalaghula inongwa. Po anyosye ivintu vivyo akasenda umwabuzimbuli.”

Aba Levi 6:7

Umuputi abike kwa Mwene ichakwiyipa ichakupepesezya imbibi izya muntu yula, po imbibi zyache zikwiza pakuhobokeliwa.

Imbombo 8:24

U Simoni akanena kwa Pitala nu Yohani akati, “Napela, munyiputilaye kwa Mwene ukuti nachimochimo icha vintu vivyo mwanena chitakambonekele.”

1 Aba Kolinti 14:4

Umuntu wesi yuyo akunenela mundimi injeni akwiyavwa mwene, loli yuyo akulaghula akuchavwa ichipanga.

Aba Hebeli 1:1

Kale u Chala akanena na banyenya bitu ukwendela mu balaghuzi mutubalilo utwinji, sona na muzila izyakulekanalekana.

Aba Hebeli 13:4

Isendwa yichindikiwanje na bantu bosi, umuchi nu mulume basubilanaye. Pakuti u Chala akwiza pakubalonga abamalaya na balowe.

1 Yohani 5:16

Nanti yumo akumwennya umukamu wache akubomba imbibi, yiyo yitangamupelela ubufwe, iputaye kwa Chala yuyo akwiza pakumupa ubumi. Nkunena nizya kubomba imbibi kuko kutangamupelela umuntu ubufwe. Loli kuliko ukubomba imbibi kumo kuko kungamupelela umuntu ubufwe, sona intakunena ukuti iputaye kwa Chala nizya kubomba imbibi kula, awe.

1 Samuweli 12:19

Abantu bosi bakamubuzya u Samuweli bakati, “Twalamba, twiputileko kwa Mwene u Chala wako, aswe twe babombi bako ukuti tutakafwe, pakuti ilelo twazyaghannya ukuti pamwanya pambibi zyitu zyosi, tonjelezizyepo imbibi iyinji iyakuti tubanje nu mwene.”

1 Samuweli 12:23

Ane ntakulonda ukuti imunangile u Mwene pakukana pakubiputila. Loli nkwiza pakubamanyisya chicho chiza sona chigholosu.

1 Samuweli 7:5

Po u Samuweli akati, “Babungannye poka aba Izilayeli bosi mu Mizipa, ane nkwiza pakubiputila kwa Mwene.”

1 Samuweli 7:8

Bakamubuzya u Samuweli bakati, “Utakalitaye pakutulilila kwa Mwene u Chala witu, umwakuti atupoke munyobe izya ba Filisiti bala.”