Ubwandilo 20:6 - IBAYIBOLO 2024

⁶ Po u Chala akamwamula muchilota akati, “Eee, inzimenye ukuti ukabomba chinichi nu mabyebye umwiza. Ane nkakukanizya ukuti utakanangilaye pakumupalamasya umukolo yunuyu.

Ubwandilo 20:6 Iomraidhean Croise

Ubwandilo 20:18

pakuti u Mwene akighalila impapo izya bakolo bosi abamunyumba iya Abimeleki pachifukwa icha Sala umuchi uwa Abulahamu.

Ubwandilo 26:11

U Abimeleki akabasoka abantu bosi ukuti, “Wesi yuyo akamuyivya umuntu uyu pamo umuchi wache, akwiza pakughoghiwa.”

Ubwandilo 3:3

Loli u Chala akati, ‘Mutakalyanje ivikomwa ivya mwikwi lilyo lili pakasikasi pa mughunda, pamo pakulipalamasya napo panandi pachifukwa ichakuti mukwiza pakufwa nanti mwabomba bunubu.’ ”

Ubwandilo 31:24

Loli ubusiku bulabula u Chala akamubonekela muchilota u Labani umu Alamu nukumusoka ukuti, “Uchebaye nkani ukuti utakamubombele u Yakobo ichintu chimo ichibibi.”

Ubwandilo 31:7

Pope bulo anzimbula nukwandulannya amalipilo ghane aka teni, loli u Chala atakamwitikizya ukuti ambombele chimo ichibibi.

Ubwandilo 35:5

Bo u Yakobo na bana bache bakunyamuka, ubogha ubukulu nkani bukabalema abantu bosi aba mutwaya utwakuzyungulila, umwakuti atakabapo nayumo uwakubakonka.

Ubwandilo 39:9

Indi nu bulaghili ubukulu nkani munyumba iyi ukumuchila yuyo, sona atanyimitepo nakamo akantu, loli wewe wemwene. Po zingaba bulibuli ukuti indowe ngati bunubu, sona nukunanga kwa Chala?”

Masalimo 51:4

Nakunangila wewe, sona nabomba ivibibi pamaso papako, umwakuti ukuba mugholosu nanti ukudumula inongwa, sona nukuti ukulongela mubwanaloli.

Masalimo 81:12

Po nkabaleka bulo na moyo ghabo amakafu, umwakuti babombaye vivyo bakuvilondagha.

Masalimo 84:11

Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Ukufuma 34:24

Nkwiza pakubachimbizya abantu aba inko izyakulekanalekana pantazi papinyu nukukuzya impaka iya chisu chinyu, sona atalipo nayumo umuntu uwakubapota, bo mukwiza katatu pamwaka pakunyiputa ane ne Mwene u Chala winyu.

Ivyili 21:1

Umoyo uwa mwene ghuli munyobe izya Mwene, akughulongozezya kosi kuko ghukulonda ngati mizi agha mulusoko.

Ivyili 6:29

Po momumo zibeleye nu muntu yuyo akughonana nu muchi uwa yunji, atalipo nayumoyumo yuyo akumupalamasya umukolo yula angapona ku lufundo.

Aba Levi 6:2

“Nanti umuntu ananga umwakusita ukusubiliwa kwa Mwene, pachifukwa icha buzimbuli pakukana ukumunyosezya umupalamani wache ivintu vivyo akamusungisya pamo ukumwibila pamo ukumuzimbula

Matayi 27:19

Bo u Pilati ikaye munyumba iya bulongi, umuchi akatuma amazyu ukuti, “Utakabombaye nachimo nu muntu umusita nongwa pakuti nayimba nkani nu busiku muchilota nizya muntu uyu.”

1 Aba Kolinti 7:1

Ilelo imbamule ukuyana ni fundo yiyo mukansimbila mwakalata winyu iyakuti: Umwanavuli akubomba akiza nkani nanti atakusenda.

2 Aba Kolinti 6:17

Polelo u Mwene akuti, “Fumako kukwabo sona mwipaghule. Mutakapalamasyanje nachimo ichintu chicho chinyazu, po nkwiza pakubapokela.

2 Aba Tesalonika 2:11

Pachifukwa chinichi, u Chala akubatumila amaka agha buvulunganu pakubomba mumwabo umwakuti basubile chicho chabumyasi.

2 Aba Tesalonika 2:7

Pakuti ilelo amaka aghakubusyefu agha mbibi ghandite kale pakubomba imbombo. Loli chikwiza pakuba kubusyefu mupaka papo efiwapo yuyo akuchikanizya.

1 Samuweli 25:26

“Pakuti we Mwene yuyo akukanizya ukuti utakamughoghe umuntu nayumoyumo pakutanizya ububibi bubo akakubombela, losi ulu nkulapa pamaso pa Mwene umumi, sona na mwitabwa lyako ukuti abalwani bako na bosi babo bakulonda pakukubombela ichibibi bafundiwanje ngati we Nabali.

1 Samuweli 25:34

U Chala, u Mwene uwa Izilayeli weyuyo ankanizya ukuti ntakakughoghe. Loli nkulapa pamaso pa Mwene umumi uwa Izilayeli ukuti nanti utakizagha pakukomana nane, abanavuli bosi babo bali poka nu Nabali ngali bafuye ukufika pandabindabi.”