Ubwandilo 20:1 - IBAYIBOLO 2024

¹ U Abulahamu akasamila ku Negebu chicho chikaba chigaba icha kuntende. Akikalagha pakasi pa kaya akakulu nkani aka Kadeshi naka Shuli muchisu icha Gelala.

Ubwandilo 20:1 Iomraidhean Croise

Ubwandilo 10:19

Impaka izya Kenani zikonjelela ukwanda ku Sidoni mupaka kuntende ku Gelala nukufika ku Gaza, kubufumilo bwizuba ku Sodomu nu Gomola nu Adima sona nu Zeboyimu, kupipi nu Lasha.

Ubwandilo 12:9

Po u Abulamu akendelela nu bulendo bwache ubwakwimakwima ukwikila ku Negebu muchigaba icha kuntende.

Ubwandilo 13:1

Bo u Abulamu nu muchi wache epamo muchisu icha Ijiputi, poka nu katundu wache wesi, akakwela ku Negebu, wepe u Loti akabuka poka nawe.

Ubwandilo 14:7

Bo bakubwela bakafika mu Eni Mishipati kokuti we Kadeshi nukuchipota ichisu chosi icha ba Amaleki nicha ba Amoli babo bakikalagha mukaya aka Hazazoni Tamala.

Ubwandilo 16:1

U Salayi umuchi uwa Abulamu atakamupapilapo nu mwana nayumoyumo. Loli akaba nu wambombo wache umukolo uwamu Ijiputi, yuyo akaba we Hagala.

Ubwandilo 16:14

Ichi cho chifukwa abantu bakuchita ichiziba chicho chili pakasi pa Kadeshi nu Beledi ukuti, “Ichiziba icha Mumi yuyo Akunyennya Ane.”

Ubwandilo 16:7

Uwantumi uwa Mwene akakomana nu Hagala pachiziba munkolongo pazila iyakubukila kukaya aka Shuli,

Ubwandilo 18:1

U Mwene akamubonekela u Abulahamu mumakwi agha mupandapanda agha Mamule, bo u Abulahamu ikaye pamulyango uwa chisakasa chache pamusanya bo kupiye nkani.

Ubwandilo 21:34

U Abulahamu akikala muchisu icha ba Filisiti amaka aminji nkani.

Ubwandilo 24:62

U Yisaki akiza munkolongo iya ichiziba chicho chikitiziwanga ukuti, “Ichiziba icha Mumi yuyo Akunyennya Ane”, pakuti akikalagha muchigaba icha Negebu.

Ubwandilo 25:18

Abaluko ulwa Ishimayeli bakikalagha muchigaba icha pakasi pa kaya aka Havila naka Shuli, mupaka kubufumilo bwizuba ku chisu icha Ijiputi, kumusebo uwaku Asiliya. Akwiza pakuba nu moyo uwa chinyamana pakasi pa bakamu bache bosi.

Ubwandilo 26:1

Izala yikawa muchisu chilachila ngati mumo yikawilila pakabalilo aka Abulahamu. Po u Yisaki akabuka kwa mwene u Abimeleki uwa ba Filisiti ku Gelala.

Ubwandilo 26:20

Loli abadimi aba mu Gelala na badimi aba Yisaki bakanda ivyongo nukuti, “Amizi agha ghitu.” Po u Yisaki akachita ichiziba chila ukuti, “Ivyongo.”

Ubwandilo 26:26

U Abimeleki poka nu Ahuzati, ikambalala lyache nu Fikolo, yuyo akaba we songo uwa basilikali bache bakiza bakafuma ku Gelala pakumwendela u Yisaki

Ubwandilo 26:6

Polelo u Yisaki akikala mu Gelala mulamula.

Masalimo 29:8

Izyu ilya Mwene likuyineng'ennya inkolongo, u Mwene akuyineng'ennya inkolongo iya Kadeshi.

Ukufuma 15:22

Po u Mozesi akabalongolela aba Izilayeli ukwepapo pa Nyanja Inchesamu nukwinjila munkolongo iya Shuli. Bakenda amasiku matatu ukusita ukughagha amizi.

Ukubelengiwa 13:26

Po bakanyokela kwa Mozesi nu Aloni na ku chilundilo chosi mu Kadeshi munkolongo iya Palani pakubalanjizya ivikomwa ivya muchisu chila.

Ukubelengiwa 20:16

Loli bo twamulilila u Mwene, akivwa ukulila kwitu nukututumila uwantumi yuyo akatwefyamo mu Ijiputi. Losi ulu tuli pa Kadeshi, mukaya akakulu kako kali mumpaka iya chisu chinyu.

Ukukumbusya Amalamulo 1:19

Aswe tukabomba zizyo u Mwene u Chala witu akatulamula. Tukepapo pighamba ilya Sinayi nukudumusannya munkolongo inkulu iyakoghofya yila, yiyo mukayennya bo tukubuka kuchisu icha mumaghamba icha ba Amoli. Bo twafika ku Kadeshi Balineya,

Ukukumbusya Amalamulo 32:51

pachifukwa ichakuti mwebosi mwe babili mutakaba mwe basubiliwa kukwane pamaso paba Izilayeli, bo muli pamizi agha Meliba mu Kadeshi, munkolongo iya Zini, sona nukuti mukansamula pamaso paba Izilayeli.

1 Samuweli 15:7

U Sabuli akabapota aba Amaleki ukwandila ko ku Havila mupaka ku Shuli, kubufumilo bwizuba ubwa Ijiputi.