Ubwandilo 2:9 - IBAYIBOLO 2024

⁹ U Mwene u Chala akamezya amakwi amiza aghakulekanalekana nukupa ivikomwa ivyiza. Pakasikasi pa mughunda ghulaghula pakaba ikwi ilyakupa ubumi, sona nikwi ilyakumanyila ubwiza nu bubibi.

Ubwandilo 2:9 Iomraidhean Croise

Ubwandilo 2:17

Loli utakalyanje ivikomwa ivya mwikwi ilyakumanyila ubwiza nu bubibi. Pakuti nanti walyamo bulo, naloli ukwiza pakufwa.”

Ubwandilo 3:22

Po u Mwene u Chala akati, “Ilelo umuntu aba ngati sweswe, amanya ubwiza nu bubibi. Atakwitikiziwa pakulya ivikomwa ivya mwikwi ilyakupa ubumi nukuba nubumi bwila na bwila.”

Ubwandilo 3:24

Bo amwefyamo u Adamu mumughunda ghula, u Chala akabika abakelubi kubufumilo bwizuba uwa mughunda ghula. Akabika sona upanga uwakwaka yuyo akazyungulila kosi na kosi pakwighalila izila ukuti nayumo umuntu atakapalamilaye kwikwi ilyakupa ubumi lila.

Ubwandilo 3:3

Loli u Chala akati, ‘Mutakalyanje ivikomwa ivya mwikwi lilyo lili pakasikasi pa mughunda, pamo pakulipalamasya napo panandi pachifukwa ichakuti mukwiza pakufwa nanti mwabomba bunubu.’ ”

Ubwandilo 3:5

U Chala akanena bunubu pachifukwa ichakuti akumanya ukuti nanti mwalya ivikomwa vila, amaso ghinyu ghakwiza pakwighuka, sona mukwiza pakuba ngati we Chala, mukwiza pakumanya ichiza ni chibibi.”

Ivyili 11:30

Inkalo inyiza yili ngati likwi ilipela bumi, loli ivyongo vikughogha.

Ivyili 3:18

Amahala lyo likwi ilipela bumi ilya babo bakughafukatila, babo bakughakakatila bakuba basayiwa.

Yesaya 44:25

nene nkavivulungannya ivimanyilo, ivya balaghuzi abamyasi, nukubapela bapunganu babo bakunena ivya muntazi, akubamala amaka abamahala, nukubapela pakuba bapunganu,

Yesaya 47:10

Usubaliye ububibi bwako nukunena ukuti, ‘Atalipo nayumo yuyo akunyennya.’ Amahala ghako nu bumanyi bwako vikukusobezya, bo ukunena mumoyo wako ukuti, ‘Nene nemwene, patalipo uyunji yuyo ayanite nane.’

Ezekiyeli 31:16

Inko zyosi zikatetema pachifukwa ichakwivwa ichongo icha kuwa kwache, bo nalyinjizya mwipumpa poka na bantu babo bakabukagha kwipumpa. Po amakwi ghosi agha mumughunda uwa Edeni, amiza ukughachila agha muchisu icha Lebanoni, sona na makwi ghosi ghagho ghakaba mulubazu ulwa mizi, ghakasangalusiwa bo ikwi ili lyawa.

Ezekiyeli 31:18

“ ‘Nkimba wewenu yuyo akuyana nawe ubuchindamu nubukulu pakasi pamakwi agha mu Edeni? Nawe bulo ukwiza pakwisiwa poka na makwi agha mumughunda uwa Edeni pakubuka kusi kuchisu icha bafwe, ukwiza pakughona pakasi pabantu babo batasilimuliwe poka nababo bakafwila kubwite. “ ‘Yunuyu we Falabo poka na basilikali bache, u Mwene Uwamaka Ghosi anena.’ ”

Ezekiyeli 47:12

Ivikomwa ivya luko lwakulekanalekana vikwiza pakumela mumbazu zyosi zibili izya lusoko. Amani ghache ghatakwiza pakufoka, pamo pakupotwa pakwela ivikomwa vyache. Vikwiza pakwela umwezi nu mwezi, pachifukwa ichakuti amizi aghakufuma mu Nyumba iya Chala ghakughasembelela amakwi ghala. Ivikomwa vyache vikwiza pakuba vyakulya, sona amani ghache ghakwiza pakuba ghakuposezya abantu.”

Yohani 6:48

Ane ne chibama ichipela ubumi.

1 Aba Kolinti 8:1

Pakunena nizya vyakulya vivyo vyabikiwa ku vifwani ukuti chibanje chakwiyipa, momumo ukuti twebosi tuli na mahala. Amahala aghakumupela umuntu pakuba wamituvyo, loli ulughano lukuzenga.

Ukukumbusya Amalamulo 6:25

Nanti twe basubiliwa pakukonka indaghilo zyache zyosi pamaso pa Mwene ukuyana namumo akatulamulila, akwiza pakuhoboka naswe.”

Ubuvumbuli 2:7

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, nkwiza pakumwitikizya ukuti alyanje ivikomwa ivya mwikwi ilya bumi, lilyo lili mumughunda uwa Chala.

Ubuvumbuli 22:14

“Basayiwa abantu babo bakuchapa inkazo zyabo umwakuti babanje nu bulaghili ubwakulyela ivikomwa ivya mwikwi ilya bumi nukwinjila mukaya akakulu nkani ukwendela pamilyango.

Ubuvumbuli 22:2

Lukadumusannyanga pakasi na pakasi pamusebo uwa akaya akakulu nkani. Kulubazu losi ulwa lusoko lula kukaba ikwi ilya bumi, lilyo likwela ivikomwa aka 12 pa mwaka, umwezi nu mwezi, sona amani ghache ghakuposezya nagho inko izya bantu.