Ubwandilo 2:7 - IBAYIBOLO 2024

⁷ Po u Mwene u Chala akasenda itope nukumata umuntu. Akamufutila umuyi uwakupa ubumi mumpuno zyache, po umuntu yula akaba nubumi.

Ubwandilo 2:7 Iomraidhean Croise

Ubwandilo 1:27

Po u Chala akamupela umuntu muchifwani chache naloli akabapela muchifwani chache. Akapela umwanavuli nu mukolo.

Ubwandilo 2:6

Loli amizi ghakabwibwituka pasi pachisu nukusembelela itope.

Ubwandilo 3:19

Ukwiza pakutwinkagha nkani mubumi bwako bosi ukuti uchaghe ichakulya, mupaka unyokele sona kwitope. Pakuti ukafumila kwitope, po ukwiza pakunyokela kwitope.”

Ubwandilo 3:23

U Mwene u Chala akamwefyamo mumughunda uwa Edeni nukumupela ukuti alimaye mwitope lilyo akamatiwako.

Ubwandilo 7:22

Ivintu vyosi pachisu ichapasi vivyo vikaba nubumi vikafwa.

Yobu 27:3

ukuti bo inchili indi nubumi, sona bo nkufuta umuyi uwa Chala mumpuno zyane,

Yobu 33:4

Umuzimu uwa Chala gho ghugho ghukampela, sona umuyi uwa Wamaka Ghosi ghukumpa ubumi.

Yobu 33:6

Ane nawe tuyanite bulo pamaso pa Chala nane bulo nkapeliwa kwitope

Yobu 4:19

po zingaba bulibuli na bantu babo bakwikala munyumba izya kumata, zizyo ulwalo lwache lufumbi, sona zizyo zikumongoka lubilolubilo ngati lumpezu.

Masalimo 100:3

Muzimanye ukuti u Mwene we Chala, weyuyo akatupela, po twe bantu bache. Twe bantu bache, ing'ozi izya mudimo wache.

Masalimo 103:14

Pakuti amenye mumo akatupelela, sona akukumbuka ukuti twe litope bulo.

Ivyili 20:27

Umuzimu uwa muntu yo nyale iya Mwene yiyo yikuvumbula vyosi ivya mukasi.

Umulumbilili 12:7

Bo ulufumbi lukunyokela kwitope, sona umuzimu ghukunyokela kwa Chala yuyo akapela.

Umulumbilili 3:7

Pali akabalilo akakusonela, na kabalilo akakuzepulila. Pali akabalilo akakupuma bulo, na kabalilo akakunenela.

Yesaya 2:22

Leka pakumusubila umuntu yuyo akufwa, po nkimba umuntu angabavwa ichoni?

Yesaya 64:8

Wee Mwene naloli we Tata witu. Twe litope, awe we mumati, twebosi twe mbombo izya nyobe yako.

Nkuto 4:20

Bakamughogha ni chipingo umupakiwa uwa Mwene, yuyo muyi witu uwenecho uwa bumi bwitu. Po tukinong'onagha ukuti aswe twe tukwikala pakasi inko izinji, tukwiza pakwavwiliziwa.

Ezekiyeli 37:5

U Mwene Uwamaka Ghosi akughabuzya amafupa ghanagha akuti: Nkwiza pakufutila umuyi wane mumwinyu, po mukwiza pakuba nubumi.

Ezekiyeli 37:6

Nkwiza pakubika inkole ni nyama nukwighalila numubili, nkwiza pakubika umuyi mumwinyu, umwakuti mukwiza pakuba nubumi. Po mukwiza pakumanya ukuti ane ne Mwene.’ ”

Zekaliya 12:1

Agha gho mazyu aghabulaghuzi agha Mwene ghagho ghakunena nizya Izilayeli. U Mwene yuyo akapela ichisu ichakumwanya, weyuyo akala ulwalo ulwa chisu ichapasi, sona weyuyo akaghupela umuzimu ghugho ghuli mumuntu akuti,

Ukubelengiwa 16:22

Loli u Mozesi nu Aloni bakafughama nukukolomoka ukuti, “Wee Chala, sona we mbwibwi iya bumi ubwa bantu bosi, nkimba uchikalaliye ichilundilo chosi pachifukwa icha mbibi izya muntu weka?”

Ukubelengiwa 27:16

“Wee Mwene Chala we mbwibwi iya bumi ubwa bantu bosi, umusale umuntu yumo ukuti achilongozyanje ichilundilo chinichi

Yohani 20:22

Bo anena zinizi, akabaputila umuyi nukuti, “Pokela u Muzimu Umuzelu.

Imbombo 17:25

Sona atakulonda ubwavwilizi ubwa muntu, pachifukwa ichakuti umwene atakusobelwa nachimochimo. Pakuti umwene weyuyo akubapa abantu ubumi nu muyi, sona ni vinji vyosi.

Aba Loma 9:20

Loli awe we muntu bulo, nkimba wewenu awe ukuti umwamule u Chala? Nkimba isonta yikumulalusyapo umumatasonta ukuti, “Choni chicho ukamata bunubu?”

1 Aba Kolinti 15:45

Pakuti Amasimbo ghakuti, “U Adamu, umuntu uwakwanda yula, akaba nubumi.” Loli u Adamu uwabumalilo yula we Muzimu umupela bumi.

1 Aba Kolinti 15:47

Umuntu wakwanda yula, akamatiwa ni tope ilya muchisu ichapasi. Loli umuntu uwabubili yula akafuma kumwanya.

2 Aba Kolinti 4:7

Loli aswe tuyanite bulo ni sonta izya kusungilamo ubukabi ubu, ukuti tulanjizye ukuti amaka amakulu agha ghakufuma kwa Chala, kute ko kukwitu, awe.

2 Aba Kolinti 5:1

Pakuti tuzimenye ukuti nanti ichisakasa chicho tukwikalamo pachisu ichapasi, chapankuliwa, tukwiza pakuba ni nyumba kumwanya yiyo u Chala atuyanizizye. Inyumba iyi yitakazengiwa ni nyobe izya bantu, sona yikwiza pakubangako bwila na bwila.

1 Timoti 2:13

Pakuti u Adamu weyuyo akaba wakwanda pakupeliwa, po pakiza u Eva.

Aba Hebeli 12:9

Tukaba nabo abatata aba muchisu ichapasi babo bakatufunda, po tukabachindikagha. Nkimba tutangamuchindika u Tata witu uwabuzimu nukuba nubumi?