Ubwandilo 2:5 - IBAYIBOLO 2024

⁵ pachisu ichapasi patakabapo nachimo ichibyalwa. Imbeyu zikaba zichili zitamelite, pakuti u Mwene u Chala akaba achili atatumite nayimo ivula, sona patakabapo nayumo umuntu uwakuti angalima ichisu chilachila.

Ubwandilo 2:5 Iomraidhean Croise

Ubwandilo 2:6

Loli amizi ghakabwibwituka pasi pachisu nukusembelela itope.

Ubwandilo 3:23

U Mwene u Chala akamwefyamo mumughunda uwa Edeni nukumupela ukuti alimaye mwitope lilyo akamatiwako.

Ubwandilo 4:12

Nanti ukuyezya pakupesa imbeyu, itope litakwiza pakumezya nalumo imbeyu. Ukwiza pakuba muntu uwakwendakwenda bulo, sona nu musita kwikalana pachisu ichapasi.”

Ubwandilo 4:2

Pisinda pache akapapa sona umwana umulumendo yuyo akamwita ukuti we Abeli. U Abeli akaba mudimi, loli u Kayini akaba mulimi.

Yobu 5:10

Akutimizya ivula pachisu ichapasi nukughasembelela amaghunda.

Masalimo 104:14

Akumezya isote ukuti ing'ombe zilyanje, sona akumupa umuntu imbeyu ukuti abyalaye, umwakuti apanje ichakulya ichinji nkani ukufuma mwitope.

Masalimo 135:7

Akughakwezya amabingu ukwanda kubumalilo ubwa chisu, akunyampannya utumesya utwa vula, po akutuma impepo ukufuma munyumba izyakusungilamo.

Yelemiya 10:12

U Chala akapela ichisu ichapasi na maka ghache, na mahala ghache akapela ichisu chosi ichapasi mubumanyi bwache akachikuzula ichisu icha kumwanya.

Yelemiya 10:13

Bo akujilimisya, amizi kumwanya ghakupongomoka. Weyuyo akukwezya amabingu ukwanda kubumalilo ubwa chisu chosi ichapasi. Weyuyo akulamizya utumesya ni vula sona akuyifumya impepo muchipinda ichakusungilamo.

Yelemiya 14:22

Nkimba alimo yumo u chala umumyasi, pakasi pa inko izinji yuyo angapela ivula? Nkimba mumwanya mungapela ivula? Wee Mwene u Chala witu, awe wewe wemwene. Pakuti tukusubiye wenewe mpela pakuti wewe ukuzibomba zyosi zinizi.”

Matayi 5:45

ukuti mubanje mwe bana aba Tata winyu uwakumwanya. Pakuti akulamizya izuba pabantu abiza na babibi bulo nukutuma ivula pa bagholosu na babo bate bagholosu.

Aba Hebeli 6:7

U Chala akulisaya itope lyosi lilyo likupokela ivula yiyo yikutima pipipipi nukwelezya imbeyu zizyo zikwavwa abantu babo bakuzilima.