Ubwandilo 2:25 - IBAYIBOLO 2024

²⁵ U Adamu nu muchi wache bosi poka bakaba nkule, loli batakaba ni soni.

Ubwandilo 2:25 Iomraidhean Croise

Ubwandilo 3:7

Bo balya bulo, amaso ghabo ghakighuka, nukuzyaghannya ukuti bakaba nkule. Bakasona amani agha chikuyu nukuvwala.

Masalimo 25:3

Umuntu yuyo akusubiye atakwiza pakukoziwa isoni nalumo, loli ubakozyanje isoni abantu abakusambuka.

Masalimo 31:17

Wee Mwene, utakitikizyanje ukuti nkoziwe isoni, pachifukwa ichakuti nakulaba. Loli abantu ababibi bakoziwanje isoni sona babanje bulo myee bo bali mwipumpa.

Ukufuma 32:25

U Mozesi akazimanya ukuti abantu bakabomba ivya bupunganu, wepe nu Aloni akabaleka bulo ukuti babombaye ivya bupunganu pamaso pa balwani babo.

Yesaya 44:9

Bosi babo bakupanga ivifwani babulo, sona nivintu vivyo bakusunga vite ni mbombo. Babo bakuvyiputa bafwamaso, batakumanya nachimochimo, bakwiza pakukoziwa isoni.

Yesaya 47:3

Inkule yako yikwiza pakuba pabuzelu, po ukwiza pakukoziwa isoni. Nkwiza pakubatanizya, sona ntakwiza pakumuleka nayumoyumo.”

Yesaya 54:4

“Utakanyilaye, utakwiza pakukoziwa isoni. Utakanyilaye pakusamuliwa utakwiza pakwisiwa. Ukwiza pakuluvya isoni zyako izya pabulumendo bwako, sona utakwiza pakukumbuka intamyo izya bufwilwe bwako.

Yelemiya 17:13

Wee Mwene we lusubilo ulwa ba Izilayeli, abantu bosi babo bakukukana bakwiza pakukoziwa isoni. Babo bakukuleka bakwiza pakusyiliwa mulufumbi pachifukwa ichakuti bamukana u Mwene, imbwibwi iya mizi amumi.

Yelemiya 6:15

Nkimba bate ni soni pakubomba ivinyazu vinivi? Awe, bate ni soni nazimozimo sona batakuwisya ivyeni vyabo pasi. Pakuti bakwiza pakuwila poka na bamwabo babo bakawa kale. Bakwiza pakuwila zila bo nkubafunda. Ane ne Mwene nanena.”

Ezekiyeli 16:61

Po ukwiza pakukumbuka izila zyako nukukoziwa isoni pakubapokela abawamwinyu bako, bosi babo bo basongo kukwako sona babo banandi kukwako. Nkwiza pakukupa pakuba bana bako abalindu, loli chite chifukwa icha lufingo lwane, lulo nkafingana nawe.

Yoweli 2:26

Mukwiza pakulya ivyinji nkani mupaka mwikute, po mulipalaye itabwa ilya Mwene u Chala winyu, yuyo ababombela iviswigho, bope abantu bane batakwiza pakukoziwa isoni.

Maliko 8:38

Nanti umuntu ali nane ni soni, sona ni chimanyisyo chane mumasiku amabibi agha, ghagho abantu bakumukana u Chala, po u Mwana uwa Muntu akwiza pakukoziwa isoni nawe, bo akwiza mubuchindamu ubwa Wise poka na bantumi abazelu aba kumwanya.”

Luka 9:26

Nanti umuntu ali nane ni soni, sona ni chimanyisyo chane, po u Mwana uwa Muntu wepe akwiza pakuba ni soni nawe bo akwiza mubuchindamu ubwa Wise poka na bantumi abazelu aba kumwanya.

Aba Loma 10:11

Amasimbo ghakuti, “Umuntu wesi yuyo akusubila mumwache, atakwiza pakukoziwa isoni.”