Ubwandilo 2:24 - IBAYIBOLO 2024

²⁴ Pachifukwa chinichi, umwanavuli akwiza pakumuleka uwise nu nyina nukumamatilana nu muchi wache, sona abantu babili aba bakwiza pakuba mubili ghoka.

Ubwandilo 2:24 Iomraidhean Croise

Ubwandilo 4:19

U Lameki akasenda abakolo babili, usongo akaba we Ada, po umunandi akaba we Zila.

Masalimo 45:10

Wee mulindu teghelezya! Ivwa amazyu nukughinong'onela, sona ubaluvye abakamu bako na bamunyumba iya ghuso.

Ivyili 12:4

Umukolo uwa nkalo inyiza yo mpumpu iya mulume wache, loli umukolo yuyo akumukozya isoni umulume, ali ngati chilonda icha mafila ku mulume.

Ivyili 2:17

yuyo akusoka ku mulume wache, nukulusulannya ulufingo lulo akafinga pamaso pa Chala.

Ivyili 31:10

Nkimba wenu yuyo angamwagha umukolo uwa nkalo inyiza? Aghachilite na mabwe aghamutengo nkani.

Imbombo 11:23

Bo afika nukwennya mumo u Chala abasayila abantu, akahoboka nkani nukubalaba bosi ukuti bendelele pakusubila mwa Mwene na moyo ghabo ghosi.

Aba Loma 7:2

Umwakufwanikizya, umukolo yuyo asendiwe apinyiwe ni ndaghilo ku mulume wache pene papo achili mumi. Loli nanti umulume afwa, po umukolo yula musatuke ku ndaghilo izya sendwa zizyo zikamupinya.

Ukukumbusya Amalamulo 10:20

Mumunyilaye u Mwene u Chala winyu nukumwiputa yuyo mwene. Mubanje mwe basubiliwa kukwache. Mulapilaye mwitabwa lyache lyene.

Ukukumbusya Amalamulo 4:4

loli amwe mwebosi mwe mukamusubila u Mwene u Chala winyu muchili muli nubumi mupaka nilelo bulo.

1 Timoti 5:14

Polelo nalondagha ukuti ngali abafwilwe abachilindu basendiwe nukupapa abana nukusungilila akiza inyumba zyabo. Po abalwani bitu batakwiza pakulwaghilapo ulusako ulwakutunena ububibi.

Yoshwa 23:8

Loli mumusubilaye u Mwene u Chala winyu ukuyana namumo mwabombelagha mupaka nilelo bulo.

1 Samuweli 25:43

U Devedi akamusenda sona u Ahinowamu uwaku Yezileli, po bosi babili banaba bakaba bachi bache.