Ubwandilo 19:36 - IBAYIBOLO 2024

³⁶ Po abana bosi abalindu aba Loti bala bakamela ulwanda ulwa wise.

Ubwandilo 19:36 Iomraidhean Croise

Ubwandilo 19:35

Po ubusiku bulabula bakamung'wesya sona uwise uvinyo, po umwana umunandi yula akaghona nawe. Pope bulo uwise atakazimanya zizyo zikabombiwa, pakuti akakolwa nkani.

Ubwandilo 19:37

Umwana usongo akapapa umwana umulumendo yuyo akamwita ukuti we Mowabu. U Mowabu we munyenya uwa ba Amowabu.

Ubwandilo 19:8

Ennya, indi na bana abalindu babili babo bataghonitepo nalumo nu mwanavuli. Buli munyitikizye ukuti nize nabo kukwinyu, umwakuti mubombe nabo chosi chicho mukulonda. Loli mutakababombelaye abanavuli banaba ichintu ichibibi pakuti bayeni bane, sona imbaghiye pakubasungilila akiza.”

Habakuku 2:15

“Aghuniwanje umuntu yuyo akumupela umupalamani wache ukuti akolwe, pakukupula ulubako ulwa bukali bwache, umwakuti angennya inkule zyabo.

Matayi 7:2

Pakuti mumo mukubalongela abantu abanji, momumo u Chala akwiza pakubalongela. Ichipimilo chicho mukubombezya pabantu abanji, cho chicho u Chala akwiza pakubombezya papinyu.

Ukukumbusya Amalamulo 2:9

U Mwene akambuzya akati, “Mutakabatamyanje aba Mowabu, pamo ukulwa nabo ubwite, pakuti ntakwiza pakubapa nachimochimo ichigaba icha chisu chabo. Ane nabapa abaluko ulwa Loti akaya akakulu nkani aka Ali ukuti kabanje kabo.”

Abalongi 1:7

Po u Adonibezeki akati, “Abamwene 70 babo bakadumuliwa abachisumwe aba munyobe naba munyayo bulo bakasebagha utubululusya pasi pitebulo lyane. Ilelo u Chala antanizya pa zizyo nkababombela abantu balabala.” Bakamusenda nukubuka nawe ku Yelusalemu, po akafwila kulakula.

1 Samuweli 15:33

Loli u Samuweli akati, “Upanga wako abapelela abakolo pakuba basita bana, umwakuyana bulo unyoko akwiza pakuba musita bana.” Po u Samuweli akamudumulannya u Agagi yula pamaso pa Mwene mu Giligali.