Ubwandilo 19:31 - IBAYIBOLO 2024

³¹ Umwana usongo akamubuzya umunandi akati, “Utata witu akughosipa, po patalipo nayumo umuntu pachisu ichapasi uwakuti tungasendwako ukuti tupape nawe abana ngati mumo abantu bakubombela pachisu ichapasi.

Ubwandilo 19:31 Iomraidhean Croise

Ubwandilo 16:2

Po u Salayi akamubuzya u Abulamu akati, “U Mwene atampiye nu mwana nayumoyumo. Buli nanti ungaghona nu wambombo wane uyu ukuti pamo angampapila abana?” U Abulamu akitinkana nazyo zizyo u Salayi akamubuzya.

Ubwandilo 16:4

Bo u Abulamu amumanya u Hagala, po u Hagala akamela ulwanda. U Hagala akazyaghannya ukuti amela ulwanda, po akanda amadinko nukwanda pakumusamula u Salayi.

Ubwandilo 19:28

Akennya utwaya utwa Sodomu nu Gomola ni kombe lyosi lila, nukwennya ilyosi ilyakoghofya likusuka mutwaya mula, lilyo likayana bulo ni lyosi ilyakusuka mumuvuno.

Ubwandilo 4:1

Po u Adamu akamumanya umuchi wache u Eva, po umuchi wache akamela ulwanda. Akapapa umwana umulumendo po akati, “Nu bwavwilizi ubwa Mwene napokela umwana umulumendo.” Po akamwita ukuti we Kayini.

Ubwandilo 6:4

Mumasiku ghalaghala na pisinda bulo kukabako abantu abatalitali abamaka nkani pachisu ichapasi, babo bakapapiwa mubakolo babo bakasendwa na bana aba Chala bala. Banaba bakaba bantu abamaka abakali, sona bamanyikwe.

Yesaya 4:1

Pisiku lilalila abakolo seveni bakwiza, pakumulema umwanavuli weka nukuti, “Tukwiza pakulyanga ivyakulya vyitu, nukwilondela twebene amenda. Loli utwitikizye ukuti, twitiziwanje bachi bako, sona utwefyezyeko isoni!”

Maliko 9:6

Bakachenuka nkani, umwakuti u Pitala atakamanya izya kunena.

Ukukumbusya Amalamulo 25:5

Nanti abanamuntu bakwikala poka, po nanti weka afwa umusita abana abalumendo, umukolo umufwilwe yula atakasendiwanje nu muntu bulo, yuyo ate wa munyumba yila. Loli uwamwabo uwa muyazi yula umupyane umufwilwe yula ukuti endelele pakubomba imbombo yiyo uwamwabo akayileka.