Ubwandilo 19:3 - IBAYIBOLO 2024

³ Loli u Loti akabapepeka nkani mupaka bakitika nukubuka nawe kunyumba yache. U Loti akabayanizizya ulusekelo ulukulu nkani, poka ni vibama vivyo vite ni chilungo. Po bakalya.

Ubwandilo 19:3 Iomraidhean Croise

Ubwandilo 19:2

“Mwee bamwene bane, nalamba, twende kunyumba yane, musukusule munyayo zyinyu nukutuzya ubusiku bunubu. Pandabindabi nkani mungendelela nu bulendo bwinyu.” Bakamula bakati, “Awe, aswe tukwiza pakughona kuzi pamunalo uwa mukaya akakulu nkani kanaka.”

Ubwandilo 21:8

Umwana yula akakula, po isiku ilyakuti u Sala amulesya pakonka ibele, u Abulahamu akayannya ulusekelo ulukulu nkani.

Ubwandilo 24:31

Akamubuzya akati, “Twende kunyumba, awe we muntu umusayiwa nu Mwene. Nkimba choni chicho wimiliye kuno? Nakuyanizizya ichipinda munyumba yane, sona nu buzilo ubwa ngamila zyako.”

Ubwandilo 26:30

U Yisaki akabayanizizya ulusekelo, po bakalya nukung'wela.

2 Abamwene 4:8

Isiku limo u Elisha akabuka ku Shunemu, kuko kukikalagha umukolo yumo umukabi nkani. Umukolo yula akamwitizya u Elisha ukuti alye ichakulya munyumba yache. Ukwandila pakabalilo kalakala bo u Elisha iza mu Shunemu, akizagha palapala pakulya ichakulya.

Ukufuma 12:15

U Mwene akati, “Mulyanje ichibama chicho chite ni chilungo amasiku seveni. Mwefyanjemo ichilungo chosi munyumba zyinyu pisiku ilyakwanda. Pakuti nanti umuntu wesi yuyo akulya ichibama icha chilungo mumasiku seveni ghanagha, akwiza pakwepusiwapo pakasi paba Izilayeli.

Ukufuma 12:39

Bakapiya ichibama chicho chite ni chilungo icha chinyenya chicho bakapaya mu Ijiputi, pakuti bakepamo mu Ijiputi lubilolubilo, umwakuti batakaba na kabalilo akakuyanizizya ichakulya pamo ukupiya ichibama chicho chite ni chilungo.

Luka 11:8

Momumo, nkubabuzya ukuti napapo atakwiza pakunyamuka nukumupa ichibama pachifukwa ichakuti we mumanyani wache, loli akwiza pakunyamuka nukumupa chosi chicho akulonda pachifukwa icha lweke lwache ulwa kulaba.

Luka 14:23

Po u mwene wache akamubuzya uwambombo yula akati, ‘Bukagha mumisebo na kuzila izya kaya aka wize na bantu pamaka, ukuti inyumba yane yizule.

Luka 5:29

Po u Levi akamuyanizizya u Yesu ulusekelo ulukulu munyumba yache. Abasonkezya sonko abinji poka na bantu abanji bakaba nabo palusekelo lulalula.

Yohani 12:2

Bakamupiyila ichakulya icha pachamabwila, u Malita weyuyo akababombelagha. Wepe u Lazalo akaba weka uwa bantu babo bakalyanga poka nu Yesu.

1 Aba Kolinti 5:8

Polelo zagha tusekelaye Ulusekelo lwitu ulwa Pasa ni chibama chicho chite ni chilungo ichikali icha mbibi, sona ni chinyazu chila, loli ni chibama chicho chite ni chilungo, ichibama ichiza, sona ni chanaloli.

2 Aba Kolinti 5:14

Ulughano ulwa Kilisitu lukutulaghila. Pakuti ilelo twamanya ukuti umuntu weka akabafwila abantu bosi, kokuti abantu bosi bakafwa.

Aba Hebeli 13:2

Mupokelaye akiza abayeni munyumba zyinyu. Pakuti pakubomba bunubu abantu bamo bakapokela abantumi aba Chala umwakusita ukuzimanya.

Abalongi 6:19

U Gidiyoni akinjila munyumba yache nukuyannya umwana uwa mbuzi, sona akabombezya amakilogalamu 10 agha busu nukupiya ivibama vivyo vite ni chilungo. Akabika inyama muchidudunga, akapungulila musonta umusuni uwa nyama yila. Po Gidiyoni akiza navyo vyosi vila nukuvibika pamaso pa Mwene mukazundila mwikwi ilya mupandapanda.

1 Samuweli 28:24

Umwalubilolubilo, umukolo yula akamughoghela ingwata inyine. Po akasenda ubusu nukupiya ivibama vivyo vite ni chilungo.