Ubwandilo 19:29 - IBAYIBOLO 2024

²⁹ Bo u Chala anangannya utwaya utwa mwikombe tula, akamukumbuka u Abulahamu, akamupoka u Loti kuluzimilo lula lulo lukanangannya utwaya tuto u Loti akikalaghamo.

Ubwandilo 19:29 Iomraidhean Croise

Ubwandilo 11:27

Abaluko ulwa Tela bo aba: U Tela akapapa u Abulamu nu Naholi nu Halani. U Halani akapapa u Loti.

Ubwandilo 12:2

Nkwiza pakukupa abaluko abinji nkani, sona nkwiza pakubapela pakuba luko ulwamaka nkani. Nkwiza pakukusaya nukukupela pakuba muntu umumanyikwe, ukwiza pakuba we lusayo ulwa bantu abanji.

Ubwandilo 30:22

U Chala akamukumbuka u Lakelo, akivwa inyiputo zyache nukumwighula impapo yache.

Ubwandilo 8:1

Loli u Chala akamukumbuka u Nowa poka ni vitekwa ni vinyamana vyosi ivyamuzi vivyo akaba navyo mubwato mulamula. Po akalamula ukuti impepo yande pakukuka, panapo na panapo amizi ghala ghakanda pakupwa.

Nehemiya 13:14

Wee Chala wane, unkumbukaye pazyosi zinizi sona utakaluvyanje imbombo zyane inyiza, zizyo nabomba pa Nyumba iya Chala wane pakukubombela mubusubiliwa.

Nehemiya 13:22

Po nkabalamula aba Levi ukuti biswefye nukubuka pakulindilila pamulyango, umwakuti Isiku Ilyakutuzya libanje lizelu. Wee Chala wane, unkumbukaye sona unsungaye nu lughano lwako ulukulu nkani.

Yobu 35:8

Imbibi zyinyu zikumupalamasya muntu ngati wewe, sona ubugholosu bwako bukubapalamasya bulo abana aba bantu.

Masalimo 105:42

Pakuti akalikumbuka ilayizyo lyache izelu, lilyo akamulayizya umubombi wache u Abulahamu.

Masalimo 105:8

Akulukumbuka ulufingo lwache bwila na bwila, akughakumbukagha amalamulo ghache ku nkulilo sabuzani weka.

Masalimo 106:4

Wee Mwene, unkumbukaye, bo ukubapelela ichisa abantu bako. Bo ukubavwa abantu bako umpokaye nane bulo,

Masalimo 136:23

Akatukumbuka bo twe badedebazu. Ulughano lwache lwa bwila na bwila.

Masalimo 145:20

U Mwene akubasungilila bosi babo bamughanite, loli akwiza pakubanangannya abantu ababibi.

Masalimo 25:7

Wee Mwene, utakazikumbukaye imbibi zizyo nkabomba bo indi mulumendo, sona utakakukumbukaye ukunanga kwane. Nkumbukaye mulughano lwako lulo lutakupotwa nalumolumo pakuti we mwiza.

Ezekiyeli 14:16

napapo abantu batatu bala bangaba mulamula, nkulapila mwitabwa ilya Mwene Uwamaka Ghosi, ane ne Chala umumi ukuti batangabapoka abana babo abalumendo pamo abalindu. Loli ngali babupokite ubumi bwabo bwene, sona ichisu ngali chipelite pakuba chisami.

Hoseya 11:8

Wee, Izilayeli ningakuluvya bulibuli? Nkimba ningakupa bulibuli u Efulayimu? Nukukuleka we Izilayeli nkimba ningakupa bulibuli ngati we Adima? Nukukubombela ngati we Zeboyimu? U moyo wane wanduka, sona chope ichililizi chandema nkani.

Ukukumbusya Amalamulo 7:8

Loli chikaba chifukwa ichakuti u Mwene akabaghana, sona nukuti akalondagha ukuti ilayizyo lilyo akabalayizya abanyenya binyu ilyakuti akwiza pakubapoka amwe kubuzya na maka ghache amakulu nkani munyobe izya Falabo uwaku Ijiputi.

Ukukumbusya Amalamulo 9:27

Umukumbukaye umubombi bako u Abulahamu nu Yisaki, sona nu Yakobo. Utakabikilayeko nu moyo kubukafu ubwa moyo agha bantu banaba nu bubibi, sona ni mbibi zyabo,

Ukukumbusya Amalamulo 9:5

U Mwene u Chala winyu abitikizya pakubachimbizyamo nukwikalamo muchisu chabo, te pachifukwa ichakuti mwe bagholosu, pamo mwe biza awe, loli pachifukwa ichakuti abantu balabala babibi nkani, sona pachifukwa ichakuti akulonda pakukwanilisya ilayizyo lilyo akamulayizya umunyenya winyu u Abulahamu nu Yisaki, sona nu Yakobo.

2 Pitala 2:7

Loli akamupoka u Loti, umugholosu yuyo akatamiwa nkani ubwamalaya ubwa bantu babo batakamunyilagha u Chala.