Ubwandilo 19:2 - IBAYIBOLO 2024

² “Mwee bamwene bane, nalamba, twende kunyumba yane, musukusule munyayo zyinyu nukutuzya ubusiku bunubu. Pandabindabi nkani mungendelela nu bulendo bwinyu.” Bakamula bakati, “Awe, aswe tukwiza pakughona kuzi pamunalo uwa mukaya akakulu nkani kanaka.”

Ubwandilo 19:2 Iomraidhean Croise

Ubwandilo 18:4

Leka imbasendele amizi aghakuti musukusule munyayo zyinyu, sona mungatuzya mukazundila pikwi pano.

Ubwandilo 19:1

Bo abantumi babili aba kumwanya bala binjila mukaya aka Sodomu pachamabwila, u Loti akikalagha pamulyango uwa kaya kala. Bo u Loti abennya bulo, akanyamuka pakubalamuka. Akafughama nukuti,

Ubwandilo 19:3

Loli u Loti akabapepeka nkani mupaka bakitika nukubuka nawe kunyumba yache. U Loti akabayanizizya ulusekelo ulukulu nkani, poka ni vibama vivyo vite ni chilungo. Po bakalya.

Ubwandilo 24:31

Akamubuzya akati, “Twende kunyumba, awe we muntu umusayiwa nu Mwene. Nkimba choni chicho wimiliye kuno? Nakuyanizizya ichipinda munyumba yane, sona nu buzilo ubwa ngamila zyako.”

Ubwandilo 43:24

Sona bo umuntu yula abinjizya abantu munyumba iya Yosefu po akabapa amizi ukuti basukusule munyayo zyabo. Bakazipa impunda zyabo ivyakulya.

2 Samuweli 11:8

U Devedi akamubuzya u Uliya akati, “Bukagha kunyumba, pakutuzya.” Po u Uliya yula akepako kunyumba iya bumwene yila, sona u mwene akamutumila u Uliya ichabupi.

Yobu 31:32

Loli patakabapo nayumo umuyeni yuyo aghonitepo mumusebo, pakuti akabalilo kosi akaya kane kakaba kighuke ku bayeni,

Ivyili 25:17

Utakakanyaye kabilikabili kunyumba iya mupalamani wako, lumo angalita nawe nukwanda pakukubenga.

Inyimbo izya Solomoni 5:3

Navula kale amenda, po nkimba ingavwale sona? Nasukusula kale munyayo, po nkimba inzinyazye sona?

Luka 7:44

Po u Yesu akaghalabukila ku mukolo yula nukumubuzya u Simoni ukuti, “Nkimba ukumwennya umukolo uyu? Ninjila munyumba yako, loli utampiye amizi aghakusukusula munyayo zyane, loli umwene asukuzya inyayo zyane na masozi nukuzipuputa ni sisi zyache.

Yohani 13:5

Po akapungulila amizi musonta nukwanda pakusukuzya inyayo izya bamanyili bache nukuzipuputa nu mwenda ghugho akapinyilila mumusana wache.

Imbombo 16:15

Pisinda pache bo yuyo na bantu abamunyumba yache boziwa, akatwitizya aswe akati, “Nanti naloli mwanyennya ukuti ne mwitiki mwa Mwene, zagha mwikale munyumba yane.” Akatupepeka ukuti tubuke.

Aba Hebeli 13:2

Mupokelaye akiza abayeni munyumba zyinyu. Pakuti pakubomba bunubu abantu bamo bakapokela abantumi aba Chala umwakusita ukuzimanya.