Ubwandilo 19:16 - IBAYIBOLO 2024

¹⁶ Bo akuzyelazyela, abantumi bala bakamulema panyobe u Loti nu muchi wache, na bana bache abalindu bala nukubefyamo mukaya akakulu nkani kala, pakuti u Mwene akabapelela ichisa.

Ubwandilo 19:16 Iomraidhean Croise

Ubwandilo 19:15

Pandabindabi nkani bo kwacha, abantumi bala bakayezya nkani ukumwendelezya u Loti nukuti, “Lubilo, umusende umuchi wako na bana bako abalindu babili nukwepamo, umwakuti mupone bo u Chala ali pakukanangannya akaya akakulu nkani kanaka.”

Ubwandilo 43:10

Nanti tutakabagha ngali twanyokezannya kabili kosi.”

1 Imbili 16:34

Mumupalizyanje u Mwene, pakuti mwiza, ulughano lwache ulwa bwila na bwila.

Masalimo 103:13

Ngati mumo uwise akubela ni chililizi na bana bache, umwakuyana bulo u Mwene akubanga ni chililizi na bantu babo bakumuchindika.

Masalimo 106:1

U Mwene apaliwanje. Mumupalizyanje u Mwene pakuti mwiza, ulughano lwache ulwa bwila na bwila.

Masalimo 106:8

Loli akabapoka pachifukwa icha itabwa lyache, ukuti amaka ghache amakulu nkani ghamanyikwe.

Masalimo 107:1

Mumupalaye u Mwene pakuti mwiza, ulughano lwache lwa bwila na bwila.

Masalimo 111:4

U Mwene atakulonda ukuti tuluvyanje imbombo zyache izyakuswighisya. U Mwene wachisa sona wachililizi.

Masalimo 118:1

Mumupalizyanje u Mwene, pakuti mwiza, ulughano lwache lwa bwila na bwila.

Masalimo 119:60

Ne mwengo nkani, sona intakuzyela pakughakonka amalamulo ghako.

Masalimo 136:1

Mumupalizyanje u Mwene, pakuti mwiza. Ulughano lwache lwa bwila na bwila.

Masalimo 32:10

Intamyo inkulu nkani zikubawilagha abantu ababibi, loli ulughano ulwa Mwene lulo lutakupotwangapo nalumolumo lukumusungilila akiza umuntu yuyo asubiye mumwache.

Masalimo 33:18

Loli amaso agha Mwene ghali pabantu babo bakumuchindika, kokuti abantu babo bamusubiye, pachifukwa icha lughano lwache, lulo lutakupotwangapo nalumolumo.

Masalimo 33:19

Akubabombela vinivi ukuti abapokaye kubufwe sona nukuti babanje nubumi pakabalilo aka zala.

Masalimo 34:12

Nkimba ukulonda pakwilagha ubumi, sona ukulonda pakuba nubumi ubutali nu buhobosu?

Masalimo 86:15

Loli awe wee Mwene we wachililizi nu wachisa, yuyo atakukalala lubilolubilo nu walughano nkani, sona nu musubiliwa.

Masalimo 86:5

Wee Mwene we mwiza sona we wakuhobokela, we musubiliwa nkani ku bantu bosi babo bakukwiputa.

Ukufuma 34:6

Po u Mwene akadumusannya kuntazi kwa Mozesi nukunena nizyu ilyapamwanya ukuti, “Mwene, Mwene u Chala uwachisa nu wachililizi, yuyo atakukalala lubilolubilo, walughano lulo lutakumala nu busubiliwa bwache.

Ukufuma 34:7

Nkubalanjizya ulughano lwane abantu amasabuzani pakubahobokela imbibi zyabo nukunanga kwabo. Loli ntakwiza pakubaleka bulo abana na bizukulu babo mupaka ninkulilo iyabutatu ni yafolo pachifukwa icha mbibi izya bapapi babo.”

Yesaya 63:9

Mumayimba ghabo ghosi wepe bulo akayimba, po uwantumi yuyo akaba palapala akabapoka, akabapoka mulughano lwache na muchisa chache. Akabanyamula nukubasenda mumasiku aghakale.

Nkuto 3:22

U Mwene atughanite nkani, cho chifukwa aswe tutakunanganika, sona ichisa chache chitakumalaghapo nalumo.

Ukubelengiwa 14:18

‘U Mwene atakukalala lubilolubilo, walughano lulo lutakumala, sona akubahobokela abantu abambibi na bakusambuka. Loli atakubaleka bulo, akubafunda abana pachifukwa icha mbibi izya bapapi babo mupaka ninkulilo iyabutatu ni yafolo.’

Luka 18:13

Loli umusonkezya sonko akimilila pabutalipo, sona atakalonda ukwennya na kumwanya. Loli akikoma pachifuba nukuti, ‘Wee Chala, umpelele ichisa, ane ne wambibi.’ ”

Yohani 6:44

Ataliko nayumo umuntu yuyo angiza kukwane nanti Utata yuyo akantuma, atakumuwesela kukwane. Po nane nkwiza pakumuzyusya pisiku ilyabumalilo.

Aba Loma 9:18

Polelo u Chala ali ni chisa pa muntu wesi yuyo akumulonda, sona u Chala akughupela umoyo uwa muntu wesi pakuba mukafu ukuyana namumo u Chala umwenecho akulondela.

2 Aba Kolinti 1:3

U Chala apaliwanje, uwise uwa Mwene witu u Yesu Kilisitu, yuyo we Tata uwa chisa, sona u Chala, umwenecho uwa busangalusu bosi!

Ukukumbusya Amalamulo 4:31

Pakuti u Mwene u Chala winyu we Chala uwachisa, atakwiza pakubaleka mwebene pamo ukubanangannya pamo ukuluvya ulufingo lulo akafingana na banyenya binyu pakulapa ichilapo.

Ukukumbusya Amalamulo 5:15

Mukumbukaye ukuti namwe bulo mukaba mwe bazya mu Ijiputi. Mukumbukaye sona ukuti Ane ne Mwene u Chala winyu nkabefyamo mu Ijiputi na maka ghane amakulu, sona ni nyobe ingolosu. Ichi cho chifukwa u Mwene akabalamula ukuti mulikumbukaye Isiku Ilyakutuzya.

Ukukumbusya Amalamulo 6:21

Po mubamulaye ukuti, “Aswe tukaba twe bazya aba Falabo mu Ijiputi, loli u Mwene akatwefyamo na maka ghache amakulu.

Ukukumbusya Amalamulo 7:8

Loli chikaba chifukwa ichakuti u Mwene akabaghana, sona nukuti akalondagha ukuti ilayizyo lilyo akabalayizya abanyenya binyu ilyakuti akwiza pakubapoka amwe kubuzya na maka ghache amakulu nkani munyobe izya Falabo uwaku Ijiputi.

Titi 3:5

akatupoka aswe. Zitakaba mbombo ingolosu zizyo aswe tukabombagha, awe, loli chifukwa icha chisa chache. Akatupoka aswe pakutozya nukutupapizya sona ukwendela mwa Muzimu Umuzelu, nukutupa ubumi ubupya.

Yoshwa 6:22

U Yoshwa akababuzya abatendezi babili bala akati, “Bukagha kunyumba iya malaya yula. Mwize nawe kuno poka na bosi abamunyumba yache ukuyana namumo mukamulayizizya.”

2 Pitala 2:7

Loli akamupoka u Loti, umugholosu yuyo akatamiwa nkani ubwamalaya ubwa bantu babo batakamunyilagha u Chala.

2 Pitala 2:9

Po u Mwene amenye namumo akubapokela munjelo abantu babo bakumunyila nukubafunda abantu babo batakumunyila mupaka pisiku lilyo u Chala akwiza pakubalonga abantu.