Ubwandilo 18:9 - IBAYIBOLO 2024

⁹ Po bakamulalusya u Abulahamu bakati, “Nkimba umuchi wako u Sala ali ko kwiyi?” U Abulahamu akabamula akati, “Ali muchisakasa.”

Ubwandilo 18:9 Iomraidhean Croise

Ubwandilo 18:10

U Mwene akati, “Nkwiza sona mumwaka uwa indabi pakabalilo kanaka, umuchi wako u Sala akwiza pakuba nu mwana umulumendo.” U Sala akimilila kwisinda kwa Abulahamu nukuteghelezya.

Ubwandilo 18:8

Po akasenda ulukama ulutone nu lupyu, sona ni nyama iya ngwata yiyo akabaghoghela nukubapa. Bo bali pakulya, u Abulahamu akimilila papipi nabo mukazundila mwikwi lila.

Ubwandilo 24:67

Po u Yisaki akamwinjizya u Labeka muchisakasa mumo unyina akikalaghamo kale pakuba muchi wache. U Yisaki akamughana nkani u Labeka, umwakuti akabuluvyako nu bufwe ubwa nyina.

Ubwandilo 3:9

Loli u Mwene u Chala akamwitizya u Adamu akati, “Nkimba uli ko kwiyi?”

Ubwandilo 31:33

Po u Labani akinjila pakulondelezya muchisakasa icha Yakobo, nicha Leya, nivya bambombo abakolo babili, loli atakatwaghamo utwachala twache. Pisinda pache akinjila muchisakasa icha Lakelo.

Ubwandilo 4:9

U Mwene akamulalusya u Kayini akati, “Nkimba umuzuna wako u Abeli ali ko kwiyi?” U Kayini akamula akati, “Ntamenyeko kuko ali. Fwandi yo mbombo yane iyakumusungilila umuzuna wane?”

Titi 2:5

Ubamanyisyanje ukuti babanje bantu abakwilema, na bazelu, sona nukuba bakolo abakusungilila akiza inyumba zyabo, babo bololo, sona bakwivwila abalume, umwakuti nayumo umuntu atakaghasamule amazyu agha Chala.

Aba Hebeli 11:9

Lukaba lwitiko lulo lukamupela ukwikala ngati muyeni muchisu chicho u Chala akamulayizya. Akikalagha muchisakasa. Wepe u Yisaki nu Yakobo bakikalagha muvisakasa ukuyana namumo u Abulahamu akabombelagha, napapo ichilingo chicho u Chala akabalayizya chikaba chabo.