Ubwandilo 18:8 - IBAYIBOLO 2024

⁸ Po akasenda ulukama ulutone nu lupyu, sona ni nyama iya ngwata yiyo akabaghoghela nukubapa. Bo bali pakulya, u Abulahamu akimilila papipi nabo mukazundila mwikwi lila.

Ubwandilo 18:8 Iomraidhean Croise

Ubwandilo 18:7

Wepe u Abulahamu akachimbilila kuchibagha chache, akasenda ingwata inyine, nukumupa uwambombo wache. Uwambombo yula akayighogha nukubayanizizya abayeni bala.

Ubwandilo 18:9

Po bakamulalusya u Abulahamu bakati, “Nkimba umuchi wako u Sala ali ko kwiyi?” U Abulahamu akabamula akati, “Ali muchisakasa.”

Ubwandilo 19:3

Loli u Loti akabapepeka nkani mupaka bakitika nukubuka nawe kunyumba yache. U Loti akabayanizizya ulusekelo ulukulu nkani, poka ni vibama vivyo vite ni chilungo. Po bakalya.

Nehemiya 12:44

Pakabalilo kalakala, abantu bamo bakasaliwa ukuti benelezyanje ivipinda ivyakusungilamo ivintu, vivyo abantu bakasangula ni seke izyakwanda pakutona sona ni chigaba choka pavigaba teni. Abantu bala bakiyipa ivintu vivyo vikalondiwanga nukwiza navyo muvipinda ivyakusungilamo ivintu ukuti vibanje vya baputi naba Levi ukuyana ni Ndaghilo, pakuti abantu aba mu Yuda bakahobokagha nkani na baputi sona naba Levi babo bakabombagha imbombo.

Yesaya 7:15

Akwiza pakung'wela ulukama nukulya ubuchi mupaka amanye pakukana ivibibi nukusala ivyiza.

Yesaya 7:22

Pachifukwa icha lukama ulwinji lulo zikupa, akwiza pakung'welagha ulukama ulutonu. Abantu bosi babo bakalekiwa muchisu bakwiza pakung'welagha ulukama ulutonu sona nukulya ubuchi.

Luka 12:37

Basayiwa abambombo babo u mwene wabo akubagha bali maso bo abwelako! Naloli nkubabuzya ukuti akwiza pakwiyanizizya mwene, akwiza pakubabuzya ukuti bikale pasi nukwanda pakubabombela.

Luka 17:8

Awe, atangabomba bunubu, loli akumubuzya ukuti, ‘Yannya ichakulya chane icha pachamabwila, sona wiyannye pakumbombela, bo indi pakulya nukung'wela. Bo nalya, po nawe ungalya.’

Luka 24:30

Akikala pasi nukulya nabo, sona akasenda ichibama nukupalizya kwa Chala. Po akachimenyannya nukubapa.

Luka 24:43

kako akasenda nukulya pamaso papabo.

Yohani 12:2

Bakamupiyila ichakulya icha pachamabwila, u Malita weyuyo akababombelagha. Wepe u Lazalo akaba weka uwa bantu babo bakalyanga poka nu Yesu.

Imbombo 10:41

Atakababonekela abantu bosi, loli abakaboni bene babo u Chala akabasala kale, kokuti aswe sweswe tukalya nukung'wela poka nawe bo azyuka kubufwe.

Aba Galatiya 5:13

Mwee bakamu bane, mukitiziwa ukuti mubanje bantu babuke. Mutakabubombezyanje ubusatuke bwinyu ukuti mubombaye ivinyonywa ivya mubili winyu, loli mubombelanaye mulughano.

Ukukumbusya Amalamulo 32:14

Akabang'wesya ulukama lwang'ombe nulwa ng'ozi, akabalyesya inyama iya ng'ozi niya mbuzi inyine. Akabalyesya inyama inyiza nkani iya badubi aba ku Bashani, ni ngano inyiza nkani nu vinyo umunoni.

Ubuvumbuli 3:20

Ennya, nimiliye pamulyango nkukong'osya, nanti umuntu ivwa izyu lyane nukwighula umulyango, ane nkwiza pakwinjila nukulya poka nawe, sona wepe akwiza pakulya poka nane.

Abalongi 13:15

U Manowa akamubuzya uwantumi uwa Mwene yula akati, “Wee twalamba, ikala tasi tukughoghele umwana uwa mbuzi.”

Abalongi 5:25

U Sisela akalaba amizi aghakung'wela, loli umukolo yula akamupa ulukama. Akamupa amafuta agha lukama mulubako ulwamuchizi.