Ubwandilo 18:32 - IBAYIBOLO 2024

³² U Abulahamu akati, “Mwene, nalamba utakankalalilaye, loli unyitikizye inene koka sona. Buli nanti abantu mukaya akakulu nkani kala baghiwamo abantu 10 bulo?” U Mwene akati, “Ntangakazimizya akaya akakulu nkani kala nanti nabaghamo bulo abantu 10.”

Ubwandilo 18:32 Iomraidhean Croise

Ubwandilo 18:30

Po u Abulahamu akati, “Mwene, nalamba utakankalalilaye, loli unyitikizye inene. Buli nanti baghiwamo bulo abantu 30?” Po u Mwene akamula akati, “Ntangachibomba nanti nabaghamo bulo abantu abagholosu 30.”

Ubwandilo 18:31

U Abulahamu akati, “Mwene, nalamba unhobokele pakwendelela pakunena mubujivu. Buli nanti mukaya kala baghiwamo bulo abantu 20?” U Mwene akamula akati, “Ntangakazimizya akaya akakulu nkani kala nanti nabaghamo bulo abantu 20.”

Ubwandilo 44:18

Po u Yuda akapalamila kwa Yosefu nukuti, “Mwene wane, ne mwana munandi nkani pamaso papako, nkukulaba ukuti inene nawe izyu lyoka mpela, sona utakankalalile, pakuti uli ngati bulo we mwene u Falabo.

Yobu 33:23

Lumo kungaba uwantumi weka kulubazu lwache uwakumwavwa, weka uwa mubantumi 1,000 aba Chala, pakumubuzya umuntu chicho chiza,

Masalimo 86:5

Wee Mwene we mwiza sona we wakuhobokela, we musubiliwa nkani ku bantu bosi babo bakukwiputa.

Ukufuma 32:14

Po u Mwene akatonta umoyo, sona atakabanangannya abantu bache ukuyana namumo akabatikila.

Ivyili 15:8

U Mwene achibengite ichakwiyipa icha muntu umubibi, loli ulwiputo ulwa muntu umugholosu lukumuhobosyanga.

Yesaya 65:8

Izi zyo zizyo u Mwene akunena akuti, “Ngati mumo u vinyo akwaghiwa, mukankose aka mampesya abantu bakuti, ‘Mutakamunangannye, pakuti muchili muli ubwiza mumo,’ po nkwiza pakubomba mubuzilo ubwa babombi bane, ntakwiza pakughanangannya ghosi.

Yelemiya 5:1

U Mwene akuti, “Chimbilila uku na uku mumisebo iya mu Yelusalemu, mwiyenezye mwebene, mwennye uku na uku pakasi pamunalo. Nanti mungamwaghako yumo u muntu yuyo akubomba ubugholosu nu bwanaloli umwakuti imuhobokele u Yelusalemu.

Mika 7:18

Nkimba we Chala wenu yuyo ayanite nawe, yuyo akuhobokela imbibi sona nukunanga ukwa bantu abakusyalako pakuba mpyana yache? Utakukalala bwila na bwila, loli akuhoboka nkani pakubapelela ichisa.

Matayi 7:7

“Mulabaye, po mukwiza pakupokela. Mulondaye, po mukwiza pakuvyagha, sona mukong'osyanje, po ulwiyi lukwiza pakubighukila.

Aba Efeso 3:20

Ubuchindamu bubanje kwa Chala, yuyo na maka ghache, ghagho ghali pambombo mumwitu angabomba ivintu ivyinji vivyo vitakubelengiwa nukuchila vivyo tungalaba pamo ukuvyinong'ona.

Abalongi 6:39

U Gidiyoni akanena sona kwa Chala akati, “Utakankalalilaye. Leka nkulabe sona ichintu choka bulo. Unyitikizye ukuti injezye ameya koka bulo. Pakabalilo kanaka pameya ghene pabanje ubumizu, loli pachisu pawanje inganda.”