Ubwandilo 18:27 - IBAYIBOLO 2024

²⁷ U Abulahamu akanena sona akati, “Mwene, nalamba unhobokele pakunena nawe mubujivu bunubu, ane ne muntu bulo pamaso papako.

Ubwandilo 18:27 Iomraidhean Croise

Ubwandilo 18:28

Buli nanti wabagha abantu abagholosu 45, mubuzilo ubwa bantu 50. Nkimba pope bulo ungakazimizya akaya kosi akakulu nkani kala pachifukwa ichakuti pakusobelwa abantu fayivi bulo?” U Mwene akamula akati, “Ntangakazimizya akaya kala nanti nabagha abantu abagholosu 45.”

Ubwandilo 2:7

Po u Mwene u Chala akasenda itope nukumata umuntu. Akamufutila umuyi uwakupa ubumi mumpuno zyache, po umuntu yula akaba nubumi.

Ubwandilo 3:19

Ukwiza pakutwinkagha nkani mubumi bwako bosi ukuti uchaghe ichakulya, mupaka unyokele sona kwitope. Pakuti ukafumila kwitope, po ukwiza pakunyokela kwitope.”

Ezila 9:6

Po nkiputa nkati, “Wee Chala wane, indi ni soni ni chitima nkani, umwakuti intanginusizya icheni chane kukwako, pachifukwa imbibi zyitu zichilite pamitu yitu sona ukunanga kwitu kufikite kumwanya.

Yobu 30:19

Akansumbila mumatope, po naba ngati lufumbi ni toyi.

Yobu 4:19

po zingaba bulibuli na bantu babo bakwikala munyumba izya kumata, zizyo ulwalo lwache lufumbi, sona zizyo zikumongoka lubilolubilo ngati lumpezu.

Masalimo 144:3

Wee Mwene, nkimba umuntu wewenu ukuti umusungililaye? Nkimba umwana uwa muntu wewenu, ukuti umupasikizyanje?

Masalimo 8:4

Nkimba umuntu wewenu ukuti umukumbukaye? Umwana uwa muntu wewenu ukuti umusungaye akiza?

Ukufuma 32:11

Loli u Mozesi akamulambilizya u Mwene u Chala wache akati, “Wee Mwene, nkimba choni chicho ukubakalalila abantu bako, babo ukabefyamo mu Ijiputi na maka ghako amakulu nkani sona nu bulaghili bwako ubukulu?

Umulumbilili 12:7

Bo ulufumbi lukunyokela kwitope, sona umuzimu ghukunyokela kwa Chala yuyo akapela.

Yesaya 6:5

Po nkati, “Chighune kukwane! Nkufwa pachifukwa ane ne muntu uwa milomo iminyazu, sona nkwikala pakasi pabantu babo imilomo yabo minyazyu. Po namaso aghane na ghane na mwennya u Mwene, u Mwene Uwamaka Ghosi.”

Yesaya 64:8

Wee Mwene naloli we Tata witu. Twe litope, awe we mumati, twebosi twe mbombo izya nyobe yako.

Luka 18:1

Po u Yesu akababuzya abamanyili bache ichili pakubamanyisya ukuti biputaye akabalilo kosi nukusita ukulita.

Luka 5:8

Bo u Simoni Pitala ennya vivyo vikabombiwa, akafughama pamaso pa Yesu nukuti, “Wee Mwene, epako kukwane! Ane ne muntu wambibi!”