Ubwandilo 18:25 - IBAYIBOLO 2024

²⁵ Naloli momumo utangabaghogha abantu abagholosu poka na bantu abambibi. Awe, ichi chitangabombiwa! Utangachibomba! Nanti ungachibomba, kokuti abantu abagholosu bangafundiwa poka na bantu abambibi. Umulongi uwa chisu chosi ichapasi abombaye ubwanaloli.”

Ubwandilo 18:25 Iomraidhean Croise

Ubwandilo 18:24

Buli nanti mukaya akakulu nkani mulamula muli abantu abagholosu 50, nkimba pope bulo ungakazimizya akaya kosi? Utangakaleka, umwakuti ubapoke abantu abagholosu 50 bala?

1 Imbili 16:33

Po amakwi agha mumusitu ghakwiza pakwimba. Ghakwiza pakwimba pamaso pa Mwene pachifukwa ichakuhoboka, bo akwiza pakuchilonga ichisu ichapasi.

2 Imbili 19:7

Polelo mumunyilaye u Mwene. Muchebaye nkani bo mukulonga inongwa, pakuti u Mwene u Chala witu atakunyongannya ubwanaloli pamo ukulonga umwakwennya icheni pamo ukupokela amabeko, awe.”

Nehemiya 9:33

Awe wame we mugholosu bulo, napapo ivintu vyosi ivibibi vinivi vyatuwilagha. Awe wame we musubiliwa, loli aswe tukananga.

Yobu 34:10

Po ivwa kuno mwe bantu abakwivwisya ivintu. Naloli u Chala atangabomba ichintu ichibibi, sona Uwamaka Ghosi atangananga napo panandi.

Yobu 34:12

Naloli u Chala atangabomba ichintu ichibibi, sona Uwamaka Ghosi atangabunyongannya ubwanaloli.

Yobu 8:20

“Naloli u Chala atakumukana umuntu umusita akalema, loli abantu ababibi atakubavwa nalumo.”

Yobu 8:3

Nkimba u Chala abunyonganizyepo lumo ubwanaloli? Nkimba Uwamaka Ghosi apotizwepo lumo pakubomba ubwanaloli?

Masalimo 50:6

Kumwanya kukulumbilila ubugholosu bwache, pakuti u Chala umwenecho we mulongi.

Masalimo 58:11

Po abantu bakwiza pakunena ukuti, “Naloli abagholosu bakupokela umuvwalo wabo. Naloliloli u Chala aliko yuyo akuchilonga ichisu ichapasi.”

Masalimo 7:12

Nanti umuntu atakuzileka imbibi zyache, u Chala akwiza pakupyasya upanga wache, nukuwesa ubwele bwache.

Masalimo 75:3

Bo ichisu ichapasi chikuyingana, sona bo abantu bakutetema, nene nkuchilema nukuzikazya impanda zyache.

Masalimo 94:2

Wee Chala we mulongi uwa bantu bosi, vundumuka bapanje abantu abakwituvya vivyo vibabaghiye.

Masalimo 98:9

Vileke vyimbaye pamaso pa Mwene, pakuti akwiza pakuchilonga ichisu. Akwiza pakuchilonga ichisu mubugholosu, sona akwiza pakuzilonga inko zyosi umwakuyana bulo.

Umulumbilili 3:17

Po nkinong'ona ukuti, “U Chala akwiza pakumulonga umuntu wesi umugholosu nu mubibi, pakuti ali na kabalilo akakubombela imbombo yosi sona ni mbombo izyakulekanalekana.”

Umulumbilili 7:15

Mubumi bwane ubu bubo bute ni mbombo nayimoyimo navyennya ivintu vibili ivi: Umuntu umugholosu akuzimila pachifukwa icha bugholosu bwache, sona umuntu umubibi akwikala nubumi ubutali nkani mumbibi zyache.

Yelemiya 11:20

Loli wee Mwene Uwamaka Ghosi, wewe ukulongela mubugholosu uzimenye izya mumoyo na munyinong'ono, leka nennye ukutanizya kwako pabantu aba, pakuti nayibika inongwa yane kukwako.

Yelemiya 12:1

Wee Mwene umugholosu, nalondagha pakususannya nawe. Nkimba choni chicho ababibi bakwendelelagha pakuba bakabi? Nkimba choni chicho ivintu vikubendelagha akiza abazimbuli?

Ezekiyeli 18:25

“ ‘Loli amwe mukuti, “Izila iya Mwene te yabwanaloli.” Mwee ba Izilayeli ivwa kuno: Nkimba izila yane yite yabwanaloli? Nkimba zite zila zyinyu zizyo zite zya bwanaloli?

Malaki 3:18

Mukwiza pakwennya sona ukulekana pakasi pabagholosu na babibi, na pakasi pababo bakumubombela u Chala na babo batakumbombela.”

Ukubelengiwa 16:22

Loli u Mozesi nu Aloni bakafughama nukukolomoka ukuti, “Wee Chala, sona we mbwibwi iya bumi ubwa bantu bosi, nkimba uchikalaliye ichilundilo chosi pachifukwa icha mbibi izya muntu weka?”

2 Aba Kolinti 5:10

Pakuti twebosi tubaghiye twime pamaso pa Mulongi u Kilisitu. Umuntu wesi akwiza pakupokela chicho chimubaghiye, ichiza pamo ichibibi, ukuyana namumo akabombezyanga umubili wache pachisu ichapasi pano.

Ukukumbusya Amalamulo 1:16

Pakabalilo kalakala nkabalamula abalongi binyu ukuti, “Mulongaye mubwanaloli inongwa akabalilo kosi manyi nongwa iya mwenekaya manyi nongwa iya muyeni, yuyo akwikala namwe.

Ukukumbusya Amalamulo 1:17

Mutakalongaye inongwa pakwennya icheni icha muntu. Mubalongaye abantu bosi umwakuyana bulo manyi muntu wapamwanya manyi muntu bulo. Mutakamunyilaye umuntu nayumoyumo, pakuti ubudumulilo bosi buli munyobe izya Chala. Inongwa zyosi impalapala zyo mwizaye nazyo kukwane, po nkwiza pakudumula.”

Ukukumbusya Amalamulo 32:4

U Mwene we Lyalabwe, sona imbombo zyache zyakufikapo, izila zyache zyosi ngolosu. U Chala we musubiliwa, yuyo atakubombapo nayimoyimo imbibi, sona we Chala umugholosu nu wanaloli.

Aba Hebeli 12:23

Mwiza kulusekelo lulo abana abakatote aba Chala, bakukomana, babo amatabwa ghagho ghasimbiwe kumwanya. Mwiza kwa Chala yuyo mulongi uwa bantu bosi, sona mwiza ku mizimu iya bantu abagholosu, yiyo u Chala akayipela pakuba yakufikapo.

Abalongi 11:27

Ane intabanangiyepo nalumolumo, loli amwe mukunangila pakulwa nane ubwite. U Mwene yuyo we Mulongi ilelo alongaye inongwa yiniyi pakasi paba Izilayeli naba Amoni.”