Ubwandilo 18:14 - IBAYIBOLO 2024

¹⁴ Nkimba chilipo chimo chicho chingamupota u Mwene? Ukuyana namumo u Mwene anenela, mumwaka uwa indabi, pakabalilo kanaka, u Sala akwiza pakuba nu mwana umulumendo.”

Ubwandilo 18:14 Iomraidhean Croise

Ubwandilo 17:16

Nkwiza pakumusaya, sona akwiza pakukupapila umwana umulumendo. Nkwiza pakumusaya umwakuti akwiza pakuba we mayi uwa baluko abinji. Pakasi pa baluko lwache bakwiza pakufumamo abamwene.”

Ubwandilo 17:21

Loli nkwiza pakusunga ulufingo lwane lulo nkafinga nu mwana wako u Yisaki, yuyo u Sala akwiza pakukupapila mumwaka uwa ndabi pakabalilo ngati kanaka.”

Ubwandilo 18:10

U Mwene akati, “Nkwiza sona mumwaka uwa indabi pakabalilo kanaka, umuchi wako u Sala akwiza pakuba nu mwana umulumendo.” U Sala akimilila kwisinda kwa Abulahamu nukuteghelezya.

Ubwandilo 18:13

U Mwene akamulalusya u Abulahamu akati, “Nkimba choni chicho u Sala akasekagha ukuti, ‘Nkimba naloli ningapapa umwana, bo naghosipa nkani?’

Ubwandilo 18:15

Pachifukwa icha ubogha, u Sala akakana akati, “Awe, intasekitepo.” Loli akamula akati, “Eee, wasekite.”

Ubwandilo 21:1

U Mwene akamukumbuka u Sala nukumubombela vivyo akamulayizizya.

Ubwandilo 21:2

U Sala akamela ulwanda, po akamupapila u Abulahamu umwana umulumendo mubughosi bwache. Umwana yula akapapiwa pakabalilo kako u Chala akamulayizya.

2 Abamwene 4:16

U Elisha akamubuzya akati, “Pakabalilo ngati kanaka umwaka uwa indabi ukwiza pakupakata umwana umulumendo.” Umukolo yula akakana akati, “Awe, mwene wane, utakanzimbulaye. Awe we muntu uwa Chala.”

Yobu 36:5

U Chala wa maka, loli atakumusamula umuntu nayumoyumo; wamaka, sona avimenye vyosi.

Yobu 42:2

Inzimenye pakuti ungabomba ivintu vyosi; sona atalipo nayumo yuyo angasusannya ninyinong'ono zyako.

Masalimo 90:13

Wee Mwene, isya ubukali bwako, nkimba ukwiza pakutukalalila mupaka liyi? Ubanje ni chililizi na babombi bako.

Masalimo 93:1

U Mwene we mwene. Avwalite ubuchindamu na maka. Ukuchikazya ichisu chosi mubuzilo bwache chitakwiza pakuyingana.

Masalimo 95:3

Pakuti u Mwene we Chala umukulu, we Mwene umukulu nkani ukubachila abachala bosi.

Yesaya 50:2

Nkimba choni chicho bo niza, patakabapo umuntu nayumoyumo? Nkimba choni chicho bo nitizya, patakaba nayumo umuntu uwa kwamula? Nkimba inyobe yane yikaba mpimpa pakubapoka? Nkimba inte na maka aghakubapokela? Ennya, nanti nayichemela inyanja yikukamuka, nkuzyandula isoko pakuba nkolongo, iswi zyabo zikubola, pachifukwa ichakuti zitakuba na mizi, po zikufwa ni nyota.

Yelemiya 32:17

“Wee Mwene Uwamaka Ghosi, umupeli uwakumwanya ni chisu ichapasi na maka ghako amakulu sona ninyobe yako iyamaka. Chitalipo nachimo ichipalapala ku kwako.

Yelemiya 32:27

“Ane ne Mwene u Chala uwa bantu bosi. Nkimba chilipo chimo chicho chipalapala kukwane?

Daniyeli 6:20

Bo apalamila kuchiliba chila, akamwitizya u Daniyeli nubogha nkani akati, “Wee Daniyeli, we mubombi uwa Chala umumi, yuyo ukumubombelagha akabalilo kosi, nkimba akakupoka ku nkalamu?”

Mika 7:18

Nkimba we Chala wenu yuyo ayanite nawe, yuyo akuhobokela imbibi sona nukunanga ukwa bantu abakusyalako pakuba mpyana yache? Utakukalala bwila na bwila, loli akuhoboka nkani pakubapelela ichisa.

Zekaliya 8:6

U Mwene Uwamaka Ghosi akuti, “Napapo chingaboneka ngati chakuhobosya mumaso agha abakusyalako pakabalilo kalakala, po nkimba chingaba chakunhobosya nkani nane bulo?”

Ukubelengiwa 11:23

U Mwene akamwamula u Mozesi akati, “Nkimba amaka ghane ghali ni mpaka? Losi ulu ukwiza pakwennya nanti amazyu ghane ghakwiza pakukwanilisiwa pamo awe.”

Matayi 14:31

Umwalubilolubilo u Yesu akagholosya inyobe yache nukumulema nukuti, “Awe we walwitiko ulunandi! Nkimba choni chicho ukilamwa?”

Matayi 19:26

U Yesu akabenelezya nukubamula ukuti, “Zinizi zitangabombiwa nu muntu, loli nu Chala. Pakuti nu Chala ichintu chosi chipepe bulo.”

Matayi 3:9

Mutakinong'onaye ukuti, ‘U Abulahamu we munyenya witu.’ Nkubabuzya ukuti u Chala angaghapela amabwe agha pakuba baluko aba Abulahamu.

Maliko 10:27

U Yesu akabenelezya nukubamula ukuti, “Zinizi zitangabombiwa nu muntu, loli nu Chala. Pakuti nu Chala ichintu chosi chipepe bulo.”

Luka 1:13

Loli uwantumi yula akamubuzya akati, “Zekaliya, utakanyilaye! U Chala ivwa ulwiputo lwako. Umuchi wako u Elizabeti akwiza pakupapa umwana umulumendo, po ukwiza pakumwita ukuti we Yohani.

Luka 1:18

U Zekaliya akamulalusya uwantumi yula akati, “Nkwiza pakumanya bulibuli ukuti vili bunubu? Ane ne muntu umughosi nu muchi wane bulo wepe mughosi.”

Luka 1:37

Pakuti chitalipo nachimochimo chicho chingamupota u Chala.”

Luka 8:50

Loli u Yesu akivwa zinizi nukunena kwa Yayili ukuti, “Utakanyilaye, subila bulo, po akwiza pakupola.”

Aba Loma 4:21

Naloliloli akasubila ukuti u Chala akwiza pakubomba zizyo akalayizya.

Aba Efeso 3:20

Ubuchindamu bubanje kwa Chala, yuyo na maka ghache, ghagho ghali pambombo mumwitu angabomba ivintu ivyinji vivyo vitakubelengiwa nukuchila vivyo tungalaba pamo ukuvyinong'ona.

Ukukumbusya Amalamulo 30:3

u Mwene u Chala winyu akwiza pakubanyosya nukubapepela ichisa. Akwiza pakubabungannya mwebosi muvyisu vyosi vivyo akabanyampanikizizyako.

Ukukumbusya Amalamulo 7:21

Mutakabanyilaye abantu banaba, pakuti u Mwene u Chala winyu ali namwe. U Chala mukulu, sona weyuyo mumunyilaye.

Aba Filipi 3:21

Umwene akwiza pakwandula amabili ghitu ghagho ghakufwa nukughapela ukuti ghabanje ngati gho mubili wache uwabuchindamu ukwendela mumaka ghache aghakupotela nagho ivintu vyosi.

Aba Filipi 4:13

Ningabomba ichintu chosi ukwendela mumwache yuyo akumpa amaka.

Aba Hebeli 11:19

U Abulahamu akamusubila u Chala ukuti nanti u Yisaki afwa, akwiza pakumuzyusya sona kubufwe. Po tunganena ukuti chikaba ngati po u Abulahamu amupokela sona u Yisaki kubufwe.

Abalongi 13:3

Uwantumi uwa Mwene akamwizila umukolo yula nukumubuzya ukuti, “Wee mukolo, awe we mughumba, loli ukwiza pakumela ulwanda nukupapa umwana umulumendo.

1 Samuweli 14:6

U Yonatani akamubuzya umulumendo yula akati, “Twende tulobokele kwisila kuko kuli ivisakasa ivya bantu babo batasilimuliwe. Lumo u Mwene akwiza pakutulwila ubwite, pakuti chitalipo nachimochimo chicho chingamukanizya ukuti atupoke manyi twe binji pamo twe banandi.”