Ubwandilo 18:10 - IBAYIBOLO 2024

¹⁰ U Mwene akati, “Nkwiza sona mumwaka uwa indabi pakabalilo kanaka, umuchi wako u Sala akwiza pakuba nu mwana umulumendo.” U Sala akimilila kwisinda kwa Abulahamu nukuteghelezya.

Ubwandilo 18:10 Iomraidhean Croise

Ubwandilo 16:10

Nkwiza pakukupa abaluko abinji nkani abasita ukubelengiwa.”

Ubwandilo 17:16

Nkwiza pakumusaya, sona akwiza pakukupapila umwana umulumendo. Nkwiza pakumusaya umwakuti akwiza pakuba we mayi uwa baluko abinji. Pakasi pa baluko lwache bakwiza pakufumamo abamwene.”

Ubwandilo 17:19

Loli u Chala akamwamula akati, “Awe, umuchi wako u Sala weyuyo akwiza pakukupapila umwana umulumendo, po ukwiza pakumwita ukuti we Yisaki. Nkwiza pakusunga ulufingo lwane nawe, sona na baluko lwache. Ulufingo lunulu ulwa bwila na bwila.

Ubwandilo 17:21

Loli nkwiza pakusunga ulufingo lwane lulo nkafinga nu mwana wako u Yisaki, yuyo u Sala akwiza pakukupapila mumwaka uwa ndabi pakabalilo ngati kanaka.”

Ubwandilo 18:9

Po bakamulalusya u Abulahamu bakati, “Nkimba umuchi wako u Sala ali ko kwiyi?” U Abulahamu akabamula akati, “Ali muchisakasa.”

Ubwandilo 21:1

U Mwene akamukumbuka u Sala nukumubombela vivyo akamulayizizya.

Ubwandilo 21:2

U Sala akamela ulwanda, po akamupapila u Abulahamu umwana umulumendo mubughosi bwache. Umwana yula akapapiwa pakabalilo kako u Chala akamulayizya.

Luka 1:13

Loli uwantumi yula akamubuzya akati, “Zekaliya, utakanyilaye! U Chala ivwa ulwiputo lwako. Umuchi wako u Elizabeti akwiza pakupapa umwana umulumendo, po ukwiza pakumwita ukuti we Yohani.

Aba Galatiya 4:23

Umwana wache yuyo unyina akaba muzya yula, akapapiwa ukuyana namumo abana bosi bakupapiliwa. Loli umwana uyunji yula, yuyo unyina akaba musatuke, akapapiwa ukwendela mwilayizyo ilya Chala.

Aba Galatiya 4:28

Ilelo bakamu bane, mwe bana bilayizyo ilya Chala ukuyana namumo u Yisaki akabela.