Ubwandilo 18:1 - IBAYIBOLO 2024

¹ U Mwene akamubonekela u Abulahamu mumakwi agha mupandapanda agha Mamule, bo u Abulahamu ikaye pamulyango uwa chisakasa chache pamusanya bo kupiye nkani.

Ubwandilo 18:1 Iomraidhean Croise

Ubwandilo 12:7

U Mwene akamubonekela u Abulamu nukumubuzya ukuti, “Ichi cho chisu chicho nkwiza pakubapa abaluko lwako.” Palapala u Abulamu akamuzengela ichighemo u Mwene yuyo akamubonekela.

Ubwandilo 13:18

Po u Abulamu akasamya ivisakasa vyache nukuzenga papipi na makwi agha mupandapanda pabuzilo ubwa Mamule mukaya aka Hebuloni. Kulakula akamuzengela ichighemo u Mwene.

Ubwandilo 14:13

Loli umuntu yumo yuyo akapona, akiza kwa Abulamu umu Hebeli nukumupangila vyosi. U Abulamu, yuyo akikalagha papipi na makwi agha mupandapanda agha Mamule, yuyo akaba wamu Amoli, umukamu uwa Eshikolo nu Aneli. Bosi banaba bakapanga akabukatila koka nu Abulamu.

Ubwandilo 15:1

Pisinda pa zinizi, u Mwene akamubonekela Abulamu muchisetuka. Akamubuzya akati, “Wee Abulamu utakanyilaye, ane ne ngulu yako. Umuvwalo wako ghukwiza pakuba mukulu nkani.”

Ubwandilo 17:22

Bo u Chala amala pakunena nu Abulahamu akabuka nukumuleka palapala.

Ubwandilo 18:22

Po abantu babili bala bakepako nukubuka kukaya aka Sodomu, loli u Mwene akasyalikila nu Abulahamu pala.

Ubwandilo 20:1

U Abulahamu akasamila ku Negebu chicho chikaba chigaba icha kuntende. Akikalagha pakasi pa kaya akakulu nkani aka Kadeshi naka Shuli muchisu icha Gelala.

Ubwandilo 26:2

U Mwene akamubonekela u Yisaki nukumubuzya ukuti, “Utakabukaye ku Ijiputi, loli wikale muchisu chicho nkwiza pakukubuzya ukuti wikalayemo.

Ubwandilo 35:27

U Yakobo akabuka kwa wise u Yisaki ku Mamule, papipi nu Kiliyati Aliba (kokuti Hebuloni), kuko u Abulahamu nu Yisaki bakikalagha kale

Ubwandilo 48:3

U Yakobo akamubuzya u Yosefu akati, “U Chala Uwamaka Ghosi akambonekela pa Luzi muchisu icha Kenani, sona akansaya.

2 Imbili 1:7

Ubusiku bulabula u Chala akamubonekela u Solomoni nukumubuzya ukuti, “Laba ichintu chosi chicho ukulonda ukuti nkupe.”

Ukufuma 4:1

U Mozesi akamwamula u Mwene akati, “Buli nanti aba Izilayeli batakunsubila, pamo ukunteghelezya. Nkimba imbombe ichoni nanti bakuti, ‘U Mwene atakakubonekela’?”

Imbombo 7:2

U Sitefani akamula akati, “Mwee bakamu bane na batata, munteghelezye! Bo umunyenya witu u Abulahamu achili atabukite pakwikala mu Halani, u Chala uwa buchindamu akamubonekela muchisu icha Mesopotamiya

Aba Hebeli 11:9

Lukaba lwitiko lulo lukamupela ukwikala ngati muyeni muchisu chicho u Chala akamulayizya. Akikalagha muchisakasa. Wepe u Yisaki nu Yakobo bakikalagha muvisakasa ukuyana namumo u Abulahamu akabombelagha, napapo ichilingo chicho u Chala akabalayizya chikaba chabo.

Aba Hebeli 13:2

Mupokelaye akiza abayeni munyumba zyinyu. Pakuti pakubomba bunubu abantu bamo bakapokela abantumi aba Chala umwakusita ukuzimanya.

Yoshwa 5:13

Bo u Yoshwa apalamila ku Yeliko, akinusya icheni chache nukumwennya umuntu yumo imite kuntazi kukwache, bo alemite upanga munyobe yache. Po u Yoshwa akabuka pakumulalusya ukuti, “Nkimba we mumanyani, pamo we mulwani?”