Ubwandilo 17:8 - IBAYIBOLO 2024

⁸ Nkwiza pakukupa awe poka na baluko lwako ichisu ichi awe we muyeni. Ichisu chosi icha Kenani chikwiza pakuba cha baluko lwako bwila na bwila, sona nkwiza pakuba ne Chala wabo.”

Ubwandilo 17:8 Iomraidhean Croise

Ubwandilo 12:7

U Mwene akamubonekela u Abulamu nukumubuzya ukuti, “Ichi cho chisu chicho nkwiza pakubapa abaluko lwako.” Palapala u Abulamu akamuzengela ichighemo u Mwene yuyo akamubonekela.

Ubwandilo 13:15

Nkwiza pakukupa awe na baluko lwako ichisu chosi chicho ukuchennya, po chikwiza pakuba chako ni chako bwila na bwila.

Ubwandilo 13:17

Nyamuka endela ichisu chosi chinichi pakuti nakupacho.”

Ubwandilo 23:4

“Mwebaya mwee, ane ne muyeni muchisu chinyu ichi. Mungulizikizye ubuzilo ukuti bubanje lipumpa umwakuti insyilepo umuchi wane.”

Ubwandilo 26:24

Ubusiku bulabula u Mwene akamubonekela nukuti, “Ane ne Chala uwa ghuso u Abulahamu. Utakanyilaye pakuti indi nawe. Nkwiza pakukusaya, sona abaluko lwako bakwiza pakuba binji nkani pachifukwa icha layizyo lilyo nkamulayizya uwambombo wane u Abulahamu.”

Ubwandilo 28:4

Akusaye awe poka na baluko lwako ukuyana namumo akamusayila u Abulahamu, umwakuti ufyule ichisu chicho ukwiza pakwikalaghamo pakuba we muyeni, ichisu chicho u Chala akamupa u Abulahamu.”

Ubwandilo 35:27

U Yakobo akabuka kwa wise u Yisaki ku Mamule, papipi nu Kiliyati Aliba (kokuti Hebuloni), kuko u Abulahamu nu Yisaki bakikalagha kale

Ubwandilo 36:7

Akabomba bunubu pachifukwa ichakuti ubuzilo bubo bakikalagha nu Yakobo bukaba bunandi nkani pakuti bosi bakaba ni vitekwa ivyinji nkani. Po batakaba bakuti bangikala poka nu wamwabo yula.

Ubwandilo 37:1

U Yakobo akendelela pakwikala muchisu icha Kenani, chicho uwise akikalaghamo.

Ubwandilo 48:4

Akati, ‘Nkwiza pakukupa abana abinji, umwakuti abaluko lwako bakwiza pakuba bantu aba inko inyinji nkani. Nkwiza pakubapa abaluko lwako ichisu ichi pakuba chabo ni chabo bwila na bwila.’ ”

2 Samuweli 23:5

“U Chala akwiza pakubasaya abaluko lwane, pachifukwa ichakuti afingana nane ulufingo ulwa bwila na bwila, ulufingo lulo lubatikiwe akiza nkani, sona lutakwanduka. Ivi vyo vivyo nkunyonywa vyosi, ukuti vikwiza pakuba bupoti bwane, sona naloliloli u Chala akwiza pakuzibomba.

1 Imbili 16:18

Po akati, “Nkwiza pakukupa ichisu icha Kenani, pakuba mpyana yako.”

Masalimo 103:17

Ukufuma kubwandilo mupaka kubumalilo ulughano ulwa Mwene lwa bwila na bwila ku bantu babo bakumuchindika, ubugholosu bwache ubwa banyenya babo.

Masalimo 105:11

Po akati, “Nkwiza pakukupa ichisu icha Kenani, pakuba mpyana yako.”

Masalimo 105:9

Ulu lukaba lufingo lulo akafingana nu Abulahamu, sona lulo akalapa kwa Yisaki.

Ukufuma 13:11

“Bo u Mwene abinjizya muchisu icha ba Kenani, ichisu chicho akalapa ku banyenya binyu,

Ukufuma 21:6

Po u mwene wache amusendele pantazi pa balongi. Kulakula ize nawe palwiyi pamo mulubazu ulwa mulyango nukumudobola ikutu ni chidobolelo. Po akwiza pakuba muzya wache mubumi bwache bosi.

Ukufuma 29:45

Nkwiza pakwikala pakasi paba Izilayeli, po nkwiza pakuba ne Chala wabo.

Ukufuma 32:13

Kumbuka ukuti ukalapa ku mubombi wako u Abulahamu nu Yisaki nu Izilayeli ukuti, ‘Nkwiza pakubalizya abaluko lwinyu ngati zyo ntondwa, sona nkwiza pakubapa abaluko lwabo ichisu chosi chinichi ukuti chibanje chabo ni chabo bwila na bwila.’ ”

Ukufuma 40:15

Ubapakazye na mafuta ngati mumo ukamupakazizya uwise, ukuti babanje baputi bane. Ukupakazya kunuku kukwiza pakubapela ukuti babanje baputi bane mupaka inkulilo zyosi izya muntazi.”

Ukufuma 6:4

Nkafingana nabo ulufingo nukubalayizya pakubapa ichisu icha Kenani, mumo bakikalagha ngati bayeni.

Ukufuma 6:7

Amwe mukwiza pakuba mwe bantu bane, nane nkwiza pakuba ne Chala winyu. Po mukwiza pakumanya ukuti ane ne Mwene, u Chala winyu, ne nkababula kumbombo inkafu zizyo aba Ijiputi bakabafyenga pakubomba.

Yelemiya 25:5

Abalaghuzi bala bakati, “Umuntu wesi mumwinyu ayileke inkalo yache imbibi sona ni zila zyache imbibi, po mukwiza pakwikala muchisu chicho u Mwene akabapa amwe na banyenya binyu mupaka bwila na bwila.

Yelemiya 31:1

U Mwene akuti, “Amasiku ghakwiza ghagho nkwiza pakuba ne Chala uwa luko losi ulwa Izilayeli, sona bakwiza pakuba bantu bane.”

Ezekiyeli 11:20

Po bakwiza pakusunga indaghilo zyane nukughivwila akiza amalamulo ghane. Bakwiza pakuba bantu bane sona nkwiza pakuba ne Chala wabo.

Ezekiyeli 33:24

“Wee mwana uwa muntu, abantu babo bakwikala muvisami ivya muchisu icha Izilayeli bakuti, ‘U Abulahamu akaba bulo mwene loli pope bulo u Chala akamupa ichisu chosi, aswe twe binji, naloliloli ichisu ichi chipeghiwe pakuba chitu ni chitu.’

Aba Levi 14:34

Bo mwinjila mu Kenani, ichisu chicho nkubapa pakuba chinyu, sona nanti nabawisizya ichuku munyumba zyinyu muchisu chicho mukwikalamo,

Aba Levi 16:34

“Ulu lubanje lulaghilo lwinyu ulwa bwila na bwila ulwakuti mubombaye ulwiho ulwakupepesezya imbibi izya ba Izilayeli lyoka pamwaka.” Po u Mozesi akabomba zizyo u Mwene akamulamula.

Aba Levi 26:12

Nkwiza pakuba pakasi papinyu, nkwiza pakuba ne Chala winyu, sona amwe mukwiza pakuba mwe bantu bane.

Zekaliya 8:8

Nkwiza pakubanyosezya sona ukuti bikalaye mu Yelusalemu. Bakwiza pakuba bantu bane, ane nkwiza pakuba musubiliwa sona mugholosu kukwabo pakuba ne Chala wabo.”

Ukubelengiwa 10:29

U Mozesi akamubuzya u Hobabu umwana uwa Leweli umu Midiyani, yuyo akaba wisevyala uwa Mozesi akati, “Tukubuka kubuzilo bubo u Mwene akati, ‘Nkwiza pakubapabo.’ Twende tubukaye poka, sona tukwiza pakwikala nawe akiza bulo, pakuti u Mwene abalayizya aba Izilayeli ivintu ivyiza.”

Ukubelengiwa 25:13

Nkufinga nawe poka na baluko lwache ulufingo ulwa buputi ubwa bwila na bwila, pakuti akaba nu lweke pakumwiputa u Chala wache, sona nukuti akabika ichakwiyipa ichakupepesezya imbibi izya bantu.”

Ukubelengiwa 27:12

U Mwene akamubuzya u Mozesi akati, “Kwela pighamba ilya Abalimu ukuti uchennye ichisu chicho nabapa aba Izilayeli.

Imbombo 7:5

U Chala atakamupako u Abulahamu na kabuzilo nakamokamo ukuti kabanje kache na kache, napapo imita lyoka, loli u Chala akamulayizya pakumupako ichisu ichi, sona ukuti kabanje kache na kache nuluko lwache. Pakabalilo kako u Chala akamulayizyanga, u Abulahamu atakaba na bana.

Ukukumbusya Amalamulo 14:2

pakuti amwe mwe bantu abazelu aba Mwene u Chala winyu. U Mwene abasalite amwe pakasi pabantu aba inko izinji zyosi izya muchisu ichapasi ukuti mubanje bache na bache.

Ukukumbusya Amalamulo 26:18

Ilelo u Mwene itika ukuti amwe mwe bantu abache na bache, ukuyana namumo akabalayizizya, nanti mukughakonka amalamulo ghache.

Ukukumbusya Amalamulo 29:13

ukusimikizya ukuti ilelo mwaba mwe bantu aba Mwene sona nukuti wepe aba we Chala winyu, ukuyana namumo akalapila kumunyenya winyu, u Abulahamu nu Yisaki sona nu Yakobo.

Ukukumbusya Amalamulo 32:49

“Kwela pamaghamba agha Abalimu muchisu icha Mowabu umwakwenannya nakaya akakulu nkani aka Yeliko. Kwela pighamba ilya Nebo nukuchennya ichisu icha Kenani, chicho nkubapa aba Izilayeli ukuti chibanje mpyana iyabo ni yabo.

Ukukumbusya Amalamulo 32:8

Bo Uwakumwanya Nkani azigabila inko ichisu, bo abagabannya abantu bosi, bo akubalesannya abantu bosi, akabapangila abantu impaka ukuyana nu bwinji ubwa bana aba Izilayeli.

Ukukumbusya Amalamulo 34:4

Po u Mwene akamubuzya u Mozesi akati, “Ichi cho chisu chicho nkamulayizya u Abulahamu nu Yisaki, sona nu Yakobo ukuti nkwiza pakubapa abaluko lwako. Nakwitikizya ukuti uchennye bulo na maso ghako, loli utakwiza pakwinjilamo.”

Ukukumbusya Amalamulo 4:37

Pachifukwa ichakuti akabaghana nkani abanyenya binyu, akabasala amwe, mwe baluko lwabo nukubefyamo mu Ijiputi nu bubapo bwache, sona na maka ghache amakulu nkani.

Ukukumbusya Amalamulo 9:5

U Mwene u Chala winyu abitikizya pakubachimbizyamo nukwikalamo muchisu chabo, te pachifukwa ichakuti mwe bagholosu, pamo mwe biza awe, loli pachifukwa ichakuti abantu balabala babibi nkani, sona pachifukwa ichakuti akulonda pakukwanilisya ilayizyo lilyo akamulayizya umunyenya winyu u Abulahamu nu Yisaki, sona nu Yakobo.

Aba Hebeli 9:15

Pachifukwa ichi u Kilisitu we mufusya uwa lufingo ulupya, umwakuti abantu babo bitiziwe nu Chala bapokele ulusayo ulwa bwila na bwila lulo u Chala akalayizya. Ichi chikabombiwa ukwendela mu bufwe ubwa Kilisitu bubo bukupoka abantu babo bakabomba imbibi, bo bali nu lufingo ulwakwanda lula.

Yoshwa 1:2

“U Mozesi umubombi wane afuye. Losi ulu awe poka naba Izilayeli bosi, mwiyannye ukuti muloboke ulusoko ulwa Yolodani nukwinjila muchisu chicho nkubapa.

Ubuvumbuli 21:7

Abantu bosi babo bapota bakwiza pakupokela ivintu vinivi. Ane nkwiza pakuba ne Chala wabo, bope bakwiza pakuba bana bane.