Ubwandilo 17:7 - IBAYIBOLO 2024

⁷ Ulufingo lwane ulwa bwila na bwila lukwiza pakwikala pakasi papako nane, sona napa baluko lwako ni nkulilo zyosi izya muntazi. Nkwiza pakuba ne Chala wako, sona nu Chala uwa baluko lwako.

Ubwandilo 17:7 Iomraidhean Croise

Ubwandilo 15:18

Pisiku lilalila, u Mwene akafinga ulufingo nu Abulamu akati, “Nkwiza pakubapa abaluko lwako ichisu chinichi, ukwandila ko kumpaka iya chisu icha Ijiputi mupaka kulusoko ulukulu nkani ulwa Yufuleti.

Ubwandilo 17:13

Umwanavuli wesi asilimuliwanje, sona chinichi chikwiza pakuba chimanyilo ichakubombiwa pamabili ghinyu pakulanjizya ukuti ulufingo lulo luli pakasi papane namwe lwa bwila na bwila.

Ubwandilo 17:19

Loli u Chala akamwamula akati, “Awe, umuchi wako u Sala weyuyo akwiza pakukupapila umwana umulumendo, po ukwiza pakumwita ukuti we Yisaki. Nkwiza pakusunga ulufingo lwane nawe, sona na baluko lwache. Ulufingo lunulu ulwa bwila na bwila.

Ubwandilo 26:24

Ubusiku bulabula u Mwene akamubonekela nukuti, “Ane ne Chala uwa ghuso u Abulahamu. Utakanyilaye pakuti indi nawe. Nkwiza pakukusaya, sona abaluko lwako bakwiza pakuba binji nkani pachifukwa icha layizyo lilyo nkamulayizya uwambombo wane u Abulahamu.”

Ubwandilo 28:13

Po u Mwene akimilila mulubazu lwache nukuti, “Ane ne Mwene u Chala uwa Abulahamu, sona nuwa Yisaki. Nkwiza pakukupa awe na baluko bako pachisu chicho ughonitepo.

Ubwandilo 6:18

Loli ane nkwiza pakufinga nawe ulufingo. Injila mubwato nu muchi wako, na bana bako, poka na bachi babo.

Ubwandilo 9:16

Nanti ichipingavula chaboneka mumabingu, nkwiza pakuchennya nukukumbuka ulufingo ulwa bwila na bwila, lulo luli pakasi papane na vyosi ivyabumi pachisu ichapasi.”

2 Samuweli 7:24

Wabikazya abantu bako aba Izilayeli pakuba bako na bako bwila na bwila, po awe we Mwene waba we Chala wabo.

1 Imbili 16:13

Mwee baluko ulwa Izilayeli, umubombi wache, mwee bana aba Yakobo, abasaliwa bache.

1 Imbili 16:14

U Mwene we Chala witu sona akuchilonga ichisu chosi ichapasi.

Masalimo 81:10

Ane ne Mwene u Chala winyu, yuyo akabefya muchisu icha Ijiputi. Asama nkani amalomo ghinyu, Po nkwiza pakubalyesya.

Ukufuma 3:15

U Chala akamubuzya sona u Mozesi akati, “Ubabuzye aba Izilayeli uti, ‘U Mwene, u Chala uwa banyenya binyu nu Chala uwa Abulahamu nu Chala uwa Yisaki sona nu Chala uwa Yakobo antuma pakasi papinyu.’ Ili lyo litabwa lyane bwila na bwila, sona inkulilo zyosi izya muntazi zikwiza pakulikumbukagha.

Ukufuma 3:6

Po akati, “Ane ne Chala uwa banyenya bako, u Chala uwa Abulahamu nu Chala uwa Yisaki sona nu Chala uwa Yakobo.” U Mozesi akavwinka icheni chache, pachifukwa ichakuti akanyilagha pakumwennya u Chala.

Ukufuma 6:4

Nkafingana nabo ulufingo nukubalayizya pakubapa ichisu icha Kenani, mumo bakikalagha ngati bayeni.

Ukufuma 6:7

Amwe mukwiza pakuba mwe bantu bane, nane nkwiza pakuba ne Chala winyu. Po mukwiza pakumanya ukuti ane ne Mwene, u Chala winyu, ne nkababula kumbombo inkafu zizyo aba Ijiputi bakabafyenga pakubomba.

Yesaya 61:8

U Mwene akuti, “Pakuti ane ne Mwene, imbughanite ubwanaloli, imbenganite nubwiba ni mbibi. Mubusubiliwa bwane, nkwiza pakubapa umuvwalo wabo, nukufingana nabo ulufingo ulwa bwila na bwila.

Yelemiya 31:1

U Mwene akuti, “Amasiku ghakwiza ghagho nkwiza pakuba ne Chala uwa luko losi ulwa Izilayeli, sona bakwiza pakuba bantu bane.”

Ezekiyeli 28:26

Bakwiza pakwikala mulamula umwakufwasa nukuzenga inyumba zyabo nukubyala amampesya, bo nkubafunda abapalamani babo, babo bakabayivyanga. Po bakwiza pakumanya ukuti ane ne Mwene u Chala wabo.’ ”

Aba Levi 11:45

Ane ne Mwene, nene nkabefyamo mu Ijiputi, umwakuti imbanje ne Chala winyu. Mubanje mwe bantu bazelu, pakuti ane ne Muzelu.

Aba Levi 25:38

Ane ne Mwene u Chala winyu, nkabefya mu Ijiputi, umwakuti imbape ichisu icha Kenani, sona nukuti imbanje ne Chala winyu.”

Aba Levi 26:12

Nkwiza pakuba pakasi papinyu, nkwiza pakuba ne Chala winyu, sona amwe mukwiza pakuba mwe bantu bane.

Aba Levi 26:44

Loli napapo bali muchisu icha balwani babo, ane ntakwiza pakubakana, pamo pakubaleka umwakuti mbanangannye nukulunangannya ulufingo lwane lulo nkafingana nabo. Ane ne Mwene u Chala wabo.

Aba Levi 26:45

Loli pachifukwa icha chisa, nkwiza pakukumbuka ulufingo lwane lulo nkafingana na banyenya, babo nkabefya mu Ijiputi, bo abantu aba inko injeni bakwennya, umwakuti imbanje ne Chala wabo. Ane ne Mwene.”

Aba Levi 26:9

Nkwiza pakubasaya nukubapa abana abinji, umwakuti munyame. Nkwiza pakukwanilisya ulufingo lwane lulo nkafingana namwe.

Mika 7:20

Ukwiza pakuba musubiliwa kwa Yakobo, nukuba wachisa kwa Abulahamu, ngati mumo ukalapila ichilapo na banyenya bitu mumasiku aghakale.

Matayi 22:32

‘Ane ne Chala uwa Abulahamu nu Chala uwa Yisaki sona nu Chala uwa Yakobo.’ We Chala uwa bantu abumi, ate uwa bantu abafwe.”

Maliko 10:14

Bo u Yesu azyaghannya, akakalala nkani nukubabuzya abamanyili bache ukuti, “Baleke abana bize kukwane, mutakabakanizye pakuti Ubumwene ubwa Chala ubwa bantu babo bali ngati bo aba.

Imbombo 2:39

Pakuti u Chala akabalayizya ichi amwe poka na bana binyu, sona na bantu bosi babo bali kubutali—abantu bosi babo u Mwene u Chala witu akwiza pakubitizizya kukwache.”

Aba Loma 9:4

Abene bo ba Izilayeli babo u Chala akabasala ukuti babanje bana bache nukubavumbulila ubuchindamu bwache. U Chala akafingana nabo nukubapa Indaghilo. Bali ni chiputo ichanaloli, sona bapokela vivyo u Chala akabalayizya.

Aba Efeso 2:2

Pakabalilo kalakala mukikolezannya nivya muchisu ichapasi, sona mukakonkagha usongo uwa bulaghili ubwa mumwanyamwanya. Usongo yunuyu we muzimu umubibi, yuyo akubomba imbombo losi ulu pakasi pabantu babo batakumwivwila u Chala.

Ukukumbusya Amalamulo 29:13

ukusimikizya ukuti ilelo mwaba mwe bantu aba Mwene sona nukuti wepe aba we Chala winyu, ukuyana namumo akalapila kumunyenya winyu, u Abulahamu nu Yisaki sona nu Yakobo.

Aba Hebeli 11:16

Loli bakachisamba ichisu ichiza nkani, chicho chisu icha kumwanya. Polelo u Chala atakukoziwa isoni ukwitiziwa ukuti we Chala wabo, pakuti abayanizizya akaya kabo akakulu nkani.

Aba Hebeli 8:10

U Mwene akati, “Ulu lo lufingo lulo nkwiza pakufingana naba Izilayeli mumasiku ghalaghala. Nkwiza pakubika ululaghilo lwane mukasi mumwabo nukulusimba mumoyo ghabo. Nkwiza pakuba ne Chala wabo, sona abene bakwiza pakuba bantu bane.

Abalongi 2:1

Uwantumi uwa Mwene akafuma ku Giligali nukubuka ku Bokimu pakubabuzya aba Izilayeli ukuti, “Ane ne nkabefyamo mu Ijiputi nukubinjizya muchisu chicho nkabalayizya abanyenya binyu. Nkanena sona nkati, ‘Ntakwiza pakulunangannya nalumo ulufingo lulo nkafingana namwe.