Ubwandilo 17:19 - IBAYIBOLO 2024

¹⁹ Loli u Chala akamwamula akati, “Awe, umuchi wako u Sala weyuyo akwiza pakukupapila umwana umulumendo, po ukwiza pakumwita ukuti we Yisaki. Nkwiza pakusunga ulufingo lwane nawe, sona na baluko lwache. Ulufingo lunulu ulwa bwila na bwila.

Ubwandilo 17:19 Iomraidhean Croise

Ubwandilo 16:11

Uwantumi uwa Mwene akamubuzya sona akati, “Ukwiza pakupapa umwana yuyo ukwiza pakumwita ukuti we Ishimayeli, pachifukwa ichakuti u Mwene ivwa ukulila kwako.

Ubwandilo 17:16

Nkwiza pakumusaya, sona akwiza pakukupapila umwana umulumendo. Nkwiza pakumusaya umwakuti akwiza pakuba we mayi uwa baluko abinji. Pakasi pa baluko lwache bakwiza pakufumamo abamwene.”

Ubwandilo 17:18

U Abulahamu akamulalusya u Chala akati, “Nkimba choni chicho utakumuleka u Ishimayeli pakuba wampyana yane?”

Ubwandilo 17:21

Loli nkwiza pakusunga ulufingo lwane lulo nkafinga nu mwana wako u Yisaki, yuyo u Sala akwiza pakukupapila mumwaka uwa ndabi pakabalilo ngati kanaka.”

Ubwandilo 17:7

Ulufingo lwane ulwa bwila na bwila lukwiza pakwikala pakasi papako nane, sona napa baluko lwako ni nkulilo zyosi izya muntazi. Nkwiza pakuba ne Chala wako, sona nu Chala uwa baluko lwako.

Ubwandilo 21:6

U Sala akati, “U Chala anhobosya nukunsekelesya. Umuntu wesi yuyo akwiza pakwivwa zinizi akwiza pakusekela poka nane.”

Ubwandilo 26:2

U Mwene akamubonekela u Yisaki nukumubuzya ukuti, “Utakabukaye ku Ijiputi, loli wikale muchisu chicho nkwiza pakukubuzya ukuti wikalayemo.

Ubwandilo 26:3

Ikala tasi muchisu chinichi, po nkwiza pakuba nawe sona nkwiza pakukusaya. Pakuti nkwiza pakukupa awe sona na baluko lwako ichisu chosi chinichi. Nkwiza pakusunga ichilapo chicho nkalapa kwa ghuso u Abulahamu.

Ubwandilo 9:16

Nanti ichipingavula chaboneka mumabingu, nkwiza pakuchennya nukukumbuka ulufingo ulwa bwila na bwila, lulo luli pakasi papane na vyosi ivyabumi pachisu ichapasi.”

Luka 1:55

u Abulahamu nuluko lwache losi bwila na bwila.”

Aba Hebeli 11:11

Lukaba lwitiko lulo lukamupela u Abulahamu poka nu Sala pakupapa umwana, napapo amaka ghabo aghakupapila abana ghakaba ghachilite kale, pachifukwa ichakuti u Abulahamu akamusubila u Chala ukuti akwiza pakusungilila ilayizyo lyache.