Ubwandilo 17:18 - IBAYIBOLO 2024

¹⁸ U Abulahamu akamulalusya u Chala akati, “Nkimba choni chicho utakumuleka u Ishimayeli pakuba wampyana yane?”

Ubwandilo 17:18 Iomraidhean Croise

Ubwandilo 17:17

Po u Abulahamu akafughama, akaseka nukuti, “Mwebaya mwee, nkimba chingabombiwa ukuti umwanavuli yuyo ali na maka 100, apape umwana? Nkimba u Sala yuyo ali na maka 90 angapapa umwana?”

Ubwandilo 17:19

Loli u Chala akamwamula akati, “Awe, umuchi wako u Sala weyuyo akwiza pakukupapila umwana umulumendo, po ukwiza pakumwita ukuti we Yisaki. Nkwiza pakusunga ulufingo lwane nawe, sona na baluko lwache. Ulufingo lunulu ulwa bwila na bwila.

Ubwandilo 21:11

Ifundo iyi yikamuvulazya nkani u Abulahamu mumoyo pachifukwa ichakuti wepe nu Ishimayeli akaba mwana wache.

Ubwandilo 4:12

Nanti ukuyezya pakupesa imbeyu, itope litakwiza pakumezya nalumo imbeyu. Ukwiza pakuba muntu uwakwendakwenda bulo, sona nu musita kwikalana pachisu ichapasi.”

Ubwandilo 4:14

Ilelo ukunchimbizyamo muchisu ichi sona ukunyefya pamaso papako. Nkwiza pakuba muntu uwakwendakwenda bulo, sona nu musita kwikalana pachisu ichapasi. Umuntu wesi yuyo akunyagha, akwiza pakungogha.”

Masalimo 4:6

Abinji bakulalusya bakutinji, “Nkimba wewenu yuyo angatubombela ubwiza?” Wee Mwene, icheni chako chitulamilaye.

Masalimo 41:12

Wanvighililagha pachifukwa icha busubiliwa bwane, sona wambikagha pamaso papako bwila na bwila.

Yesaya 59:2

Loli imbibi zyinyu zyo zibapaghuye amwe kwa Chala winyu, imbibi zyinyu zifisite icheni chache kukwinyu, umwakuti atakubivwa.

Yelemiya 32:39

Nkwiza pakubapa u moyo ghoka nizila yoka umwakuti bakwiza pakunyilagha nukunchindika akabalilo kosi pachifukwa ichabwiza bwabo nu bwiza ubwa bana babo sona nababo bakwizila mwisinda mumwabo.

Imbombo 2:39

Pakuti u Chala akabalayizya ichi amwe poka na bana binyu, sona na bantu bosi babo bali kubutali—abantu bosi babo u Mwene u Chala witu akwiza pakubitizizya kukwache.”