Ubwandilo 17:13 - IBAYIBOLO 2024

¹³ Umwanavuli wesi asilimuliwanje, sona chinichi chikwiza pakuba chimanyilo ichakubombiwa pamabili ghinyu pakulanjizya ukuti ulufingo lulo luli pakasi papane namwe lwa bwila na bwila.

Ubwandilo 17:13 Iomraidhean Croise

Ubwandilo 14:14

Bo u Abulamu ivwa ukuti bamulema u Loti, akabitizya abantu bache pakulwa ubwite. Abantu bosi poka bakabapo 318, po bakabachimbizya abamwene folo bala mupaka mukaya aka Dani.

Ubwandilo 15:3

Utampiye nu mwana nayumoyumo, po weka pakasi pa bazya bane weyuyo akwiza pakuba wampyana yane.”

Ubwandilo 17:7

Ulufingo lwane ulwa bwila na bwila lukwiza pakwikala pakasi papako nane, sona napa baluko lwako ni nkulilo zyosi izya muntazi. Nkwiza pakuba ne Chala wako, sona nu Chala uwa baluko lwako.

Ubwandilo 37:27

Aswe zagha tumughulizye ku bantu aba mu Ishimayeli. Nkimba wepe te we wamwitu, umubili ghoka, sona ibanda lyoka?” Abawamwabo bala bakitikizya zinizi.

Ubwandilo 37:36

Pakabalilo kalakala abantu aba mu Midiyani bakamughulizya u Yosefu ku Ijiputi kwa Potifala, ikambala ilya Falabo, usongo uwa balindilili.

Ubwandilo 39:1

Aba Ishimayeli bakamughula u Yosefu nukufika nawe mu Ijiputi nukumughulizya kwa Potifala, weka uwa makambala agha mwene u Falabo yuyo akaba we songo uwa balindilili.

Ubwandilo 9:16

Nanti ichipingavula chaboneka mumabingu, nkwiza pakuchennya nukukumbuka ulufingo ulwa bwila na bwila, lulo luli pakasi papane na vyosi ivyabumi pachisu ichapasi.”

Nehemiya 5:5

Napapo aswe twe banamuntu sona napapo abana bitu bayanite bulo na bana babo, pope bulo tukubafyenga abana bitu abalumendo na balindu pakuba bazya. Abana bitu abalindu abanji balemiwa kale pakuba bazya, aswe tute na maka, pachifukwa ichakuti amaghunda ghitu sona na maghunda agha mampesya ghali munyobe izya bantu abanji.”

Nehemiya 5:8

Nkababuzya nkati, “Aswe twabatabula aba Yuda abawamwitu, babo bakaghuliziwa ku bantu babo te ba Yuda. Polelo mukubafyenga bulo abawamwinyu ukuti bighulizye kukwinyu.” Po abantu bala bakaba bulo myee, pakuti batakaba ni chakunena nachimochimo.

Ukufuma 12:44

Abazya binyu babo mwabaghula bangalya, loli nanti mwabasilimula tasi.

Ukufuma 21:16

“Umuntu wesi yuyo akumwiba umuntu uyunji, manyi akumughulizya, manyi akumusunga bulo ngati muzya, aghoghiwanje.

Ukufuma 21:2

“Nanti wamughula umuzya umu Hebeli, akubombelaye amaka sikisi. Loli umwabule mumwaka uwaseveni, mutakalipilepo nachimochimo ichintu.

Ukufuma 21:4

Nanti u mwene wache akamupa umukolo nukuti akapapa nawe abana abalumendo pamo abalindu, umukolo yula poka na bana bakwiza pakuba bamwene wache, loli umwanavuli akwiza pakubwela mwene.

Aba Levi 22:11

Loli nanti umuputi amughula umuzya ni ndalama, pamo nanti umuzya apapiliwe munyumba yache, umuzya yula angalyako ichakulya icha muputi.”

Matayi 18:25

Pakuti uwambombo yula atakaba nazyo indalama izyakulipa inkongole yila, u mwene akalamula ukuti bamughulizye poka nu muchi wache na bana bache pakuba bazya, sona na vyosi vivyo akaba navyo ukuti alipile inkongole.