Ubwandilo 17:12 - IBAYIBOLO 2024

¹² Umwana wesi umwanavuli asilimuliwanje, bo ghachilapo amasiku eyiti. Umwanavuli wesi munkulilo yinyu, manyi mwana yuyo apapiwa mo munyumba yako, pamo umuzya yuyo aghuliwa pakasi pa bayeni.

Ubwandilo 17:12 Iomraidhean Croise

Ubwandilo 17:23

Pisiku lilalila u Abulahamu akakumbuka zizyo u Chala akamubuzya, po akamusilimula umwana wache u Ishimayeli, poka na banavuli bosi, sona na bazya bosi babo bakapapiliwa munyumba yache, sona na bosi babo bakaghuliwa.

Ubwandilo 21:4

U Abulahamu akamusilimula umwana wache yula, bo ali namasiku eyiti, ukuyana namumo u Chala akamulamulila.

Ukufuma 12:44

Abazya binyu babo mwabaghula bangalya, loli nanti mwabasilimula tasi.

Ukufuma 22:30

Mubombaye bunubu na bana abakwanda pakupapiwa aba ng'ombe ni ng'ozi zyinyu. Umwana umwanavuli uwa ng'ombe pamo uwa ng'ozi uwakwanda pakupapiwa ikale nu nyina amasiku seveni, loli mumpanje pisiku ilya eyiti.

Aba Levi 12:3

Pisiku ilya eyiti, umwana yula asilimuliwanje.

Luka 1:59

Bo umwana amala amasiku eyiti, bakiza nawe ukuti asilimuliwe, sona nukuti bamwite ukuti we Zekaliya, itabwa ilya wise.

Luka 2:21

Bo pachilapo usabata weka, bo akabalilo aka kusilimulila umwana kakwana, bakamwita u Yesu itabwa, lilyo uwantumi uwakumwanya akamupa, bo nu lwanda lutamelite.

Imbombo 7:8

U Chala akafingana nu Abulahamu, po ukusilimula kukaba chimanyilo icha lufingo. U Abulahamu akamusilimula u Yisaki, bo pachilapo u sabata weka ukwandila pisiku lilyo akapapiwa. U Yisaki akamusilimula umwana wache u Yakobo; wepe u Yakobo akabasilimula abana bache 12, abanyenya abamanyikwe abaluko lwitu.

Aba Loma 2:28

Umu Yuda uwanaloli, ate we yula yuyo akuboneka ngati we mu Yuda pamaso pabantu. Sona ukusilimula ukwanaloli, kute ko kuko kukubombiwa pamubili pamaso pabantu.

Aba Filipi 3:5

Pakuti nkasilimuliwa pisiku ilya eyiti. Ane ne mu Izilayeli mukapapiliwe, uwaluko ulwa Benjamini, sona umu Hebeli umwenecho. Pakunena nizya ndaghilo izya Chiyuda, ane nkaba ne wa kabukatila aka ba Falisayi.