Ubwandilo 17:10 - IBAYIBOLO 2024

¹⁰ Awe poka na baluko lwako ulusungaye ulufingo ulu ulwakuti: Umwanavuli wesi pakasi papinyu asilimuliwanje.

Ubwandilo 17:10 Iomraidhean Croise

Ubwandilo 17:11

Ukwanda ilelo umwana wesi umwanavuli asilimuliwanje. Ichi chikwiza pakuba chimanyilo icha lufingo lulo luli pakasi papane namwe.

Ubwandilo 17:23

Pisiku lilalila u Abulahamu akakumbuka zizyo u Chala akamubuzya, po akamusilimula umwana wache u Ishimayeli, poka na banavuli bosi, sona na bazya bosi babo bakapapiliwa munyumba yache, sona na bosi babo bakaghuliwa.

Ubwandilo 17:27

poka na banavuli bosi babo bakapapiliwa munyumba yache, sona na bosi babo akabaghula. Bosi banaba bakasilimuliwa poka nawe.

Ubwandilo 21:4

U Abulahamu akamusilimula umwana wache yula, bo ali namasiku eyiti, ukuyana namumo u Chala akamulamulila.

Ubwandilo 34:15

Tungitika pene papo nanti amwe na bantu abanji mumwinyu basilimuliwa.

Ubwandilo 34:22

Loli abantu aba bakwiza pakwitikizya ukwikala naswe nukwikalana pakasi papitu, nanti abana bitu abalumendo bangasilimuliwa ngati mumo abenecho babeleye.

Ukufuma 12:48

“Nanti abayeni abakwikala pakasi papinyu bakulonda pakusekela Upasa uwa Mwene, babaghiye basilimuliwe tasi, ukwandila abanavuli bosi abamunyumba yila. Po bangasendiwa ngati benekaya, sona bangasekela poka namwe.

Ukufuma 4:25

Po umuchi u Zipola akaseba ibwe lilyo likwete nukumusilimula umwana wache umulumendo nukumupalamasizya inyayo izya Mozesi. U Zipola akati, “Naloli we mulume wane uwa libanda.”

Yelemiya 4:4

Mwisilimule mwebene kwa Mwene sona mughasilimule amoyo ghinyu, mwe bantu aba mu Yuda na mwe bantu aba mu Yelusalemu, nanti mutakubomba bunubu ubukali ubwa Mwene bukwiza pakwaka ngati moto, pachifukwa icha bubibi bwinyu bubo mwabomba, sona atalipo nayumoyumo uwakughuzimya.

Yohani 7:22

U Mozesi akabalamula pakusilimula abana binyu abanavuli, (napapo atakaba we Mozesi yuyo akandizya, loli abanyenya binyu bo babo bakandizya), po amwe mukusilimula abana binyu abanavuli Pisiku Ilyakutuzya.

Imbombo 7:8

U Chala akafingana nu Abulahamu, po ukusilimula kukaba chimanyilo icha lufingo. U Abulahamu akamusilimula u Yisaki, bo pachilapo u sabata weka ukwandila pisiku lilyo akapapiwa. U Yisaki akamusilimula umwana wache u Yakobo; wepe u Yakobo akabasilimula abana bache 12, abanyenya abamanyikwe abaluko lwitu.

Aba Loma 2:28

Umu Yuda uwanaloli, ate we yula yuyo akuboneka ngati we mu Yuda pamaso pabantu. Sona ukusilimula ukwanaloli, kute ko kuko kukubombiwa pamubili pamaso pabantu.

Aba Loma 3:25

U Chala akamubika ukuti chibanje chakwiyipa, ukuti ukwendela mu bufwe bwache imbibi izya bantu zihobokeliwe, abantu babo bakumusubila. U Chala akabomba bunubu ukuti alanjizye ubugholosu bwache, pachifukwa icha bufisalyoyo bwache atakabafundila zila abantu babo bakananga.

Aba Loma 3:28

Pachifukwa ichi tunganena ukuti u Chala akumunena umuntu ukuti ate ninongwa pamaso papache ukwendela mu lwitiko, loli kute pakukonka Indaghilo, awe.

Aba Loma 3:30

U Chala ali weka, akwiza pakubapela aba Yuda pakuba bagholosu pamaso papache ukwendela mu lwitiko lwabo, sona akwiza pakubanena abantu babo bate ba Yuda pakuba bagholosu pamaso papache ukwendela mu lwitiko lwabo.

Aba Galatiya 3:28

Polelo patalipo ukulekana nakumokumo pakasi pa mu Yuda nu muntu yuyo ate mu Yuda, pakasi pa muzya nu muntu umusatuke, pakasi pa mwanavuli nu mukolo, pakuti mwebosi mwe muntu weka pakumamatilana poka nu Kilisitu u Yesu.

Aba Galatiya 6:12

Abantu babo bakwilanjizya ukuti bantu biza, bakuyezya pakubafyenga ukuti musilimuliwe. Bakubomba zinizi ukuti batakavwimiwanje pachifukwa icha chipinjika icha Kilisitu.

Aba Efeso 2:11

Polelo amwe mwe bantu babo bate ba Yuda, kumbuka ukuti kale mukitiziwanga ukuti mwe bantu abasita ukusilimuliwa na bantu babo bakiyitizyanga ukuti basilimuliwe, (chicho chikubombiwa pamubili ni nyobe izya bantu.)

Ukukumbusya Amalamulo 10:16

Polelo mwefyemo imbibi mumoyo ghinyu, sona mutakaghakazyanje amoyo ghinyu.

Ukukumbusya Amalamulo 30:6

U Mwene u Chala winyu akwiza pakubapa amwe na baluko lwinyu amoyo aghakwivwila, umwakuti mukwiza pakumughana na moyo ghinyu ghosi, sona nu muzimu winyu ghosi, ukuti mubanje nubumi.

Aba Filipi 3:3

Pakuti aswe twe basilimuliwa abanaloli, twe tukumuchindika u Chala umwakulongoziwa nu Muzimu Umuzelu, sona tukuhoboka mubumi bwitu ubwakumamatilana poka nu Kilisitu u Yesu. Aswe tutakusubila inyiho izya mubili,

Yoshwa 5:2

Pakabalilo kalakala u Mwene akamulamula u Yoshwa akati, “Biza ivipeni ivya mabwe ukuti ubombe ulwiho ulwakubasilimula aba Izilayeli, babo batakasilimuliwapo.”

Yoshwa 5:4

U Yoshwa akabasilimula abantu pachifukwa ichakuti abanavuli bosi babo bangalwa ubwite bakamalila munkolongo, bo bakwepamo mu Ijiputi.