Ubwandilo 17:1 - IBAYIBOLO 2024

¹ Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu.

Ubwandilo 17:1 Iomraidhean Croise

Ubwandilo 12:1

U Mwene akamubuzya u Abulamu akati, “Fumamo muchisu chako. Ubaleke abakamu bako, nakaya aka ghuso, nukubuka kuchisu chicho nkwiza pakukulanjizya.

Ubwandilo 12:7

U Mwene akamubonekela u Abulamu nukumubuzya ukuti, “Ichi cho chisu chicho nkwiza pakubapa abaluko lwako.” Palapala u Abulamu akamuzengela ichighemo u Mwene yuyo akamubonekela.

Ubwandilo 16:16

Umwana yunuyu akapapiwa, bo u Abulamu ali na maka 86.

Ubwandilo 18:1

U Mwene akamubonekela u Abulahamu mumakwi agha mupandapanda agha Mamule, bo u Abulahamu ikaye pamulyango uwa chisakasa chache pamusanya bo kupiye nkani.

Ubwandilo 18:14

Nkimba chilipo chimo chicho chingamupota u Mwene? Ukuyana namumo u Mwene anenela, mumwaka uwa indabi, pakabalilo kanaka, u Sala akwiza pakuba nu mwana umulumendo.”

Ubwandilo 24:40

“Akamula akati, ‘U Mwene yuyo namubombela mubusubiliwa akabalilo kosi akwiza pakumutuma uwantumi wache poka nawe nukuti vyosi vikwendele akiza, umwakuti ungamusendela umukolo umwana wane kubaluko lwane, sona ku bamunyumba iya tata wane.

Ubwandilo 26:2

U Mwene akamubonekela u Yisaki nukumubuzya ukuti, “Utakabukaye ku Ijiputi, loli wikale muchisu chicho nkwiza pakukubuzya ukuti wikalayemo.

Ubwandilo 28:3

U Chala Uwamaka Ghosi ayisaye isendwa yako, nukukupa abana abinji nkani, umwakuti ubanje we munyenya uwa inko inyinji nkani.

Ubwandilo 35:11

U Chala akamubuzya akati, “Ane ne Chala Uwamaka Ghosi. Papa abana abinji, sona inko izya bantu inyinji nkani bakwiza pakufuma mumwako, sona ukwiza pakuba we munyenya uwa bamwene.

Ubwandilo 43:14

U Chala Uwamaka Ghosi abapelele ichisa pamaso pa muntu yula, umwakuti abitikizye pakwiza nu Benjamini poka nu Simiyoni. Nanti chisimbiwe ukuti abana bane imbataghe bunubu, awe, chibombiwanje.”

Ubwandilo 46:3

Po akati, “Ane ne Chala, u Chala uwa ghuso, utakanyilaye pakubuka ku Ijiputi, pakuti kulakula nkwiza pakukupela pakuba we luko ulukulu nkani.

Ubwandilo 48:15

Po akamusaya u Yosefu akati, “U Chala yuyo abatata bane u Abulahamu nu Yisaki bakamubombelagha abasaye abana banaba. U Chala yuyo ansungilila mupaka pakabalilo aka, abasaye abana banaba.

Ubwandilo 48:3

U Yakobo akamubuzya u Yosefu akati, “U Chala Uwamaka Ghosi akambonekela pa Luzi muchisu icha Kenani, sona akansaya.

Ubwandilo 5:22

Pisinda pache u Enoki akikala mukumamatilana poka nu Chala amaka 300. Akapapa abana abanji abalumendo na balindu.

Ubwandilo 5:24

Akabalilo kosi aka bumi bwache akikalagha mukumamatilana poka nu Chala. U Enoki akazyebeluka bulo pakuti u Chala akamusenda.

Ubwandilo 6:9

Ili lyo lipangwi ilya Nowa. U Nowa akaba muntu mugholosu, yuyo atakaba na kalema nakamokamo pakabalilo kache, sona akabombagha zizyo zikamuhobosyanga u Chala.

1 Abamwene 2:4

Bombagha bunubu ukuti u Mwene abombaye zizyo akandayizya ukuti, ‘Nanti abaluko lwako baba ni nkalo inyiza, sona nanti baba basubiliwa pamaso papane nu moyo wabo ghosi nu muzimu wabo ghosi, utakwiza pakusobelwapo nalumolumo umuntu uwakuti alaghilaye ichisu icha Izilayeli.’

1 Abamwene 3:6

U Solomoni akamwamula akati, “Wee Mwene wane, ukamughana nkani u tata wane u Devedi pachifukwa ichakuti akaba muntu musubiliwa nu mugholosu, sona wanaloli. Umughanite nkani, sona wamupa umwana umulumendo ukuti ikalaye pachitengo icha bumwene mupaka nilelo bulo.

1 Abamwene 8:25

Wee Mwene, u Chala uwa Izilayeli, ilelo kwanilisya zizyo ukamulayizya umubombi wako utata wane Devedi bo ukumubuzya ukuti, ‘Utakwiza pakusobelwapo nalumolumo umuntu uwakwikala pamaso papane pachitengo icha bumwene mu Izilayeli, nanti abana bako bakubomba akiza pakuzikonka indaghilo zyane ngati mumo wabombelagha.’

2 Abamwene 20:3

“Wee Mwene, ukumbuke mumo nendelagha pantazi papako umwabusubiliwa nu moyo uwakwiyipa sona nukubomba inyiza pantazi papako.” Po u Hezekiya akalila nkani.

Yobu 1:1

Muchisu icha Uzi mukabamo umuntu yumo yuyo akaba we Yobu. Umuntu yunuyu atakaba nakalema nakamokamo sona akaba mugholosu, umwakuti akamwiputagha u Chala nukuzinyila imbibi.

Yobu 11:7

Nkimba ungivwisya ivyakubusyefu ivya Chala? Nkimba ungayimanya impaka iya mahala agha Wamaka ghosi?

Masalimo 115:3

U Chala witu ali kumwanya, sona akubomba zyosi zizyo zikumuhobosya.

Masalimo 116:9

umwakuti nendaye pamaso pa Mwene, muchisu icha bantu abumi.

Masalimo 25:14

U Mwene akuba mumanyani uwa bantu babo bakumwivwila, po akubavumbulila ulufingo lwache.

Ukufuma 6:3

Ane ne Chala Uwamaka Ghosi. Nkamubonekela u Abulahamu nu Yisaki sona nu Yakobo, loli intakitambula itabwa lyane ukuti ne Mwene.

Ivyili 10:9

Umuntu umugholosu akwikalagha umwakufwasa, loli yuyo akwenda muzila inyonganu akulemiwa.

Yesaya 38:3

“Wee Mwene ukumbuke mumo nendelagha pantazi papako umwabusubiliwa nu moyo uwakwiyipa sona nukubomba inyiza pantazi papako.” Po u Hezekiya akalila nkani.

Yelemiya 32:17

“Wee Mwene Uwamaka Ghosi, umupeli uwakumwanya ni chisu ichapasi na maka ghako amakulu sona ninyobe yako iyamaka. Chitalipo nachimo ichipalapala ku kwako.

Daniyeli 4:35

Abantu bosi aba muchisu ichapasi, bantu bulo pamaso papache. Akubomba vivyo vikumuhobosya, na maka agha kumwanya, sona nagha bantu aba pachisu ichapasi. Atalipo nayumoyumo yuyo angayikanizya inyobe yache, pamo pakumulalusya ukuti, “Nkimba ukubomba ichoni?”

Mika 6:8

Wee muntu, u Mwene akulanjizya kale chicho chiza. Nkimba u Mwene akulonda choni kukwako? Ukuti ubombaye ubwanaloli, ubanje we wachisa, sona wiyisyanje pamaso pa Chala wako.

Ukubelengiwa 11:23

U Mwene akamwamula u Mozesi akati, “Nkimba amaka ghane ghali ni mpaka? Losi ulu ukwiza pakwennya nanti amazyu ghane ghakwiza pakukwanilisiwa pamo awe.”

Ukubelengiwa 24:16

Agha gho amazyu agha muntu yuyo akwivwa amazyu agha Chala. Ali nu bumanyi ubwa Chala Uwakumwanya Nkani, sona u Chala Uwamaka Ghosi yuyo akwennya ichisetuka. Sona akuwa pasi bo afughamiye, ghope amaso ghache mighuke.

Matayi 19:26

U Yesu akabenelezya nukubamula ukuti, “Zinizi zitangabombiwa nu muntu, loli nu Chala. Pakuti nu Chala ichintu chosi chipepe bulo.”

Matayi 5:48

Po mubanje bantu abiza muvintu vyosi ukuyana namumo Ughuso uwakumwanya abeleye!

Luka 1:6

Bosi babili bakaba bantu abagholosu pamaso pa Chala nukukonka akiza indaghilo na malamulo ghosi agha Mwene.

Imbombo 23:1

U Pabuli akenelezya abalongi bala nukuti, “Mwee bakamu bane, mupaka ilelo namubombela u Chala nu mabyebye wane umwiza.”

Imbombo 24:16

Po akabalilo kosi nkuyezya pakubomba inyiza ukuti imbanje nu mabyebye umwiza pamaso pa Chala na bantu.

Aba Efeso 3:20

Ubuchindamu bubanje kwa Chala, yuyo na maka ghache, ghagho ghali pambombo mumwitu angabomba ivintu ivyinji vivyo vitakubelengiwa nukuchila vivyo tungalaba pamo ukuvyinong'ona.

Ukukumbusya Amalamulo 10:17

Pakuti u Mwene, u Chala winyu ali pamwanya pa bachala bosi, sona we Mwene uwa bamwene, we Chala umukulu nu wamaka, sona wakoghofya nkani. Atakwennya icheni icha muntu sona atangabekiwa.

Ukukumbusya Amalamulo 18:13

Amwe mubanje mwe basubiliwa umwakufikapo kwa Mwene u Chala winyu.

Ukukumbusya Amalamulo 30:20

Mumughanaye u Mwene u Chala winyu, mumwivwilaye nukumukakatila. Pakuti u Mwene bo bumi bwinyu. Po akwiza pakubitikizya amwe na baluko lwinyu ukuti mwikalaye nubumi ubutali muchisu, chicho akamulayizya umunyenya winyu u Abulahamu nu Yisaki, sona nu Yakobo.

Aba Filipi 4:13

Ningabomba ichintu chosi ukwendela mumwache yuyo akumpa amaka.

Aba Hebeli 12:28

Pakuti twapokela ubumwene bubo butanganeng'ena, po zagha tumupalizye u Chala nukumwiputa pakulanjizya umuchizi nubogha.

Aba Hebeli 7:25

Ichi cho chifukwa amenye pakubapoka abantu bosi babo bakwiza kwa Chala ukwendela mumwache. Pakuti umwene mumi bwila na bwila pakubalambilizikizya kwa Chala.