Ubwandilo 16:5 - IBAYIBOLO 2024

⁵ U Salayi akilumbusya kwa Abulamu akati, “Ukunanga kosi ukwa Hagala kunuku ukwakuti ansamulaye pachifukwa icha wewe. Ane nkakupa uwambombo wane yunuyu pakuba muchi wako, po ukwandila akabalilo kako akamelela ulwanda, akunsamula ko kunsamula. U Mwene witu weyuyo alonge ukuti wewenu ananga pakasi papako nane.”

Ubwandilo 16:5 Iomraidhean Croise

Ubwandilo 16:4

Bo u Abulamu amumanya u Hagala, po u Hagala akamela ulwanda. U Hagala akazyaghannya ukuti amela ulwanda, po akanda amadinko nukwanda pakumusamula u Salayi.

Ubwandilo 31:53

U Chala uwa Abulahamu nu Chala uwa Naholi, alonge pakasi papitu.” Po u Yakobo akalapa mwitabwa ilya Chala, yuyo uwise u Yisaki akamunyilagha.

2 Imbili 24:22

U mwene u Yowashi atakachikumbuka nalumo ichisa chicho uwise u Zekaliya akamubombela, loli akamughogha umwana wache. Bo u Zekaliya akufuta ilyabumalilo akati, “U Mwene ennyanje zizyo ukubomba sona akufunde.”

Masalimo 35:23

Mwene wane, vundumuka ukuti unvighilile, Chala wane, nyamuka nukundwila ubwite.

Masalimo 43:1

Wee Chala, umpimaye pakuba ne muntu yuyo atanangitepo, unyimilaye panongwa yane na bantu babo batakumenye, sona umpokaye munyobe izya bantu abazimbuli na babibi.

Masalimo 7:8

U Mwene azilongaye inko zyosi. Wee Mwene undongaye ukuyana nu bugholosu bwane, Wee Wakumwanya Nkani undongaye ukuyana nu bwiza bwane.

Ukufuma 5:21

Po bakababuzya bakati, “U Mwene ennya zizyo mwatubombela, po abafunde pakuti mwamupela u Falabo na makambala ghache pakuba balwani bitu. Amwe mwabapa upanga ukuti batughoghe.”

Yelemiya 51:35

Abantu aba mu Ziyoni bakuti, “Ivyongo vivyo vikabombiwa pakasi papitu, vibanje paba Babiloni.” Abantu aba mu Yelusalemu bakuti, “Leka ibanda lyitu libanje pabantu babo bakwikala mu Babiloni.”

Abalongi 11:27

Ane intabanangiyepo nalumolumo, loli amwe mukunangila pakulwa nane ubwite. U Mwene yuyo we Mulongi ilelo alongaye inongwa yiniyi pakasi paba Izilayeli naba Amoni.”

1 Samuweli 24:16

Bo u Devedi amala pakunena zinizi, u Sabuli akalalusya akati, “Wee mwana wane Devedi, fwandi naloli wewe?” Po akanda pakulila nkani.