Ubwandilo 16:14 - IBAYIBOLO 2024

¹⁴ Ichi cho chifukwa abantu bakuchita ichiziba chicho chili pakasi pa Kadeshi nu Beledi ukuti, “Ichiziba icha Mumi yuyo Akunyennya Ane.”

Ubwandilo 16:14 Iomraidhean Croise

Ubwandilo 14:7

Bo bakubwela bakafika mu Eni Mishipati kokuti we Kadeshi nukuchipota ichisu chosi icha ba Amaleki nicha ba Amoli babo bakikalagha mukaya aka Hazazoni Tamala.

Ubwandilo 16:15

Po u Hagala akamupapila u Abulamu umwana nukumwita ukuti we Ishimayeli.

Ubwandilo 21:19

U Chala akamwighula amaso u Hagala, po u Hagala akachennya ichiziba. U Hagala akabuka pachiziba pala, akasemba amizi nukwizuzya inyambi yache iyikwela lila, po akamung'wesyako nu mwana wache.

Ubwandilo 21:31

Po ubuzilo bula bakabwita ukuti we Belisheba, pachifukwa ichakuti abantu babili bala bakalapa ichilapo palapala.

Ubwandilo 24:62

U Yisaki akiza munkolongo iya ichiziba chicho chikitiziwanga ukuti, “Ichiziba icha Mumi yuyo Akunyennya Ane”, pakuti akikalagha muchigaba icha Negebu.

Ubwandilo 25:11

Bo u Abulahamu afwa, u Chala akamusaya umwana wache u Yisaki, yuyo pakabalilo kalakala akikalagha papipi ni chiziba chicho chikitiziwanga ukuti, “Ichiziba icha Mumi yuyo Akunyennya Ane.”

Ukubelengiwa 13:26

Po bakanyokela kwa Mozesi nu Aloni na ku chilundilo chosi mu Kadeshi munkolongo iya Palani pakubalanjizya ivikomwa ivya muchisu chila.